ساعدوها تروح لمين؟؟؟ الله يفرج همكم

السلام عليكم


أخواتي انا ضايق صدري على بنت عمي أمس كلمتني تبغاني أشوف لها حل وانا ما قدرت افيدها بشي بس وعدتها اني اكتب مشكلتها


زوج بنت عمي في بداية زواجهم دخل في مشاريع واخذ قروض وتدين من ناس عشانها وما نجح ولا مشروع بل بالعكس تراكمت عليه الديون وبعدها تاب من هالمشاريع والتزم بوظيفته

صبروا عليه الديانه ومرت السنين وثلاث ارباع راتبه يروح للقروض والباقي يا دوب يصرف فيه على بناته وياما أهله ساعدوه بالايجار رغم ان وضعهم مو قد كذا

المهم الحين كل واحد مشتكي يبغى فلوسه كاش أو السجن ورافعين عليه قضيه حتى لما راح يجدد كرت العايله رفضوا لأن عليه شكاوي

زوجته تقول انا ما يهمني خليه ينسجن وبعدها يطلع مع العفو اللي يجيهم بس المشكله اذا انسجن بيترتب على السجن خسارته للوظيفه واذا طلع ما رح احد يوظفه وعمره قارب الاربعين

هي الحين تبغى تعرف جهه تساعدهم بهالموضوع أو رجل أعمال ممكن يساعدهم

أنا أكثر شي كاسر خاطري بناته المساكين كلهم بالابتدائي وش ذنبهم يتمرمطون



الله يفرج همكم يا بنات لو تعرفون أي جهه يروحون لها ساعدوها علما انهم مقيمين بالرياض


الله يجزاكم خير ويقضي دين كل مديون يا رب