ام نوف2011 :

حياك الله يااختي في الرياض وبتنور بوجودك الفنادق عندك الفورسيزن وتحته سوق المملكه والاسواق فيه سنتريا مول مره حلو وفيه مطاعم حلوه والرياض قاليري حلو وفيه مطعم ست الشام جلساته حلوه لانها غرفه بباب تاخذين راحتك فيها واذا اخوك يبغى ينبسط يروح لشارع التحليه كله مقاهي ومطاعم اكثرها للشباب وفيه لوكالايزرمول في التحليه اكثر المحلات فيه للشباب وان شاءالله اذا جيتي ماتتغير نظرتك عن الرياض ماادري ليش تحمست لك بس ان شاءالله اكون افدتك سبحان الله وبحمده سبحان الله العظيم

حياك الله يااختي في الرياض وبتنور بوجودك الفنادق عندك الفورسيزن وتحته سوق المملكه والاسواق فيه...

Selver_honey :

الفندق انصحك *بفندق كورال السليمانيه ... **فندق ميركور افضل من فندق الفيصليه وهو على شكل يخت مررره حلو ومميز ويقع بالدائري الشرقي حي الحمراء **فندق التنفيذيين 4 نجوم _طريق العليا العام **فندق الفيصليه روزوود _5نجوم _طريق الملك فهد **فندق المثنى _4نجوم_ طريق الملك فهد قرب برج الفيصليه **فندق غولدن توليب _4نجوم_ شارع العليا العام الغرفه باليوم من 470 الى 550ريال **غولدن توليب الناصريه_ 4نجوم_ حي الناصريه المعذر **بيت الاماني للاجنحه الفندقيه _شارع العليا العام مقابل اسواق الاندلس >هادي وانيق غرفه لشخصين من 350 الى 450 ريال .. **فندق برزين جديد وحديث _3نجوم_ شارع العروبه مقابل مستفى الملك خالد للعيون تقريبا 500ريال لليله **فندق الشرق دلمون _3نجوم قرب مستفى الملك خالد للعيون _شارع العروبه **فندق رويال _ العليا واذا جيتي هناك ترى فيه شقق كثيرررررر في شارع الامام محمد بن سعود مخرج 9 وايضا بمخرج8 الدائري الشمالي من فوق لتحت وحي الروضه نفس الشي كله شقق بس انا حطيت لك الفنادق المميزه بعضها والعليا منطقه حيويه بالرياض **الشوارع الحيويه التي يجب التمشي فيها لتختاري مولا او مطعما مميزا : طريق الملك فهد : شريان الرياض الحيوي ويصل الرياض شمالها بجنوبها شمالا من عرقه واحيائها الصحافه والنخيل والمحمديه والملك فهد والعليا والرحمانيه الى وسط الرياض (المعذر والوزارات و المربع وحي الديره القديم ومنفوحه القديمه ) الى جنوب الرياض(الشفاء ونمار والحزم) الى غربها (السويدي والبديعه والعريجاء ) المميز في شارع الملك فهد هو من جهة الشمال الذي يقع بحي الرحمانيه والعليا والذي تقع عليه الفيصليه وبرج المملكه من هذي الجهه يكون تميز شارع الملك فهد ويحمل الكثير من التميزات اشهر الفنادق هناك وايضا المطاعم , ومن اشهر المطاعم : جزيرة الاحلام: مميز وحلو ويذكرني بايام زواجي الاكل سي فو د وايضا اكلات اخرى ومميز وغاااالي وينفع للرسميات وللكابل..يعني ماينفع تروحين مع اخوك او اهلك بس انتي وزوجك او خطيبك ممكن. البيت الايطالي : ايضا مميز وحلو وفخم ورائع اللوبستر الذهبي يقع داخل الاحياء من هة الفيصليه ممكن تبحثي عن موقعه بقوقل بس الكل يمدح اكله وخاصه السي فوود الفيروز غاردن : جديد له سنتين فقط وحلووو ومميز وجميل جدا ويعجبني والاكلات شاميه ولبنانيه ورائعه وفخم وغالي وينفع للعزايم.. سنتو بيرسنتو : مطعم مغربي ولكن مميز وحلو وفخم ولهم طريقه خاصه في الاستقبال وينفع للعزيمه المميزه... يقع بشارع