شوفي الرسائل الخاصة ،،بعثتلج رقم ام ريم

السلام عليكم ... اشحالكن خواتي ربكن الا بخير
الصراحه من سمعت بنات العين ......... فزيت من خاطريه هههههههههه
اخت رهف انا مثلج محتاره فالمكياج
بس يوم قريت عن سوسن اللي كاتبه عنها اخت ريم حبيت استفسر عنها

.. يعني احس عمري يوم الاعراس ما اطلع حلوه ......(( مايعرفن ايعدلني الله يغربل بليسهن )
فاخت ريم اريد اتخبرج عن سوسن ... يعني مكياجها حلو وايد ولا !!!

اهم شي عندي العيون وكريم الاساس .. لني لاحظت انهن يوم الاعراس ايلخن عليج من هالكريمات لين ايخلن الويه جنه طين علييه ... ولا عقب ساعه ولا ساعتين طار المكياج من عند الخشم والخدود ولا يتم شي منه ...



فايليت اتردين علييه لن عندنا عرس ... بوقت قريب ..
:27:

.................................................................

العيناويه مرحبابج ... ياليت اتخبريني بعد هن ام ريم .. واطرشين لي رقمها على الخاص .......>>> سمحولي ما خليت حد ما طلبته هههههههه


:26: :26:

اخواتي الحبيبات
اولا احلى سلام حق العين واهلها ثانيا ليش ما تيبين وحده اتعدلج وتكون من صالون عشان هم عندهم خبرة اختاري لج صالون حلو مثل الافراح والنورس
مع محبتي للجميع

هلا خواتي

اشكركن على الرد والتفاعل

بصراحة انا مااحب اروح الصالونات واذا فكرت اجيبها للبيت يعني لازم ادفع الضعف
ولايش عاد هذا كله وانا بجرب ان شاء الله الي قالت عنها الاخت ريم مجلودي (سوسن)
وبرد عليكن بس ياليت بعد الي تعرف اي وحدة تعدل في البيت تساعدنا وتخبرنا اسمها عنوانها اسعارها
ونحن بنجرب وبنقول تجربتنا


جزاكن الله خير

هلا بنات

خالـ فلانه ـت ماكياج سوسن شفته على العرايس بصراحة حلوووو

خصوصاً يوم إني أحيد ويه وحده أعرفها بدون ماكياج ومع ماكياج سوسن صار فرق كبييييير

خلتنا ننتبه لملامح حلوة في العروس ما كنا منتبهين لها قبل ما تعرس

و هي لبنانية و رسمة العيون تضبطها و بعد الأساس مضبط

و سمعت إنها ناوية تفتح صالون في المستقبل متى عاد ما أدري؟؟


هلا رهف 3030

إن شاء الله تجربين سوسن و تخبرينا عن رأيج

وأتمنى الماكياج و الأسعار تعجبج يا رب

و موفقة بإذن الله