ساعدووني الله يخليكم ابي ارضع طبيعي ...

السلااام عليكم يااااااااااااااا بنات >>>>>>ابي اصغركم ههههههههه

شخبااركم ...

المهم ما اطوول عليكم اللي عندها خبره او مرت في مثل حالتي تعطيني حل تكفووون

انا ابي ارضع بنتي طبييعي بس ان بنتي ما تبي حلمة صدري ..عطوووني حل وربي طفشت معهاااااااااا ..
وشريت حلمات للصدر ماركة بيجون ..بس انها ما تبيها وربي لو تشوفونها اذا جيت ابي ارضعها تقولون جالسه اطقها المشكله وش هي اني انا ولدت قيصرري ..وكنت تعباانه مره وبنت بعد لمن جبتها كانت تعبانه مره وسوا لها مرتين غسيل معده لان الماي نزل وخلووني لان الرحم ما انفتح وخلوني تقريبا ثمان ساعات بعد ما نزل الماي ع امل ان الرحم ينفتح وعطوني طلق صناعي ..كان ينفتح بس انه ما انفتح ..والمسكينه شرربت دم من بطني .عشان كذا سوا لها غسيل معده مرتين وكانت تتطرش الحليب اللي عطوها وياه .. ..وارتفعت عندها الصفيررره ..ونومها وطلوعوني قبلها ..وطبعا طول 6 ايام من ولدتها ما جابوها لي ارضعها وكنت لمن اروح الحضانه واقول للنيرس ساعديني علميني ابي ارضعها من صدري لان بكر توي اول ولاده لي .تقول لي حلمه صدرك صغيره وتروح عني .ولانها كانت في حضانه ..مع انها كامله ..او ان يكون عليها مغدي ..وما اقدر اخذها الا قليل ولمن رجعت لبيت اهلي ..حاولت معها والحين لي 3 اسابيع من ولدت ..وبنتي ما تبي صدرري ..والكل يلوومني يقول لي منك ..ومنك وانا تعبت وووربي تعبت ..معها وانا ابي ارضعهااا ..بس انها ما تبي ..واللي حار قلبي ان الكل يلوومني ..ويحسسوني كني انا اللي ما ابي ارضعها ويلووموني ويقولون لي انتي تمرضيها بالحليب الصناعي انتي تعطيها سم ..ومن هالكلام اللي يعور القلب ..واخت زوجي قالت لي جربي حطي على حلمت صدر مسحه عسل يمكن تحس لطعم العسل وتبيه لكنها ما تبيه واذا احطه بفمها تصرررخ وتبكي وانا ابكي معها . :icon33: :icon33: ..حتى دمووها تتطيح من كثر ما تبكي ووووووووووووووربي تعبت من لوووووووم الناس لي الكل يقول لي حرام عليك ..كان الامر بيدي ..والله لو بكيفي كان ما اشيله من فمها بس وش اسووي انت تريد وانا اريد والله يفعل ما يريد ...وزوجي يقول خلاص ما عليك من الناس خليها ع الصناعي بس والله ان الناس ما ترحم .. :( :( :( :(