الملك فهد بجوار محل ورود وايضاعند تمور الصالحيه وعند مطعم الفيروز غاردن.... شارع العليا العام : شارع موازي لطريق الملك فهد ويقع بينه وبين الملك فهد برجي الفيصليه والمملكه وبرج التنفيذيين والابراج الجديده ابراج العليا وبرج السويلم ,,,شارع العليا حيوي ويوجد فيه افضل المولات والمطاعم والاسواق ومحلات الماركات والشركات الرسميه .. اشهر مطاعم العليا : توني روماس , مراكش المغربي , وايضا مقاهي في عماير السيركون شاعر العليا مع شارع موسى بن نصير... **شارع موسى بن نصير: هو شارع يقع بين تقاطعه مع العليا والملك فهد شاعر يحمل في وريده عمائر السيركون وهي مجمع سكني للاجانب واصبح محلات تجاريه وماركات عالميه ومقاهي وصالونات وغيره , ويقابله مجمع العقاريه 1 و2 ,,,وايضا مركز النمر الذي يقع قرب مكتبة جرير... طريق الملك عبدالله : هذا الطريق يمتد من الشرق للغرب ويربط الرياض شرقها بغربها عكس الملك فهد , يتقاطع مع طريق الملك فهد , وهذي الايام فيه حفريات وتحويلات قاربت على النتهاء لهم 5سنوات يشتغلون فيها والحين بدو يخلصون بطريق الملك عبدالله , الطريق اشد حيويه ومليء بالاسواق والمطاعم ايضا ...وهو من الشوارع الفخمه والجيده بالرياض .. ويقع في هذا الشارع شارع الملك عبدالله مولات كثيره منها( مجمع صحارى مول الكبير, صحارى بلازا , سنتر بوينت , محلات مثل السدحان وبي لس ويقع حياة مول المول الكبير بجوار صحارى على طريق الملك عبدالعزيز ... طريق الملك عبدالعزيز : وهو يمتد من الشمال للجنوب ويربط جنوب شري الرياض من حي الملز والمربع الى شمال الرياض حي السليمانيه والورود مرورا بحي الملك فهد والمصيف وغيره .. يقع على شارع الملك عبدالعزيز عدة ااكن مميزه مثل ( السوق الصيني لي مول يقع بتقاطع الملك عبالعزيز مع الدائري الشمالي) أيضا مطاعم اسماك النافوره ومطاعم الوجبات السريعه و المراكز المهمه ويمر في قبل اخر الشارع باتجاه الجنوب مطعم النافوره والصخره بحي الضباط ... وفي شارع الملك عبدالعزيز يقع حياة مول وصحارى بينه وبين الملك عبدالله وايضا الدانوب ,,وسيتي ماكس .. **شارع الامير محمد بن عبدالعزيز (التحليه): هذا الشارع يتقاطع مع العليا ومع الملك فهد , ويتميز الشارع بوجود كثيررررر من المطاعم والمقاهي وهو شارع للشباب وقلتي ان اخيك معك فسيستمتع بوجوده هناك ليتفرج على تحدي الشباب بالموتورات والدراجات الناريه , وايضا فيها مطاعم ممكن تختاري اي مطعم وتجربي فيه , ويوجد به افضل مجمع ماركات عالميه (سنتريا مول) ومجمع للشباب (لوكالايزر) وكما اسلفت فيه الكثير من المطاعم واذكرالمميز منه لونوتر الايطالي >>>جدا مميز وحلووو وممكن تعزمي فيه مايفشل لوليمبو بيتزا روما >>حلوورائع ابل بيز تشيليز>>> زحممممه مدري على ايش بس تعجبني عصيراتالبيناكوالاد حقتهم بس تصلح بالصيف لأنها مثلجه مقهى الهايديارد فخم ومميز وغالي شويتين>> ولو عزمتي فيه بيكلفك بس مايفشل ارابيسك مطعم وكافيه >>هادي وعادي عبدالوهاب اللبناني >> الاكل ما اعجبني والمطعم شوي فخم وحلو وعليه زحممممه غاردن تي (حديقة الشاي) مقهى ومطعم وجلسات خارجيه ليكلوز الفرنسي>>حلوو وصغنون والاكل غريب ومميز فروساتو >>ياباني ويطبخون قداك سوشي يوشي التحليه مع