ساعدوني ياخواتي فالله ماذا افعل

حبيباتي اني متزوجة من ثمان سنوات وعندي بنت وولد وزوجي كاسب
جنت عايشة عند عيالي بغرفة صغيرة وراضية بكل شي واحبهم ومراعية الام والاب مثل امي وابوية ويمكن اكثر وخوات زوحي من يجن يوم الجمعة عندي عيد وكانما خواتي اجو ومااروح لبيت اهلي غير كل ست اشهر مرة لان بغير محافضة ومرت سنتين علة زواجي وماصار عندي حمل وبدت المشاكل وصار عندي حمل بعد السنتين بلضبط واني حامل بحملي الاول سبعت اشهر اشترى زوجي الارض وكال راح ابني وانكلبو اهلة عليه وكامو يحاربونة اتصورو كامو يضمون الاكل عني حتى يزهكوني واسكت ويحجون علية واسمعهم واسكت الى ان جبت وبعد الاربعين رحت اشوف اهلي......
وصار العجب ضربني زوجي ابيت اهلي علمود شي تافه.ورجع الاهلو وحدة وابوه خابر ابوية وكال خلي بنتك عندك مانريدهة وبعد اربعة وعشرين يوم اجة زوجي وامه واتوسلو وباسو الرجلين حتة يرجعوني وزوجي جان جايبلي ذهب اكثر من ذهبي الاولي الي بعتة علمود الارض.
ورجعت لخاطر بنتي ومن يومهة وهمة يكولون علية رجعت ام السحورة ماصبر زوحهة ٢٤يوم وجابنة راكع وذليل وفوكاهة اشترالهة كيلو ذهب وعرفت منهم ان زوجي جان مايطلع من البيت ولاياكل ولا ينام ويصير عصبي بسرعة واكثر من مرة حاول يحرك الغرفة.
ويكوللي خواتة اشون رجعتي ام السحورة واني عبالي ايضحكن وبدا يبني البيت وبعد سنة ونص حملت بحملي الثاني والبيت قرب يخلص وعيشتنة صارت صعبة حيل واني حامل بلسادس وبيوم من الايام اجة احد اخوتة ساعة١٢ بليل ويصيح ويصرخ ويكول مرتك امسوية سحر المرتي واحنة من نجي لهذة البيت نرجع نتعارك.
وبعد هذي المشكلة طلعنة من البيت بس بعد ماحلفوني علة كتاب الله واني حامل وبدت الحياة اتصير حلوة بس همة ماعافوني ويومية ايطلعون علية سالفة .
وهسة صارلي سنتين ونص بعيدة عنهم ولسة اي شي ايصير بيهم ايكولون هاي السحارة دتعمل بينة هيج ويحرضون زوجي علية حتة صار ميصدك بية


تعبت بنات من هذة الهم والظلم ومااعرف اشاسوي اريد الله ينتقم منهم لان شهرو بية وهسة اني كدام العالم كلة اني سحارة والله اني ماعندي غير ربي اشكيلة





شسوي اريد اسمع تجاربكم وادعية اتسخرلي زوجي وتبعد اعيالي عني