ساعدوني يا معلمات الروضة فأنا في ورطة

ع البركه يا قلبي

حسب خبرتي واللي شفته قدامي

يعطون الحروف مو مرتب ع حسب شيء ما ادري ايش هو اتوقع ع حسب مخارج الحروف

مثلا اول اسبوع الاطفال اخذوا حرف الدال وبعده حرف السين

طبعا اوراق العمل المشرفه هي اللي تسويها

اول شيء في الشرح يكون فيه كاسيت فيه انشوده تحتوي ع الحرف وتخلي الاطفال يستنتجون الحرف اللي اكثر شيء سمعوه بعدها يكون معك صندوق وتبدين تورين العيال الصور والاغراض اللي فيه وكلها تخص هالحرف وتكون تبدأ فيه

بعدها تطلبين منهم يعطونك امثله ع كلمات تبدأ بهالحرف

اليوم الثاني تعلمينهم كيف يكتبون الحرف طبعا تعلمينهم اذا هو ملك والا سباح << ملك يجلس ع السطر مثل حرف الدال وسباح اللي ينزل لتحت السطر مثل خرف الراء والسين

تعليمنهم كيف ينكتب الحرف ع السبوره وبعدها تعطينهم اوراق العمل

ورقة العمل كان فيه 3

الاولى صور لكلمات تبدأ بالحرف وتطلبين منهم يتعرفون ع الصوره واذا كانت تبدأ بهالحرف يلونون الدائره او المربع اللي فوقها واذا لا يتركونها

الورقه الثانيه صوره كبيره ومبعثرين فيها الحرف بالاضافه لحروف تشبهه وع الطفل انه يرسم دائره حول الحرف اللي اخذه هالاسبوع

الورقه الثالثه يكتب الحرف وفيها مربعين يوصل نقاط الحرف والمربع الثالث يكتب الحرف بنفسه

طبعا المشرفه تقسم كل يوم ايش راح ياخذون ورقة عمل

موفقه يا قلبي

طبعا لمن تعلمين الاطفال كيف يكتبون الحرف تعلمينهم كيف ينطقونه

مثلا حرف الراء كيف ينطق ؟؟؟

شوفي يا قلبي عشان تعلمينهم نطق الحرف صح خذي كلمه تنتهي بنفس الحرف وع حسب نطقك للحرف بالاخير يكون هذا هو النطق الصحيح للحرف

مثلا حرف الراء ناخذ كلمه جزر <<< شفتي كيف نطقتي حرف الراء فيها ؟؟

غلط تقولين لهم اررر <<< فيها الف غلط هذي

ررر << يارب تكوني فهمتي علي

موفقه (=

شكرا شكرا جزيلا يعطيكي العافيه بس اطمع بالمزيد ويارب تساعدني على حمل هذه الامانة