اللي اسويها انا :
كوب ونص طحين بر -3ملاعق كبيره حليب بودره -رشة ملح -ملعقتين سكر-ملعقه صغيره حبه سوداء -نص بيالة زيت
تخلطينها وتصبيين مويه الي ان تصير خفيفه احلطيها بالمضرب اليدوي اتركيها 10 دقايق ثم ابدئي بعملها :
جيبي الصاج .. وجيبي المغرفه وابدئي بصب المراصيع على شكل دوائر صغيره
واذا خلصتي حطي عليها سمن بري اوزبده وعسل
اتمنى افدتك .. دعواتك لي :27:

أنتي تبين أهل نجد الأصلي ؟ .. ولا طبخة ثانية إذا تبين الأولى ..
هذه طريقتها : سلمك الله ..
دقيق بر تاخذونه من عند الطحان يعني تشترونه قمح حب وأختارو الطيب السعودي
ويطحنه لكم في الحال مهوب حق الصوامع لا ما يصلح
الطريقة اعجني دقيق بالماء وملح بس وخليها وسط لا قاسية ولا سايلة مرة أخف من عجينة اللقيمات بشوي
وحطي على عين الغاز طاجة وصبي بالملعقة دوائر صغيرة وقلبيهن
وإذا خلصتي احمسي بصل بسمن بقر طبيعي وصلصة وبزار وماجي وكمون كل شي كمية قليلة
وحطيه على الصبيب وإذا تبينه بالعسل حطي عسل وسمن
ليت بيتك قريب أرسل لك منه

ماقصرو البناات

تسلمون جميع حتى انا استفد منكم

هلا شمووخ

شوفي مدري وش تقصديين بس هذي طريقتي من امي واخواتي للوالد الله يرحمه

اجييب خلاط الطماط واحط فييه بصله وبيضتين و م ص بهارات واصب الى نص الخلاط ماء عادي واحط 2 ك بر

ولازم ويكون نوعيته زيينه لانه على اساسه تكون طعمة وظبطة الصبيب

المهم اخلطيها كلها مع بعض وخليها ثقيله نوعا ماء بس اخف من خليط الكيك

تكونين مسخنه الصاج على النار متوسطه وتصبيين بالمعلقه دوائر صغاار واذا احمرة من تحت اقلبها الى ان تحمر






وحطيها بحافظه

واذا خلصتي الكميه جيبي ملعقة سمن فارم واذا عنك طبيعي يكون افضل ان حصل

قلبي السمن مع الصبيب

انا ما احط معها العسل اخلييه على جنب اختياري

وتوكل مع الجبن والعسل


ويطلع مثل هذا