حطي داخل الكرتون منشفة سميكة من المناشف المتوفرة عندك لمواعين المطبخ القابلة للكسر
عشان وقت مايشيلو ويحطو العمال ماتتكسر مواعينك من أسفل
وقت تحميل العفش لازم تكون هناك مراقبة للعمال يعني يكون شخص في الشقة والثاني يطلع وينزل مع العمال عشان يراقبهم مايخدشو أثاثك ويتعاملو مع أغراضكم بدفاشة والثالث عند سيارة العفش عشان ماينسرق شئ من السيارة والأفضل إنك تعملي ورقة جرد لأثاثك وكراتينك وتكون مع الشخص الثالث إلي عند السيارة ويأشر على كل قطعة تحملت للسيارة عشان إذا نقص شئ من أغراضكم بطريقة ما تكتشفونهم على طول مو بعد فترة وتنقهرين على أشيائك
أنا نقلت عفش لي من مدينة لمدينة في إجازة الحج العمال إلي كانو يشيلو الأغراض سرقونا بالتعاون مع الحارس إلي وصيناه يجيب لنا عمال يحملو العفش وكان شخص من قرايبنا إلي مشرف عليهم تخيلي سرقو الغسالة بكبرها وطاولة طعام لنا وأشياء ثانية وقت تحميل العفش والله إنهم مصايب
كمان اللوحات إلي عندك لازم تغلفيها عشان ماتتكسر
جيبي كراتين وفلين تخين شوي قصي الفلين على مقاس اللوحة وثبتيها بلصق شفاف بعدين الكرتونة قصيها بعرض اللوحة تقريبا وأطول من اللوحة عشان تقدري تلفي اللوحة بالكرتونة وثبتيه باللصق الفضي لأنه قوي ويتحمل ويثبت ماينفك
والأفضل تاخذين اللصق إلي راح تستخدميه بشكل عام من محلات الجملة لأنك راح تستخدمي كميات من اللصق بشكل ماتتخيلينه
وأغراضكم بقدر الإمكان تخلونها بكراتين وتجنبي الأكياس المربوطة وكرتوة الأجهزة لا تكتبي عليها أجهزة أكتبي زجاج قابل للكسر مهم إنه العمال مايعرفو محتوى الكرتون عشان مايطمعو فيه
وإذا عفشكم كثير مرة وسيارة دينا وحدة ماتشيلها أنا راح أقولك على طريقة سويناها وكانت أوفر بشكل كبير
تعرفين الشاحنات الكبيرة إلي فيها ثلاجات وتكون مغطية إلي وقت السفر تشوفينها في الطريق بكثرة وتكون عليها دعايات خخخخخ أبغى أوصف بس ما أعرف
المهم نقلت عفشي كامل من غير غرف نوم ودواليب مطبخ فيها 550ريال من مدينة لمدينة مسافة 550كم تخيلي وتلاقينهم عن طريق محلات الخضرة إسألي عندهم وهم ممكن يدلونك وللعلم سواق الشاحنة كان أصلاً رايح رايح وهو فاضي لمدينة قريبة من المدينة إلي نقلنا لها فعشان كذا السعر كان رخيص ..
والله يعينك على غثاء النقل ....
إبريز
•
والله انا نقلت من الشرقيه للرياض وكنت حامل وماعندي شغاله شيلت الملابس واغراض التسريحه كلها ولفيتها بالجرايد وعبيتها بالشنط والكراتين وبعدين الله يخليلي زوجي جاب شركه المثلث ولفت كل الاغراض الباقيه وحتى المطبخ لفو كل الاغراض الي فيه بالبلاستيك الفقاقيع وحطوها بكراتين والله يابنات مافيه شي انكسر من الخبر الى الرياض مرررره رهيبين
الصفحة الأخيرة
تعجبنى افكارك ياتالا عندك لكل سؤال جواب