ساعدوها ارجوكم !!!!!!!!!!!!!!!!!!!

حبيت اخذ رايكم يا بنات في مشكله صديقتي, والي للاسف ما لقيت لها حل , فقلت ما لنا الا بنات حواء ان شاء الله تلاقي عنكم حل ..
انا خليتها تكتب كل الي بخاطرها في الوورد والحين نقلتها لكم ,اتمنى يا بنات انكم تساعدونها , ولو بدعوة بظهر الغيب عسى الله يفك ازمتها .
((السلام عليكم .. ما تصورت اني في يوم من الايام بكتب مشكلتي واعلنها للناس وعلى الانترنت بعد .. بس للاسف تسكرت بوجهي كل الابواب ..بحاول اختصر المشكله علشان ما اطول عليكم ..مشكلتي مع زوجي انه مع اقل شي يصير بينا يقولي انقلعي بيت اهلك !! كنت اول الامر ازعل واخذ ملابسي واروح لاهلي لين ما يهدى وكان يجي ياخذني بس طبعا بعد ما يفضحنا عند اهلي ويقول اشياء صارت وما صارت .. قعدت على ذي الحاله لين ما جاني اطفال وصارت الشغله صعبه .. كل كلمه والثانيه انقلعي بيت اهلك .. يعني لما كنت لحالي ما كان يهمني بس مع الاطفال .. جدا صعععععععبه !! صرت اتفشل من ابوي وامي واخواني .. لين اخر مرة جاء البيت وهو بحاله سيئه جدا والا يبي ياخذ الاولاد وهو يسوق فيهم .. انجنيت !! شلون بسوق هذا!! حاولت بكل الطرق اني اغير رايه ما في فايده وخلا الاولاد يلبسون واخذ الصغير ويبي يطلع من الباب !! انا انهبلت قمت قلتله ترى بكلم على خالتي (امه) وبقولها .. هو امه عنده بالدنيا .. قلت سبحان الله يمكن يهون ويرجع .. بس رجع وقال كلميها وشوفي ايش بصير لك .. قلت له خلاص ما ابي اكلمها بس لا تاخذ الاولاد .. قال تدرين عاد .. كلميها .. وقام واتصل على بيتهم وعطاني السماعه.. قالت خير قلتلها انه بياخذ الاولاد وهي عرفت على طول انه شارب .. قالت لي عطيني اكلمه .. هو قال السلام عليكم يمى .. ترى هذي طالق !! وطردني من البيت !! لا حول ولا قوة الا بالله انا دارت الدنيا فيني .. وش لو دعوة كل هذا ذنبي اني خايفه على عيالي يطلعون مع واحد سكران .. ولا ادري وين بيروح .. وفي الصبح بدري محد فاتح !! اخذت شنطتي وكلمت على ابوي وجا اخذني ..وتركت عيالي الكبار واخذت الصغير بس .. والله العظيم اني كرهت نفسي وعيشتي هذي وهالرجال.. بس عاد ايش بسوي سنين وانا ادعيله انه الله يهديه ويبطل هالسم الي يشربه والي بسبته طلقني مرتين مب مرة وحده .. و كان سكران بالحالتين..وعلى فكرة انا كنت اتحاشاه بالمرة لمن يشرب .. ما اكلمه ولا اتناقش معاه واذا كان بره اذا سمعت صوت السيارة طفيت النور وسويت نفسي نايمه .. بس للاسف كان هو الي يتحرش فيني واذا نايمه صحاني وحاله ! المهم رجعت لاهلي وانا مكسورة ونفسيتي سيئة وشايله هم اولادي ..حبست نفسي بغرفتي مع ولدي ما ابي اشوف احد ولا ابي اكلم احد .. اكلم عيالي اذا طلع من البيت علشان اطمن عليهم .. وقعدت عند اهلي اسبوع .. وفي مرة كنت بالغرفه وفتحت الشباك مخنوقه .. الا سمعت امي تكلم ابوي وتقوله : ترى انا ما عاد اتحمل اكثر من كذا !! ترى انا الي بكلم على زوجها واتحايل عليه علشان يرجعها !!....اااااااااااااااااااااه دارت الدنيا فيني !! حسيت اني انخنقت وماني قادرة اتنفس !! هذي امي تقول كذا !!( مع انها مرة طيبه وتحبني وتحب عيالي ) ليش ايش مضيقه عليهم ؟ البيت كبير ما شاء الله والخير واجد !! ليش طيب ؟؟ انا ساعتها تمنيت ان الارض تنشق وتبلعني !! ما قدرت تتحملني اسبوع .. وعلى فكرة هذي اطول فترة قعدتها عندهم.. يعني بالعادة كم يوم وارجع البيت ..قلت اذا امي الله يهديها تقول كذا اجل الرجال الغريب ما ينلام اذا يطردني .. قعدت اصيح صياح يمكن بعمري ما صحته .. حسيت نفسي مثل يتيمه ولا مقطوعه من شجرة .. وقلت لازم اطلع من البيت ما اقدر اقعد عندهم ولا دقيقه لازم ارجع بيتي كلمت على خالتي وعلمتها الي صارمع ولدها .. قالت انا بكلمه .. بس وقعدت انتظر خبر من خالتي .. ما ردت علي رجعت كلمتها .. قالت انه يقول انت الغلطانه !؟!؟! انا !! لا حول ولا قوة الا بالله ..مع انها عارفه ولدها وعارفه بلاويه قلتلها انا خايفه على الاولاد يقعدون معاه ! ... المهم شكلها هي اقنعته كلم علي .. قال البسي بجي اخذك .. وللاسف باخلاق شينه وكنه ما سوى شئ !! .. وللاسف الشديييييييييد .. انا قلتله طيب !! كنت بس ابي اطلع من عند امي .. رحت لابوي وقلتله .. قام هاوشني وقالي شلون تتصرفين من غير ما تسأليني .. عاد انا ما قدرت امسك دموعي .. قلت معليش يا بوي ما ابي اضيق عليكم .. قالي هذا بيتك .. قلت بس الظاهر ان امي متضايقه .. سكت !! ....وجاه مر علي ودخله ابوي وتفام معاه (( للمرة الالف )) ان هالكلام ما يصير .. ووعد ( كالعاده) انها ما تتكرر اصلا هي بقت مرة وحدة وخلاص !!
