غنوة الحب :

والله ماينفع الا التطنيش هم كذا الرجال اذا ركضتي وراهم راحو وخلوك واذا رحتي وخليتيهم ركضو وراك انا اول ماتزوجت مستحيل يمر ساعه وهو برا البيت ما ادق عليه قسم بالله اركض وراه ركض كاني مجنونه وابكي اذا تاخر ماتحمل ابد لكن بعدين شفت اني غبيه كل ما ادق عليه يصير مايسال عني لانه عارف اني بدوره انا الحين عمري مادقيت عليه واذا تاخر برا عمري ماقلت له وينك والحمد لله الحين تغير 180 درجه بعد ماطنشت صار يدق كل شوي وهو برا واذا بغى يتاخر ولا حتى يطلع مع زملاه لازم يجي يستاذن مني لايكون بخاطري شي وانا ماعمري قلتله لا علشان يصير دايما يستاذن ويعلمني وين رايح بس ترى لازم الصبر وبعد لازم يلاقي شي مميز ويوسع الصدر اجل وشوله يجلس يقابل الجدار

والله ماينفع الا التطنيش هم كذا الرجال اذا ركضتي وراهم راحو وخلوك واذا رحتي وخليتيهم ركضو...

أمونه_المزيونه :

بصراحة لا يمكن اني أتابع الكورة أو الشعر لو ماهي من اهتماماتي.. أنا بعد لي رأي وشخصية..ليه أصير تابعة له..؟! ربي خلقني مختلفة عنه.. في كثير أمور تقدرين تسوينها تبين له اهتمامك فيه..لكن إياك تضغطين على نفسك وتتابعين مبارايات عشان على بالك تشاركينه اهتماماته !!! أنتي بعد لك اهتماماتك.. وبعدين ياختي ليه ما تسولفين مع زوجك ؟! أجل مع مين تسولفين ؟! سولفي عليه وش سويتي بالجامعة .. مرة صار كذا ومرة صار كذا .. كلميه عن حياتك منول .. أكيد في سواليف .. ياختي ياليت أعطيك شوي من اللي عندي أنا عكس مشكلتك أنا مشكلتي ما أسكت خير شر .. عندي كثير كلام أقوله لك .. بس يكفي هذا أخاف يحقدون علي الصبايا ..

بصراحة لا يمكن اني أتابع الكورة أو الشعر لو ماهي من اهتماماتي.. أنا بعد لي رأي وشخصية..ليه...