ساعدوني يا بنات

معقوله على قولتك اخر دوره جتك بشهر 4 يعني الحين المفروض لك شهر مولده بصراحه غريبه تاكدي من تاريخ دورتك مو معقوله تكونين مكمله العاشر ولا ولدتي. والله يهون عليك

هلا ومرحبا
بصراحة أختي مثل ما قالت أختي almo7tramh
مو معقولةخلصتي العاشر وما ولتي
يمكن تكونين امغلطة بتاريخ الدورة
أنا عن نفسي أدخل الشهر العاشر وآخذ منه أسبوع وأولد
وبخصوص الطلق بصراحة أنا جربته في الولادة الثلاثة
وتعبت إشوي بس الحمدلله
ولا تخافين وإتوكلي على الله
ونشالله تقومين بالسلامة وبخير وعافية
والله يحفظج

حبيبتي اتكلي على الله

و خلي عنك الخوف و الوسوسة

اذا كانت آخر دورة لك في 9/4
اذن كان الحمل في الفترة من 19 الى 29 /4
و على فرض أن الحمل تم في 29/4 فيكون تمام التاسع في 29/1/1424

و لكن يوجد نساء كثيرات تاخذ جزء من العاشر

يعني انتي و طبيعة جسمك

توكلي على الله و عليك بالدعاء و فعل الأسباب

و انشاء الله نسمع عنك كل خير :27: :27:

بس حبيبتي لازم تروحين ويولدونك بأي طريقة تدرين ليش ؟؟
لأنه الجنين في أواخر الحمل يكبر حجمه بسرعة ويمكن تأخير أسبوعين يكبر أكثر وتتعقد المسألة ويصير يبالك عملية ..
أختي الطلق الصناعي اذا كان بسيط يعني محرض ( محفز ) يسرع الطلق فقط !! وهو جيد أنا جربته !! أخذت كمية بسيطة لأني ما حبيت آخذ طلق سريع فطلبت شي بسيط جدا على سبيل التجربة ومشيت والحمد لله .

أشكركم كلكم


واحمد الله فقد ولدت فجراليوم الثاني الي كتبت لكن فيه