ساعدوني يا طباخات .. هذي مقادير اش اسوي منها !!

انا اقول يجيب غدا

وتعوضينه بالعشاء اذا جاب الاغراض

ايوه يمديك تطبخين فيهم خير وبركه

شوفي سوي كرات اللحم ورز ابيض جنبه

جيبي اللحم المفروم وحطي عليه البصل المفروم والبهارات وملح وفلفل اسود وشوي دقيق عشان يمسك واذا عندك بقدونس حلو افرميه وحطيه معاهم وكور اللحمه واقليه

وسوي جنبه رز ابيض وبالعافيه عليكم


او سوي نفس طريقه اللحمه وخليه على جنب بعد ماتقلينه

وجيبي قدر وحمري فيه بصله مقطع صغير وثوم ومفروم وطماطم مقطعه صغير وماجي وشوي صلصله وحطي عليه مويه ولاتنسي الملح والبهارات والفلفل الاسود وفلفل حار سليم لاتقطعينه

ويوم يغلي سقطي عليه كرات اللحم وخليه الين يتسبك <<لاتكثري المويه مره

واذا تبين معاه باذنجان قطعيه مكعبات واقليه ثم سقطيه على الإدام مع اللحمه وخليهم يتسبكون سوا

وجنبه رز ابيض وبالعافيه عليكم

لو كان فيه فلفل رومي كان قلت لك تسويه مسقعه ولا اسهل منه

ان عجبك دعواتك لي احمل في هالسنه ^_^

سوي زي المقلوبة اسلقي الرز و اطبخي اللحمة المفرومة وحطي معاها طماطم

والباذنجان حمريه

ورتبيها بصينية وحطيها بالفرن او قدر وعالنار واذا وصل بالسلامة اقلبيها وقدميها .,
او ممكن تسوين رز ابيض ومسقعة باذنجان ..


وبالعافية مقدما

سوي رز ابيض
وسوي معه صينيه مسقعه
او سوي اقراص من اللحمه المفرومه المقليه بشوي زيت وفوقها حلقات باذنجان مقليه ويوضع عليها بصل مقلي مع ثوم وطماطم مطحونه
وبالعافيه

يا الله مشكوووورات

ماني مصدقه اقدر اسوي من هذي المقادير هذا كله !!

يااااااااااارب تحملي هذي السنة قلبي

والله يحقق لكل وحده ردت امنيتها

اشكركم من اعماق قلبي والله فرجتو عني