حبيباتي الف الف الف شكر لردودكن الغاليه علي قلبي
بالنسبه للباترون انا لا اعرفه لاني نقلت المفرش من موضوع الغاليه ام ناصر في موضوع احلي مفارش في رمضان بس انا اقترحت انه يتعمل مفرش سرير فطلبت مني صديقه لي ان افعله لها ولكن لا اعلم كيف احاسبها
افادكن الله

شوفي باهمسة
أقترح طريقتين
الطريقة الأولى
تشبيك من كل النقط الصفرا اللي في الرسمة رقم 1 بغرزة حشو أو عمود من خلال الشغل
بمعنى أنك بتشتغلى الوحدة الآولى لوحدها وبتشتغلي الوحدة التانية وفي السطر الأخير فيها بتبدأي من أول زاوية أو نقطة صفرا تكوني بتشتغليها تشبكي في زاوية في الوحدة الأولى اللي عملتيها من قبل بغرزة حشو
أو عمود
أو تعملي سلسلتين وتشبكي بحشو وبعدين سلسلتين وتكملي الشغل الأصلي للوحدة لغاية النقطة الصفرا التانية وهكذا

وطبعا" أنت بتشبكي الوحدة الأولى مع التانيه من جهه واحده
يعني المفرش الأول أو الوحدة الأولى هيتشبك فيها أربع وحدات من جميع الجهات فهيكون عندنا خمسة وحدات مع بعض واحدة بالنص والباقي حواليها وبالطريقة دي ممكن تكون الوردات اللي بالجنب للوحدة الأولى مشتركة بين الخمس وحدات من الجهة اللي بنشبك فيها يعني نشتغل الوردات اللي فى الجنب في الوحدات الأربعة من تلاث جهات فقط والجهة الخالية من الورد بنشبكها في الوحدة الأولى وهكذا


الطريقة التانية
نشتغل الوحدة اللي في الصورة كاملة بكل ورداتها ونضيف عليه سطرواحد بعد كدة سلاسل نشبكها بين الزوايا يعني نبدأمن زاوية ونعمل عدد من السلاسل الحرة حتى نصل للزاوية اأو الوردة على حسب الترتيب ونشبك بحشو واحدة ونعمل سلاسل حرة للنقطة اللي بعدها وهكذا حتى نهاية السطر ونقفل الوحدة ونخلي بالنا نزود عدد السلاسل علشان تدينا القوس اللي في الرسمة
ونشتغل الوحدة التانية بنفس الطريقة ونبتدي نشبك وأحنا بنشتغل السلاسل بتاعت السطر الأخير

**هنبتدي بغرزة حشو بين زاويتن الأولى والتانية وأشتغل نص عدد السلاسل ونشبك بحشو واحده في نص قوس السلاسل بتاع الوحدة الأولى وأكمل نص عدد السلاسل التاني لغاية نقطة التشبيك التانية وأكرر اللي عملناه
كالشكل رقم2



ويارب أكون أفدتك
وأي سؤال تحت أمرك يا عسولة

حبيبتي الف الف الف شكر
شرحك واضح وسهل بس ما وضحتيلي سعره كام

يا جماعه عايزه ردود اكتر
عايزه خبراتكم
ارجووووووووووووووووووووووووكم كل من تقرا الموضوع تعطيني خبراتها
يارب تروحوا الجنه