السلام عليكم اخواتي، بدون مقدمات انا حامل في نص الثالث وعندي اكتئاب موه طبيعي ودكتورتي حولتني لطبيبة نفسيه بس بعدني ما رحت لها، مشكلتي انه اعصابي تعبانه ومتنرفزه بشكل موه طبيعي وزوجي احس ما حاس بمعاناتي ابدا ويقول انتي لا تضايقنا معك لما نكوني متضايقه اجلسي واسكتي ولا تضايقنا معك، انا هنا انصدمت من كلامه وقلت له هذا موقفك من مرضي وانت عارف اني امر بحاله عصبيه غصب عني، قام هو وطنشني وبالليل خلا وساده بيني وبينه، تخيلوا يسوي كذا وانا بهذي الحاله النفسيه، اليوم من الصبح الى العصر وانا بفراشي ولا اكلت ولا شربت شي ابدا ، وهو ابدا ما سأل عني ولا كأني موجوده واكل غداه ولا كأني موجوده، رحت له وانا متقطعه من الضيق والألم النفسي بسببه وطلبت منه يطلقني واني خلاص ما عاد احس معه بالأمان لان الزوج اللي يتخلى عن زوجته ف مرضها ما أمين انه اعيش معه، وهو ساكت ولا يرد علي وانا احترق قدامه، قمت اصارخ عليه واقول لو فيك رجوله كان طلقتني لاني ما طايقه اعيش معك وانا اصارخ وهو جاب ورقه وقلم وجلس يكتب اللي انا اقوله ( تخيلوا اسلوبه المستفز وانا في قمة الضيق) قمت ومزقت الاوراق اللي قدامه في المكتب ورميت كل اغراضه ع الارض وسبيته بلا شعور
قام هو ومسكني من شعري وبعدها خليته وانا اسب فيه واشتمه بلا وعي
انا تعبانه وموه طايقه حياتي ولا عيشتي
اوجووكم كيف اتصرف؟!!




الله يشفيك + كفو والله تصرفك مع زوجك ميه ميه

أختي بدون زعل تصرفاتك مع زوجك نفسها قبل ماتحملي ردود فعلك معه غير منضبطة
ومشاكلكم دائماً انتي اللي بتفلت فيها أعصابك وتشتميه وتصرخي
لذلك ما اختلف عليه شي ليحس انه وضعك هاد طارئ وانك مريضة فعلا
تصرفاتك نفسها وتمالكه لأعصابه اللي يحسد عليه نفسه
كتري قراءة قرآن بتدبر لترتاح نفسيتك وارحمي أطفالك من هالجو المتوتر اللي عايشين فيه
الله يعافيكي ويتمم حملك على خير

استغفر الله بس المرة مريضة وتبعانة وهي حامل ونفسيتها زقت وش ردك ذا اللي يسد النفس الرجال الوصخ ياخذ ورقة وقلم ويكتب كلامها يمينا بالله لو يسوي معي كيذا ولا ثانية وحدة ابقى معه وانتي تقولين تمالكه اعصابه ؟؟؟

يوشا خانم
تدرين ردك يسم البدن حسبي الله بس

كثري استغفار وأقري قرآن وحاولي ماتجلسين لحالك عشان ماتستسلمين للاوهام
انتي مافيك إلا الوحم فتره وتعدي أن شاء الله خليك متفائله لاتستسلمين للشيطان لاتخربين بيتك

ولاتفكرين بزوجك وموقفه ترا زوجي نفس الطبع هذي طبيعتهم فكري باولادك هم بحاجتك واللي ببطنك واتجهي لرب العالمين اللي مايخيب من رجاه
دعواتي لك بالسعاده والراحه