ساعدوونا

لام عليكم
مساء الخير
بنات انا كاتبه هالموضوع اطلب منكم توجهون هل حنا ع خطآ
جدتي ساكنة عندنا وعماتي قريب مسكنهم يعني بنفس الحارة المهم هم دايم يجون باي وقت العصر المغرب وقت دوام وقت اجازة مايتصلون لا علينا ولا ع جدتي ولايرسلون بالواتس .المهم تحملنا تحملنا .
بس صار هالشئ يضرنا مانقدر نسوي احتفالات ولا نقدر نروح للسوق كلنا ولانقدر نعزم صديقاتنا .لازم قبل مانعزم احد نششوف هل من زمان ماجونا او توهم جايين .
وللعلم يا بنات مايزورن احد الا يتصلوون عليه سواء كانت نفساء او كبيرة سن او مريضه
.وحنا حطين توبيك بالواتس نبين فيه ان المفروض قبل مااحد يجي يتصل قبل او يرسل .
وحدة منهم فهمت وصارت ترسل قبل وتنتظر الرد ثم تجي
ام الباقيات والله العظيم ماكان قلنا شئ .
ف ارسلن لبناتهن بالواتس انه اذا ممكن تعطونا خبر قبل .المهم وحدة فهمت بس وش اول ماترسل ع طول وهي عند الباب مايمدينا ننزل مع الدرج .وربي تعبنا من هالحاله ماصرنا نسوي حفلات زي الناس لاتقولون عادي خليهن يحضروون حنا نسوي الحفله ع قدنا ويا دوب تكفينا ونبغي نعيش يخصوصيه زي الناس
وطلعت امي من المستشفي ولا احد منهن زارها الا وحدة وبعده باسبوع سوينا حفله لامي المهم وارسلنا وكنا متوقعين انهن يجن .وارسلت ع بناتهم اذا هم بيجون الله يحيههم بعد المغرب العصر مانقدر .المهم وبعد صلاه العصر والباب يدق والجرس والجوال تحسين انها مداهمه .المهم ويدخلون ع جدتي بغرفتها وحنا قعدنا نشتغل بالبيت لان قايلن لهم حنا مشغولات .وتقوم وحدة وتهزئنا وحنا بيتنا ليش ماتضيفونا وليه ماتسلمون علينا وليه ماتعزمونا .ويوم سالنها. ماجتك رساله .قالت اصلن انا مانتظرت الرساله وانا جاييه لامي .طيب وش تبغين فينا.وقالت انه مابقي الا نجي ع الوقت اللي يناسبكم طيب وش نسوي الواحد مايشتغل مايطلع ماعنده ظرووف مايعيش بخصوصيه .وربي تعبنا تعبنا خلاص .
تكفوووون ابغي حل
وللتنبيه .والله العظيم كنا نموت فيهن واول مايجن ع طول القهوة والسوالف .بس تعبنا من اللي يجي بدون اتصال خلاص الحياة تغيرت وكل الناس لهم ظرووف