قلت بنفسي لو مرة ثانيه يصير شئ ما عادني طالعه ولو يرميني بالشارع !! .....وللاسف هذ ا الي صار !! كالعاده جاء يوم يهاوش على شئ تافه ما يسوى وطلع .. ما رديت عليه ورحت ادرس ولدي .. وبعدين رجع من بره كنا محتاجين مقاضي للبيت .. ما حبيت اكلمه .. ارسلت ولدي يعطيه ورقه المقاضي .. ضرب الولد وقاله مني جايب لكم شئ !! ... تركته يهدى شوي وبعدين دخلت احاول اتفاهم معاه .. هالمرة كان صاحي .......وعلشان ما احكيلكم تفاصيل تغث القلب .. قالي انقلعي عند اهلك قلتله ماني طالعه هذا بيتي وبيت عيالي ... قالي بتطلعين غصبن عليك !! وسحبني ورماني بالغرفه الثانيه يقولي ظفي عفشك واطلعي .. قلت ماني طالعه .. رماني على الكنبه وجا بيضربني .. خفت اروح بين ايديه .. قعدت ادعي عليه اذا يضربني ايدينه تنشل .. الظاهر خاف ربي يستجيب دعائي .. قام يحذفني باي شئ جنبه .. ومسك التلفون وكلم على اهلي .. تعالوا خذوا بنتكم اشوف !!.... انا ....حسيت الشيطان ركبني ذيك الساعه !! لهالدرجه قله الاحترام !؟!؟ يتصل على اهلي تعالوا خذوا بنتكم !؟!؟ قعدت ادعي عليه بصوت عالي .. الله ينتقم منك ..حسبي الله عليك .. الله ينتقم منك !!
وطلعت من الغرفه .. الا بنتي مسيكينه عند الباب ..سحبتني ودخلتني غرفتها وسكرت الباب وهي تتنافض من الروعه !.. الي صار بعدين ان امي يوم كلم عليهم قالت له تعال عندنا نتفاهم .. راح عندهم .. وكالعادة طلعني غلطانه من راسي لرجولي .. وهو ما سوى شئ..بعدين كلم علي ابوي قالي بجيك بكرة ابي اتفاهم معاك !.... قلت على ايش قال بكرة تعرفين ..قلت طيب وش صار قال لي خذي امك .. كلمتني امي وقالت انه جا عندهم وقال كلاااااااااام .. اعوذ بالله الي يسمعه يقول وش هاالمسيكين... وهو قسم بالله ثلاث ارباعه كذب ومبالغات ..وهوعاد اهم شئ عنده ما يطلع غلطان عند الناس.. المهم رجع البيت .. اخذ كيس وحط فيه اغراض وطلع ........ ومن اسبوع ما اعرف عنه شئ !! ........ تصدقون يمكن هذا احسن اسبوع .. البيت هادي ورايق ولا خناق ولا هواش ... طيب وين المشكله ..... انا خااااااااااااااااايفه من الي يمكن يصير !! ما عاد اقدر اتحمل هالحاله ... بس ما اقدر اروح بيت اهلي طيب ايش اسوي ؟؟ وين اروح ؟؟ ليتني اقدر اخذ عيالي واهج من البلد بكبرها !!..... حاسه نفسي ذليله وما لي احد ولا سند !! ... وان رجع البيت الا ما يجي يوم يعصب ويهاوش ... وما بقى بينا الا طلقه وحده !! ......وش اسوي ساعتها ؟ ارجع عند امي الي ما تبيني ؟؟ وعيالي بياخذهم مني .. ويجيبلهم مرة اب تعذبهم !!....... راسي ما عاد يجمع .. وقلبي ما عاد يتحمل .... ارجوكم اي وحده فيكم تلاقي عندها حل لمشكلتي ارجوووووووووكم لا تبخلون علي ...
اشكر صديقتي العزيزة سمبلي-قولد وهي اسم على مسمى الله يجزاها خير ويسخر لها زوجها ويحفظ لها اولادها ........ امين ))

انتهى كلام صديقتي .أسأل الله العظيم رب العرش العظيم ان يفرج همك ويهدي زوجك ويسخره لك ويحفظ لك اطفالك
ويقبل هذي الدعوة لكل من تساعدها في مشكلتها ,,,,, امين