ساعدوني يا بنات ... زواجي بأزمة

بالبداية احب اقول لإدارة المنتدى ان هذا الموقع من افضل المنتديات التي دخلتها وشدتني جدا لما فيها من مواضيع كثيرة وجميلة ومفيدة.

الله يعطيكم العافية وبازدهار دائما.

وودي اقول للبنات ان هذه مشاركتي الأولى واتمنى انكم تساعدوني لاني فعلا ما عندي احد افضفضله ويساعدني


احب ابدي معاكم بشكل مختصر ( بس عشان ما تملون مني :unsure:)

انا متزوجة صارلي تقريبا سنتين ونص ,, والحمدالله على كل حال اقدر اقول ان زواجي في اشياء حلوة كثيرة ولكن في اشياء ايضا تتعب القلب :(. ولكن اكيد راح تقولون ان الزواج جذيه وانا معاكم

بس لما اكتشف الي راح اقولكم اياه في السطور القادمة حسيت اني وايد كشيت وماني قادرة حتى اطالع في وجهه.


الحين ببدي معاكم السالفة.



بعد رجوعنا من السفر من ثاني يوم قالي زوجي ولأول مرة انه راح يروح الشاليه مع اصدقائه كردة فعل طبيعية انا تضايقت شوية بس سكت ولا علقت وقلت بيني وبين نفسي ماعليه ولهان علة قعدة الربع والوناسة.


وماكو راح الساعة 8 بالليل رد ثاني يوم الساعة 3 العصر وكان وايد شكله تعبان ورايح صوتة.., سألته شفيك ؟؟ رد علي : الظاهر دخلني هوا وصدري يعورني . سألته شلون وناسة البحر ؟ رد وقال : لا والله حر عند البحر والماي حار ولو مو رايح احسن ... بيني بينكم استانست عشان مايعيدها. وبس تسكر الموضوع.


بعدها بيوم واحد ووو نام زوجي قبلي لان كان تعبان حيل وكنت انا اطالع التلفزيون ولأول مرة ما ادري ليش نقزني قلبي وكانت هذه اول مرة اسويها من تزوجنا.


خذيت تلفونه وفمت اطالع المسجات الصادرة والواردة ,,,, وانصدمت صدمة حياتي:44:

قريت مسج من المسجات الواردة وكان كالتالي : ( يلا تعال القعدة راح تحلو ,, بيون بنات ):mad:والمسج الي وراه كالتالي : ( ترى اغراضك جاهزة , البلاك ب 60 والأحمر 55 والابيض 50 ) اول شيء ما فهمت شنو يعني بعدين قمت افكر ,, طلع خمر ياناس زوجي الي عشت معاه واطلع وانام يمه وما خليته محتاج شيء طلع يشرب
يا ناس شسوي شنو الحل .... زوجي يقعد بقعدات حرام.. اعوذ بالله ,,, استغفر الله


والحين قمت افكر انه بعد قاعد ييخزني مع بنات الحرام الي عنده وقام يزيد الخيال وقمت اصير مجنونة من التفكير ..



ما ادري شنو الحل .. ما اقدر ادخل احد بالموضوع لا اهلي ولا اهله ولا حتى هو يدري انه انا ادري..



والحين ماني قادرة اطالع حتى بعيونه ,,, تخيلو يا بنات ... ساعدوني ابي حل ...



تكفون لا تخلون اختكم.



اللهم اجيرني في مصيبتي واخلفني خيرا منها .. يارب]