يابعد عمري الله يمتعك بصحتك وعافيتك ،،

انا استخدم زيت النارجيل ( اللي يكون بعلبه معدنيه لونها بنفسجي وعليها نخيل )
اصبه في علبه واضيف عليه حلبه غير مطحونه ( يعني حبوب )
وخليها بالشمس 10 ايام .. وبعدين استخدميه عادي .. والحمدلله انا مرتاحه عليها ..
صار لي تقريبا شهرين من استعملته ،،
بس قبله كنت مداومه على زيت دابر املا ..
وكلهم حلوين .. بس الثاني حلوووو انصحك فيه ..


//


اما للبياض بعطيك وصفتين :

الوصفه الاولى هذي استخدمتها من زمان وفائدتها انها تعطي رطوبه للجلد ،،
بس البياض ما ادري الناس يقولون انها تبيض والله اعلم ..

لما تسوينها بتصير زي الكريم رطبي جسمك فيه زي اي مرطب عادي
ومقاديرها هي :

م ك نشاء + علبه فازلين وسط + علبه جلسرين وسط + علبه جلسويد وسط + شوية عصير ليمون

اخلطيهم وخليهم في علبه ورطبي جسمك عادي ..


//


اما صابونتي اللي استخدمها مع الشاور :


تبشرين 3 انواع من الصابون وهي : ( صابون الغار + صابون البابايا + صابون الكركم )
وتحطينها في وعاء وتصبين عليهم علبه كامله من ماء الورد ،، وتخلينهم يوووم كامل ،،

بعدين تاخذينها ثاني يوم وتحطينها في الخلاط ، وتضيفين لها علبه كامله من الجلسرين السائل +
شوووية موية ورد + 2 م ك نشاء + 2 م ك كركم جسم ،،

اذا خلطتيهم وخلصتي حطيها في اي علبه واحتفظي فيها بمكان جاف ،، او بالحمام براحتك ..
،، و اذا اخذتي شاور استخدميها بس مو بعد كل شاور ،، عشان ممكن يسبب لك جفاف ،
استعمليه مره ، والشاور اللي بعده لا ، والشاور اللي بعده استعمليه .. وهكذا ..
عشان مايجفف لك بشرتك ..

ويفضل تستخدمين هالليفه ، اللي من بودي شوب او نكتار ..




وفوائد هذي الخلطه انها تنظف الجسم ، وتساعد في تفتيح البشره ،
والكركم معروف في تفتيح البشره ،، حلووه الصابونه انصح البنات يسوون مثلها ،
تحسون بنظافه صحيح ، غير الشاور جل مجرد انه يعطي ريحه حلوه بس ما احس انه يعطي نظافه ..


وعلى فكره المقادير اعلاه حقت الصابون كلها تلاقينها عند العطار ..


والله يسعد قلبك و يارب ينولك اللي ببالك ..

بالنسبه للشفايف فيه خلطه قرأت عنها بس ماطبقتها ،،
اخلطي شوية زيت زيتون مع شوية سكر ، بعدين حطيها على شفايفك ودلكيها ،، وخليها شوي
بعدين غسليها ، وحطي على شفايفك عسل .. واجلسي فتره بعدين غسليه ..

بالنسبه لفائده الزيت اللي قلت لك عنه ،، والله انا عن نفسي احس شعري كأنه مستشور ماشاء الله
هذا اللي شفته في نفسي ، ويارب ان هالطريقه تنفعكم مثل ما نفعتني ، ويعطي الشعر لمعه حلوه ،
احس فيه حيااااه .. و الحمدلله

بالنسبه لفائده الزيت اللي قلت لك عنه ،، والله انا عن نفسي احس شعري كأنه مستشور ماشاء الله
هذا اللي شفته في نفسي ، ويارب ان هالطريقه تنفعكم مثل ما نفعتني ، ويعطي الشعر لمعه حلوه ،
احس فيه حيااااه .. و الحمدلله

لااله الا الله محمد رسول الله