ساعدووني ..بنتي عمرها 40 يوم ..تجيها حالات اختناق..

مرحبا اختى
مادام قلك الطبيب مافيها شىء عادى
تقريبا كل الاطفال كذا ولكن عند تنويمها نوميها على جنبها وليش ظهرها وانشاءالله ماتشوف شر تقريبا لما يصير عمرها شهرين يتحسن تنفسها اكثر

مشكووره حبيبتي ....انا انومها ع جنب ..بس اني اخاف عليها مررررررره اذا جيت ابي انام تخيلي اني كل خمس دقايق اصحى اتطمن عليها ..يعني ما ارتاح ابد ..لولا امي الله يخليها تاخذها من عندي بعد اذان الصبح ..عشان انام لي شووي .....
بس انا خايف من ان يكون عندها حساسيه في صدرها لان ابو زوجي عنده ربوو قووي واخو زوجي الصغير بعد عنده حساسيه شديده في الصدر ..وبنت اخت زوجي بعد عندها حساسيه شديده في الصدر فانا خايفه انها تكون وراثه ولا شئ ....انا منيب مطمنه من كلام الدكتوره ..
بس امي تقول لا توديها مستشفى ..لا يعفسوها بالادويه ...خلينا نعطيها اعشاب ..احسن لها
ومشكووه حبيبتي ع ردك ...

عااااادي حبيبتي اغلب الاطفال كذا انا ولدي كان داااايم يرجع ويستفرغ علي وعشانه اول بيبي كنت ماانام لانه كان يستفرغ وهو نايم يعني كنت زي الرادار ومناوبه عليه انا والوالده الله يحفظها ويطلع من خشمه نواااافير :D
بس يخلص شهر يرجع طبيعي وعلى فكره انا استخدم لولدي بيبيلاك مرررره حلو والحمدلله لا مغووص ولا غازات وصحته حلوه الله يخليه...

اسمعي حبيبتي
حاولي بعد ماترضعينها توقفينها وتسدحينها على صدرك ربع ساعه تطلع الهواء
ويستقر الحليب في بطنها"حلوة يستقر"
واذا نومتيها لا تنومينها على ظهرها على جنبها وحطي وراها شي
او حطي تحت راسها مخدة بحيث انها ماتشرق او تستفرغ
انا بنتي مره وعمرها اقل من شهر رضعتها وسدحتها
كان فيني نومي ما حطيتها على صدري كثير زي العادة
وما اسمع الا صوت خفيف
ولحسن حظي ان نومي خفيف
واناظر الا البنت زرقاااااااء
وطمرت من سريري وشلتها بدون وعي بالصالة
لامي واصاااااارخ باعلى صوتي بنتي بنتي ولاني عارفه اتصرف
نومتها امي على بطنها وتطقطق على ظهرها
وتهف بوجهها
والحمدلله بعدها حرمت والله يابنات
اني ما انوم الا وجهي على وجهها
حتى وهي تحلم انا معاها
الين اليوم واهلي يقولون انتي معقده
لاني لو ابي الحمام دقيقه لازم اجيب امي او وحده من خواتي تقعد معاها
يقولون وش بيجيها يعني روحي عادي :16:

متعقدة..

جربي اللي قلت لك وان شاء الله ترتاح

عزيزتي ابنتي الصغيرة كانت أكثر مما تقولين لكن هي تعاني من حساسية شديدة وعلى عمر 10 أيام أصيبت بالتهاب شعبي حاد ...

ولكن ابنتي كانت ترتاح وتنام بمجرد الترجيع الكثير أعيد إرضاعها فتنام ..


المهم .. إن شاء الله ابنتك تكون سليمة وما فيها شيء .. لكن نصيحة خذيها على طبيب أطفال شاطرة .. والطب أصبح يهتم بالأعشاب كما نهتم نحن وأكثر ولا تخافي فلن يعرضها طبيب للخطر لكن خذيها على أحد مشهور بالمهارة ..

وقد يكون من الحليب اسألي طبيب عن أنسب أنواع الحليب وخذي النوعين معك أثناء زيارتك وتقرير الطبيبة أيضا ...

ربنا يشفيها ويعافيها ..