ساعدوني ياخواتي

السلام عليكم
والله اكتب لكم والغصه والقهر بقلبي 💔
من امس ابداً ماذقت شي غير المويه والله قاعده ارتجف
الحمدلله ع كل حال
بنات انا الغى اتطلق من زوجي واهلي رافضين
رافضين خوف علي ولمصلحتي ويحاولون يصلحون بيننا
ويهدوني
ادري انهم خايفين ع مصلحتي والله وقلوبهم معي ووافقين معي
بس مايبوني اتطلق
وانا تعبت كل سنه اجيهم زعلانه ومشكله
عفت زوجي تعبت منه
تعبت من خياناته اكثر من مره اكشفه والله واعلم وش نوع العلاقه ووش بيناتهم
وانا خلاص صحيت ع نفسي الحين وش يقعدني عنده
لا اسلوب ولا معامله ولاحب
خلاص وش باقي اكثر من الي راح
عمري ٢٣ 😭😭
ولي ٧ سنوات ونص معه
حالياً ماافكر الا بالطلاق
بس كيف اقنع اهلي
اهلي راح ياخذون حقي بس مايبون بيتي ينخرب
ويهدوني ان هذا زوجك وهذا نصيبك ومافي حياه تخلو من المشاكل واحنا معاك ووو
وانا عارفه انهم نعم الاهل والسند والله اللهم لك الحمممد
بس مايبي ارجع له
اقولهم لو رجعت برجع لكم وماراح تنتهي مشاكلنا
اعرف نفسي واعرفه واعرف وضعنا
ابغى اعيش حياتي ندمانه ع عمري الي راح وانا صابره معاه
ابغى افهم اهلي اني تعبت وتعبت نفسيتي وتدمرت بذا العمر وعانننيت
كيف افهم ان ماراح اموت بدون رجال ووش فيها المطلقه
موضوعي هذا كله بس ابي كلام افهم اهلي ان خلاص مابيه والطلاق حل لوضعنا افضل من نعيش بذا التوتر والهواش
انا طبعاً راح اصلي استخاره
نااار شاعله بصدري
توي قريت سورة البقره وحسيت براحه شوي
دعواتكم لي 💔💔