شارع الضباب (مساعد بن جلوي)>> لمحبين السوشي دايموند الصيني تاو كافيه>>> مقهى حلو ورايق زرته اكثر من مره ومريح توتي كافيه الريف اللبناني >>حلو ومميز بس ازعاج بنات كوبرشندني (مطعم هندي) بآخر شارع الامير محمد بن عبدالعزيز التحليه >>حلو وفخم شام شريف تقاطع التحليه مع شارع عبدالله سليمان الحمدان>> رايق وصغير ونوعا ما جيد بيتزا اموري شارع التحليه تقاطع شارع عبدالله سليمان الحمدان >> ايطالي رائع ومطاعم اخرى لاحصر لها شارع الامير سلطان بن عبدالعزيز : يقع قبل الفيصليه من الشمال وهو يقطع طريق الملك فهد وطريق العليا ,ويقع قبل فندق الخزامى والفيصليه ويتميز بوجود المحلات الجيده وكثرة محلات الشوكولا والحلويات ومحلات الهدايا القيمه والساعات والمجوهرات ومحلات متنوعه ومصممين وايضا بعض المطاعم واشهرها: مطعم السرايا التركي >>انصحك ذا مشتهيه تاكلين فيه خذي سفري لأني المطعم كله ريحة اكل وزفره واذا دخلت يتنشب فيك الريحه .. مطعم الركن اللبناني >>هادي ورايق نوعا ما وخدمه جيده ستيك هاوس : حلو لمحبين الستيك واللحوم والبرغرات مطعم ست الشام : جلسات حلوه وفخمه وخدمه راقيه لكن الاكل مش ولابد.. *شارع التخصصي : يوجد به الكير من المطاعم مثل ستيك هاوس _ فرايديز _ وقت النخبه _ برج الحمام _ ميراج الصيني _ لينك _ المكسيكي _ وغيره كثيرررر وايضامحلات الحلويات و يوجد الكثير من الاسواقم مولات شمال الرياض : المملكه الفيصليه مول صحارى مول حياة مول : الملك عبدالعزيز مع الملك عبدالله العقاريه 1 و2 : شارع العليا مع موسى بن نصير بانوراما مول _شارع التخصصي مع شارع الامير محمد التحليه الرياض غاليري : شارع العليا مارينا مول : مقابل الرياض غاليري عماير السيركون : مجمع للماركات والمصممين والفساتين السواريه والمشاغل المميزه سنتريا مول : العليا مع التحليه العليا مول : شارع العليا رويال مول: شارع الملك فهد حي الرحمانيه .. مجمع الاندلس : قديم شوي ويوجد به الاقمشه والجزم وغيره ولاتتعدد فيه الماركات مولات شرق الرياض غرناطه مول : اكبر مجمع بالرياض يضم الكثير من الماركات والمطاعم وهو مجمع رائع في حي الحمراء على طريق الدائري الشرقي.. العثيم مول: يقع بحي الربوه على طريق خري شرق الرياض الرياض مول : حي الروضه شارع خالد بن الوليد شرق الرياض *مولات غرب وجنوب الرياض : البديعه مول : حي البديعه غرب الرياض سلام مول : جنوب وغرب الرياض الائري الجنوبي شاعر اجياد الشفاءمول : تقع بحي الشفاء جنوب الرياض سيتي مول: يقع بحي الشفاء جنوب الرياض اسواق مكه للفساتين والاقمشه والذهب وملابس السهرات ,مجمع وقديم في غرب الرياض حي الخالديه ... اسواق قديمه : تقع في حي الديره وسط الرياض وقلب الرياض وتتميز الشوارع القديمه بأنها قلب الرياض وتجارة متنوعه للاقمشه والعطور الماركه والالعاب والاواني في حي الديره تقع شوارع عديده ويمتاز كل شارع بشيء ,, شارع السويلم : قديم ويتميز بمحلات الماركات للعطور و بنصف سعرها في المحلات الاخرى , وايضا محلات الالعاب ومحلات الجمله لاشياء اخرى شارع الخزان : للاقمشه شارع السباله : للاواني المنزليه شارع لبطحاء : شارع كبير وتجارته منوعه للجمله والمفرد... قلب حي الديره : يوجد جامع الإمام تركي