طالما هي كذا اقلبي السالفه عليها بطريقه غير مباشره دايم حسسي زوجك برجولته وانه رجال ماحد يمشي كلمته عليه وقوي شخصيه وبنفس الوقت أي جمعه تجتمعي فيها باخت زوجك حسسيه انها مسكينه وشكل زوجها شاد عليها كثير ومايسمع لها وحتي لو مش متزوجه حسسيه انه اخته ضعيفه شخصيه بس تبي تسوي روحها قويه وتمشي غيرها طبعا كل هذا بطريقه غير مباشره وبطريقه مدح اهم شي حسسيه انه خروف لاخته وانه اخته ماحد يسمع كلامها غيره عشان يحس وينتبه لنفسه ويغير أسلوبه وانتي بعد لا طلبتي أي شي خلي لك أسلوب اقناع حلو يعني مثلا حبيبي قلت بطلب منك طلب الله لايهينك واذا رفضت عادي وانت الرجال وكلمتك تمشي علي راسي ومن هالكلام واقعدي امدحيه سااااعه بعدين اطلبي طلبك وشوفي كيف ينفذه او لا

مو مضطرة تحكين لها كل شي
اللي راح راح
وتعلمي من هالدرس كيف تحفظين اسرار بيتك
لاتخلين لها مجال تتدخل بحياتك وتعرف عنك كل شي
خليك غامضة جدا معها ومع غيرها ..

الله يعينك

اذا زوجك يسمع لها وينفذ
اللي تقوله
حاولي انك دايم تصرين ع قراراتك
بس بدون عصبيه ومشاكل
بالكيد واكيد انتي فاهمه
اللي اقصده ..
وربي يسخر لك زوجك

اشتغلي ع مخ زوجك فرمتيه خليه خاتم باصبعك
دامه من هالنوع الي فاتح اذنه لاخته
بسهولة تقدري تخليه يسحب عليها
وتصير كلمتك هي المسموعة
لان ذي حياتك انتي وهي ابدا مو من حقها
تدخل بشيء مايعنيها