كوبونات الراقية تسجيل الدخول

نسائم السحر

ساعدوها يابنات عالم حواء ,,تكفون صديقتي بيتها على وشك الإنهيار وتستشيركم..الله يستركم

الأسرة والمجتمع •

الله يوفق كل وحدة ترد علي,,
صدقوني يابنات لجأت لكم بعد الله في حل هالمشكلة..
صديقتي مسكينة وقلبها طيب وزوجها طيب لكن عنيد..
صارت بينهم مشكلة بسيطة على الطبخ ومالطبخ..وبصراحة هي تتحمل نسبة من الخطأ..وعلى طول قال لها إجمعي أغراضك وعلى بيت أهلك يالله.
تقول هذا الحال يتكرر كثير..نتهاوش ويوديني بيت أهلي..وبعدين نتصالح,,
لكن هالمرة..غيييييييييير..
زوجها راكب راسه..ويقول خلاص أنا ناوي أطلق..وخليك في بيت أهلك ويرزقك الله وأنا بعد أروح في حالي ويرزقني الله..وتركها من أسبوع..
طبعا المسكينة ماعندها عيال عشان كذا مافي يدها شي تضغط به عليه..
يابنات اللي قهرها إن السبب تافه جدا..
وانه مسح عشرة السنين ونساها..
وتقول أهلها زعلانين من هالحركة ويقولون اتركيه ولاتراسلينه ولاتكلمينه..
وهي محتارة ماتدري وش تسوي وكيف تراضيه لأنها مسكينه ويتيمة ومتعلقة فيه مررررررررة...
وموهاينه عليها العشرة..
أهي تسألكم ...تراسله ولا لا؟
رسايل عاطفية ولا جادة..تذكره بالله وبمخاطر الطلاق..؟
تكثر من الرسايل ولا تخليها على فترات متباعدة..
تسوي عليه عزة نفس وكرامة ولا ماينفع..
إذا كان عندكم رسايل مفيدة لها إكتبوها وانا أرسلها لها على جوالها ثم ترسلها هي لوزجها..
وش رأيكم أهلها يقولون طنشيه..لأنه هو اللي رماك..
وهي خايفة إن التطنيش يساهم في وزادة المشكلة ويلقون أهله فرصه ويعبون راسه عليها كالعادة..
بصراحة هي مسكييييييينه كلمتني وهي على وشك الإنهيار..وتطلب منكم الدعاء لها مساعدتها بماتستطيعونوبصراحة أنا مومتزوجه ولاعندي خبرة كافية عشان كذا..قلت لها إني راح أستشير وأفيدها باللي أقدر عليه...
الله يعمر بيوتكم..
ويوفقكم ويفرج كربتكم ولايوريكم اللي شافته..بصراحة عرفت ان المرة ضعيييييييييييييفة وماتتحمل برغم انها عارفة غلطتها..وبرغم ااإهانة اللي شافتها لكن هي متمسكة به..

أشيروا علي الله يوفقكم......
(أسأل الله بإسمه الأعظم أن يوفق ويستر ويرزق كل من تحتسب وتساعدنا في هذا الموضوع..آآآآمين يارب)))
45
2K

يلزم عليك تسجيل الدخول أولًا لكتابة تعليق.

تسجيل دخول

(تكفيني أخلاقي)
(تكفيني أخلاقي) •
لاحول ولا قوة الا بالله

يا اختي صعب اقولك وش لازم تسوي هي اخبر وادرى بزوجها اهي اللي تقدر تقرر

ربي يريح بالها ويفرج همها ويهدي زوجها
asmaash
asmaash •
مش عارفة
يعنى هو بايعها خالص
كل شوية يرسلها لاهلها
وهى يتيمة مالهاش حد

طيب ممكن ترسله رسالة واحدة
تحنن قلبه عليها
تقوله
( فى انتظارك)
وبس وما ترسلش تانى
وربنا يرجعها لبيتها بالسلامة وفى اقرب وقت
بنيتـون
بنيتـون •
طيب هي تحس انه يحبها يمكن يدور اخطاءها وزلاتها عشان يطلقها ،،

وبعدين هذي ماهي طريقه كل مازعلت وداها بيت اهلها بكره اذا جابت عيال ماراح تتحمله وبتتورط فعلا

واذا هي متعلقه فيه ومحتاجته خلاص تكلمه تراضيه وعلى حسب اذا متعود هي اللي تراضيه تخليها مثل المرات اللي قبل

لكن اذا رجعت تتفاهم معه وتعاتبه على طريقة زعله ولا تطلع من بيتها عشان اسباب تافهه تزعل ببيتها ،،،

وبعدين اذا اهله يسببون لها مشاكل تبتعد عنهم ماتختلط فيهم كثير ماتكثر شكاوي عند زوجها منهم تحاول تقرب منهم تهديهم

هدايا يمكن يتغيرون معها شوي ،،

ان شاء الله تتعدل امورها بس هي لازم تكون قويه اعتقد شخصيتها ضعيفه ..
نسائم السحر
نسائم السحر •
(تكفيني أخلاقي) (تكفيني أخلاقي) :
لاحول ولا قوة الا بالله يا اختي صعب اقولك وش لازم تسوي هي اخبر وادرى بزوجها اهي اللي تقدر تقرر ربي يريح بالها ويفرج همها ويهدي زوجها
لاحول ولا قوة الا بالله يا اختي صعب اقولك وش لازم تسوي هي اخبر وادرى بزوجها اهي اللي تقدر...
الله يرفع قدرك ويوفقك ويجزاك عنا خير الجزاء..


أنا والله قلت لها وزجك وانتي أدرى باللي يناسبه..
لكنها مسكينه ماقدرت تعطيني جواب...تعرفين غريق ويتعلق بقشة...
لكن الله يسعدك على تكرمك بالرد
نسائم السحر
نسائم السحر •
جنان22 جنان22 :
لا يمكنك مشاهدة هذا التعليق لانتهاكه شروط الاستخدام.
الله لايقدر شر..
الله يستر عليها وعليكي وعلى بنات المسلمين مسكينة أثرت فيني مرة حزنها يكسر الخاطر..
مشكورة على الرد...