.. ساعدوني ياخواتي تكفون واللي يرحم والديكم ..

.. السلام عليكم ورحمة الله وبركاته ..

خواتي انا مشكلتي كبيره ومدري وش اسوي الله يساعدكم ساعدوني ..

انا بنت عمري عشرين سنه ابوي قطري اسمر البشره وامي سعوديه بيضاء البشره

عاد انا لوني مابينهم صار كذا على صفار مع سمار المهم ..

والله ماراح تصدقوني امي قطتني من اول يوم جابتني فيه تخيلوا طلبت الطلاق من ابوي

واول ماجابتني ابوي خذني وهو وجدتي الله يرحمها تخيلوا تقول جدتي جعلها في الجنه

يوم خذتني من المستشفى ماكان على الا الله يعزكم بامبرز يعني هي خذت ملفعها ولفتني فيه

تخيلوا قلب الام شلون قطتني بهالطريقه الفضيعه وبدون ماتطل بوجهي وبعدها بسنتين جات قطر وشافتني

كانت تتصل فيني في السنه حسنه كنت صغيره وتخيلوا كل ماتكلمني تسب ابوي واهلي سب قوي

وانا مو متعوده على هالالفاظ لان جدتي رحمة الله عليها عودتني على الصراحه وما اقول هاللالفاظ

والله انها ماقصرت علي بشي عسى ربي يسكنها الجنه وتوفت جدتي في 2006 وبعدها خذوني ناس

هم يقربون لابوي يعني خواته من الرضاعه لان ابوي وحيد جدتي ومتربي معاهم يعني احنى معاهم

من دون الناس وماقصروا علي الاجاويد معيشيني عيشة ملكه كل طلباتي مجابه ودلع وادرس في احسن

الجامعات في قطر يعني مامقصرين معي بشي المهم انا استحيت وقررت اني اشتغل مع الجامعه عشان

مب عدله اكون عاله على الناس طول حياتي وابوي مشغول مع اخواني الثانين من زوجته الثانيه لانهم صغار

ويبي لهم رعايه لانه بعد مطلق امهم المهم بعد ماعرفت امي اني اشتغل وصرت اعتمد على نفسي

والله العظيم انها صارت 24 تتصل وحب ومادري ايش غلا مادري من وين طلع انا استانست قلت الله هداها

وبترد لي المهم قامت تقولي انا ماعندي فلوس ومن هالكلام وانا حتى ماعندي اكل انا واختج وفقر وحاله

عاد انا راتبي حول 10000 آلاف ومنها ادفع حق امور الجامعه 4 آلاف وطبعا اغراضي وملابسي وبترول السياره

واكلي شوفوا المصاريف واجد غاليه في قطر حدها مولعه نار كل شي بالاف وانا ماعندي حد يساعدني الا نفسي

طلبت مني فلوس وقلت لها ابشري وكنا في آواخر رمضان هالكلام المهم قصرت على نفسي وطرشت لها 3000 ريال

وكان بعد العيد الجامعه ومطالبها يعني ظروفي حدها صعبه وانا ما اطلب من الناس اللي انا عندهم لان مب عدله

وهم مب مكلوفيين فيني واستحي بعد المهم قامت تسبني وتلعن وتقول انا كنت ابي 4000 الاف هذول مايكفون

شرحت لها ظروفي واموري تقول لا انتي مستخسره علي وتساعدين ابوج واخوانج قلت لها مثل ما ساعدتج ساعدتهم

عطيت الوالد 1000 ريال حق اخوي مصاريف للجامعته توه اول سنه قعدت تسبني وبعدها باسبوع اتصلت طرشيلي فلوس

قلت لها ماعندي صفرت قامت تسبني وتلعن فيني وتسب ابوي واهلي اللي انا عندهم وجدتي رحمة الله عليها ..

.. واخرتها قالت لي (( انقلعي يالعبده )) تخيلوا امي تعايرني بخلقة رب العالمين عجل وش خلت حق باقي الناس

بكيت من كل خاطري امي ماتذكرتني الا وقت الفلوس وتعايرني بخلقة رب العالمين وقالت لي قلبي غضبان عليج

ليوم الدين ومن هالكلام تخيلوا اخر مره شفت فيها امي كان عمري 14 سنه وهي واول مره في حياتي اقعد فيها معاها
وماتذكرتني الا وقت الفلوس وش اسوي وش هالام بموت من الهم ياخواتي ساعدوني ..