ساعدوني يالمتزوجات.. كيف الزوج يكون؟

خخخخخخ.... يحليلج

خبرة 11 سنة زواج والحمد لله

بيتغيييييييييير إن شاء الله.... ومع الوقت بتعرفين شلون تعاملين معاه وتغيرين أشياء فيه ماتحبينها

بالنسبة للفراش.... بالفعل بيكون سلاحك بس مش بالتمنع.... بالعكس بالإغراءو الحركات ووووو.....ترى حتى انتي احساسك تجاه موضوع الفراش بيتغير مع الوقت....

بالنسبة للغيرة والشك.... اتوقع بسبب الي يشوفه لأنه دكتور بس مع العشرة بيتغير


والله يوفقك

(نصيحة حطي موضوعك في قسم الحياة الأسرية بتحصلين تجاوب أكبر)

يغلط احيان بكلام مره جارح لدرجه مره حط بشرفي !! ؟؟؟؟؟؟؟؟؟؟؟؟؟؟؟؟؟؟؟؟؟؟
احس هذا شي كبير ولازم تجلسين معاه جلسة صراحة وتطلعين كل اللي بقلبك وتفهمينه انك بنت ناس متربية وهو جا خطبك من بيت اهلك وانتي معززه مكرمه
ولازم تفهمينه ان كل شي يهون الا هذا الموضوع ولو يبيك وشاريك المفروض انه يتأكد من هذا الشي

وبالنسبة لموضوع الشك او الغيرة لازم تحسسينه ان مافيه احد بعيونك غيره وانك قد المسؤولية والثقة وهذي تجي مع الكلام الحلو مع العشرة ومن تصرفاتك

واما باقي الاشياء تراها هينه وانتي تقدرين تغيرينه

أختي الفاضلة..الموضوع باكمله لا يعدو امورا طبيعية تحدث بين كل زوجين

ولكن المشكلة تكمن فينا..حين نحلم بالفارس الشهم الطيب الحنون..ونصدم بالزوج الواقعي

القاسي الأناني..اغلب الرجال هكذا..وحتى أغلب الناس..كل واحد منا يفرغ عقده

ومشاكله النفسية على من هم أضعف منه..وهذا هو الواقع الأليم..

نصيحتي الوحيدة اليك..أجبريه على احترامك..

ولتحقيق ذلك هناك عدة طرق منها..

1_احترامك أنت لنفسك..لا تقللي من شان نفسك..ولا تربطي مصيرك بمصيره

ورايك برايه..ورغبته برغبتك ولا تشعريه بانه أذكى منك..فيشعرك هو بالدونية..

2_لاتتحاذقي أمامه..إذا كنت متأكدة من معلومة فقوليها,,وإلا فكلمة( لا أعرف) خير من

معلومات خاطئة تظهرك أمامه بمظهر الغبية..

3_احترميه كي يحترمك..ولكن دون ذل..وافهميه أن لك حدود..وخطوط حمراء..كما له

مثل وقت الدراسة وقت واجبات الأهل وقت النوم..الخ

واهم من كل ماسبق..لاتذوبي خجلا إذا ما استهزء بجسمك وشكلك

بل ابتسمي..وأفهميه أنك تثقين بنفسك..وأنه لو لم يعجبه..فهو قادر على إيجاد البديل..ولا مانع

لديك..ومن باعك بيعه لوكان غالي..وإلا لو أرادك يجب عليه احترامك..

وأن كل شخص فيه عيوب..وهو ايضا..ولا أحد كامل..وان كرامتك غالية..ولا تقبلي

أن يهينك..وإياك والرضى السريع بعدها..لأن رضاك السريع بعد الإهانة سيشجعه

على تكرارها..بينما اظهارك لشدة انزعاجك سيجعله يتريث فيما بعد..

وأدعو لك بالتوفيق..وأن يسخره الله لك أختي الفاضلة واترك بقية النصائح للأخوات.

السلام عليكم
ياأختي أنا ماعندي خبره في هالموضوع
بس ماحبيت أدخل وماأرد عليك
بصراحه أنا مالي خبره في هالموضوع
بس ماأقول إلا الله يوفقك ويعينك
وعليك بالدعاء لنفسك
ولزوجك بإن الله يهديه ويحنن قلبه عليك
أنا اللي أزعجني مررررررررررررررره
لما قلتي إنه شكك في شرفك
إنتي فهميه إنك إنسانه شريفه
وماترضين أيا كان سواء هو ولا غيره
يتكلم في شرفك
ومثل ماقالت بنت أبوها فهميه إنك بنت متربيه
وإن هالكلام محظور عليه وعلى غيره
وأرجع وأقول الدعاء الدعاء
وخصوصا في ثلث الليل الأخير وباقي أوقات الإستجابه
أكيد ماتخفى عليك عظم الدعاء في هالأوقات
والله يوفقك ويعينك ويكتب لك اللي فيه الخير
قولي آمين

مشكورييييين الله يجزاكم خير


ان كان اراء زيادة ياليت :( والا ارسلوا الموضوع للحياة الأسريه

:( ساعدوني ابي اتعلم امور..