بس انا يا حبيباتي انا متضايقه انه اول سنه في زواجي وانا مسافره مع زوجي على شان نبعد عن العالم وهم يجون عندي في غربتي

حبيبتي صفي النيه
على كلامك ماعشرتيهم
ماتدرين يمكن هم سمن على عسل بلعكس والله افرح لانه بتحسين طعم رمضان غير معهم
لانها لمه اهل حلوه
افرحي فيهم واستقبليهم احسن استقبال
انتي اذا تحسستي بتشوفين وش كبر الشيء واذا عادي بلعكس بيمر ماتحسين فيه
واخته ماعليك منها البسي واكشخي مثل ماقلت اختي بنت مو ولد
واكثري من الاستغفار

ياقلبي انتي
ترى للان ماادري ليه انتي زعلانة لهذه الدرجة؟
بالعكس رمضان ماله طعم بدون جمعة الناس
ياليت يجيني احد في رمضان والله مستعدة اعطيه فلوس بس يجي عندنا
تعرفي انا طبخي تمام الحمدلله
وأمد سفرة طويلة مااحد يأكل منها الا أنا :(
ارسلي لي اهل زوجك وانا اخذهم :)

وبالنسبة لكونك عروسة
طيب مايتعارض مع زيارة اهل زوجك ,,خليك عروسة قبل وبعد
يعني العروسة لازم تنحبس زوجها عن الناس؟؟

أهم شيء لاتتكلفي على نفسك
خليك على طبيعتك
ولاتشتكي لزوجك منهم ابدا ابدا
ترى ما راح ينساها لك

وانبسطي بجيتهم
لاتزعلي نفسك

يااااااااااااااااااارب يسعدكم والله انكم ريحتوني بكلامكم مررررررررررررره شكرا

بسم الله الرحمن الرحيم
السلام عليكم ورحمة الله وبركاته
اولا ياقلبي وسعي صدرك ورحبي بضيوفك وشليهم فوق راسك فامعزتهم من معزة زوجك
انا اهل زوجي اطلبهم طلبه يعني اترجا فيهم بس يجو لعندي مره من سنتين جاءو لعندي والله طير من الفرح والوناسه
واختي زوجي انا طلبت منها تجئ تدرس عندي تونسني شوي
واللي مافيه خير لاهله مافيه خير لحد
يلا ياقلبي خليك مراه سنعه وانا متاكده انك سنعه وراح تشيلهم شيل
وهدا طبعا من اصلك الطيب الله يبارك فيك
ومتا ما قالوا البنات ادخلي قسم الطبخ راح تلقي كل مالد وطاب وبخطوات وصور كمان ومازال امامك وقت علي رمضان تعلمي فيها كم وصفه حلوه ومتنوعه
يعني ممكن تعلمي اكلات عربيه مختلفه تكون غير شكل ويبي تغير وتنويع
الله معاك يااختي وربي يعطيك الصحه والعافيه
ونبي نسمع عليك اخبار حلو وبعد ما يرجعو اهل زوجك بسلامه
نزل موضوع احكي فيه شو سويتي وشو حضرتي لاهل زوجك علشان كلنا نستفيدوكمان العرايس يستفيدو منك وما يكونو في حيره وخوف متلك
ارجو منك ان تتقبلي مروري بصدر رحب
موفقه ياعمري