بن عبدالله في هذا المكان تستشعر باهمية المكان والزمان الذي بني فيه الجامع والاسواق من حوله مثل سوق الذهب والمعيقليه ومجمع التعمير . والعطارات الكثيره هناك ... ************************************************** نأتي إلى أهم الأماكن التاريخية : *المصمك *مركز الملك عبدالعزيز التاريخي : يقع في قلب الرياض القديم حي الديره وهو يضم ماكان في عهد الملك عبدالعزيز وحمه الله من آثار تاريخيه.. * الدرعيه القديمه : تقع في شمال الرياض وفيها جوامع ومدارس قديمه منذ عهد الامام حمد بن سعود والشيخ محمد بن عبدالوهاب رحمهما الله .. *قصر الحكم : يقع بقلب الرياض القديم ويمنع الدخول اليه لوجود امارة الرياض هناك ومكتب الامير سلمان الخاص ... * قصر المربع : يضم آثار قديمه قبل فتح الرياض واثار الملك عبدالعزيز ... *مدينة العيينه: فيها اماكن قديمه وآثار رائعه ,,, وفيها مزارع واستراحات عديده لتغيير الجو... ********************************************* **المنتزهات العامه الجيده : _منتزه سلام في شارع سلام ... _منتزه الوطن _منتزه البعيجان شارع الملك فهد _منتزه جبل ابو مخروق بالملز _منتزه وشاليهات قرية الثمامه _شارع الثمامه شمال شرق الرياض .. _منتزه وشاليهات الساحل _ شارع الثمامه شمال شرق الرياض _منتزه وشاليهات فانتزي لاند_ الثمامه _منتزه وشاليهات الديره _ الثمامه _منتزه وشاليهات الواحه _ الثمامه يوجد منتزهات داخل كل حي بالرياض وهي منتزهات صغيره تحمل اسماء الأحياء .... ايضا يوجد شاليهات صغيره وكبائن ومطعم في مكان واحد مثل : *منتجع المرسى : الطريق الدائري الشرقي _حي الروضه.. مدن الألعاب الترفيهية: ملاهي نسائيه واطفال فقط مثل : 1ـ الحكير لاند _الدائر ي الشرقي _حي الروضه 2ـ ستار سيتي _ الدائر يالشرقي _ حي الروضه جوار الحكير لاند والمرسى 3ـ ملاهي الخيمه -حي الورود _شارع الامير سلطان بن سلمان .. 4ـ ملاهي الروضه _ حي الروضه 5، فيوتشر آيلاند ملاهي للأطفال والعوائل بدون شباب مثل : تولان تاريم عالم الثلج سنو فن تايم فيفا البراجون نسائيه فقط ******** مجمعات نسائيه يوجد الكثير ولكن الاشهر منها: 1ـمركز بشرى النسائي: يقع شرق الرياض .. 2ـ مركز الروزنه النسائي يقع غرب الرياض .. 3ـ مركز الجوهره النسائي يقع غرب الرياض داخل سوق مكه بالدور الثاني المبنى رقم 2.. وهذي اغلب الاماكن للتمشيه عندك المنتزهات البريه اذا حابه تركبين جي شل او دبابات زي ايقولون فيه منتزه الثمامه البري (تراب ومخيمات ) وممكن تفرشون فراش وتجلسون تتفرجون بدون مخيم ولا اي دفع... ويمكنم التطعيس بالسياره والتنزه في البر والهواء ورؤية الامطار او الماء والبعارين وتمعات الشباب والتحدي .. وايضا منتزه روضة الصمان يبعد عن الرياض 180كلم ومنتزه التنهات يبعد عن الرياض 150كلم وايضا الجنادريه تبعد عن الرايض 50كلم تقريبا بعد الثمامه ... ايضا منتزه روضة خريم يبعد كثير عن الرياض تقريبا 150 كلم .. منتزه روضة خرارة يقع بمحافظة المزاحميه تبعد عن الرياض 45كلم منتزه روضة المحليه ونساح بمحافظة المزاحميه تبعد عن الرياض 45كلم تقريبا ...

الفندق انصحك *بفندق كورال السليمانيه ... **فندق ميركور افضل من فندق الفيصليه وهو على شكل يخت...