ساعدوووني اخواتي .. الله يفرج همومكم يآآآآآآآآآرب ......

لاتخيبووووووووووووووووون املي .......
ابي وجهااااات نظركم ونصايحكم ..

علم النفس ما يأكل عيش مو حلو بصراحه انا لما كنت بالجامعه كنت اموت بالانجليزي بس مادخلوني فيه عشان النسبه و ضيعت سنه كامله بقسم خايس بس حولت للشي اللي احبه و الحمدلله اذا تحبين علم النفس مووووووت حولي بس اذا بس عشان تكرهي الرياضيات دوري لك اي قسم زي المحاسبه او الاداره تراها مره مطلوبه و فكري زين بعد التخرج وش بتسويين لان علم النفس تخصص مو مطلوب وياكثر اللي متخرجين علم نفس و مو لاقيين وظايف اتمنى اكون افدتك

و عليكم السلام و رحمة الله و بركاته
شوفي اختي انتي اي تخصص تختاريه فكري بمستقبلك بعد التخرج مو بس ف رغبتك في التخصص أو حبك له
الدراسه كلها اربع سنوات و تنقضي و بعدين راح تبدا الامور تتغير حولك و ممكن تلاقين نفسك بحاجه ماسه للوظيفة عشان كذا فكري زين فموضوع ما بعد الدراسه
شوفي حبيبتي من خبرة و تجربه و يشهد الله اني انصحك مثل ما انصح اختي

النقطه الاولى الرياضيات بعد التخرج ايش راح تصيرين ؟؟؟؟ مدرسه صح ؟؟؟ طيب شوفي حولك هل خريجات الرياضيات لقوا تعيين كمدرسات أو فيه تكدس ؟؟؟ اسألي حولك و شوفي المنطقه اللي انتي فيها و فكري أوكي ....
طيب نجي لعلم النفس ايش راح تشتغلي ؟؟؟ ممكن مدرسه و ممكن كمان اخصائية اجتماعيه او نفسية ف مستشفى او في جمعيه للايتام و ممكن اماكن ثانيه انا معرفها بس انتي ابحثي و شوفي ايش التخصص اللي يعطيكي خيارات اكثر و افضل ف الوظيفه أوكي ياعسل ..

طيب نجي للنقطه الثانيه مهمه جدا و للاسف انا يوم كنت ادرس ما انتبهت لها الا لما خلصت بس البنات اللي عملوا فيها ما شاء الله توظفوا ف احسن الوظايف اللي هي الدورات التدريبيه يعني خلا دراستك خذي دورات في المعاهد تكون مفيده و عدد ساعاتها اكثر من 100 ساعه و بكذا تضربين عصفورين بحجر واحد يوم تتخرجين ما يكون معك شهادة الجامعه بس لا يكون عنك عدة شهادات تخليك متقدمه على غيرك في المسابقات الوظيفية

النقطه الثالثه و هي جدا مهمه انك لازم تجيبين معدل عااااااالي و بإذن الله راح تتوظفين معيده في الجامعه طوالي لو عندك رغبه و انا شفت زميلاتي اللي معدلاتهم عاليه لا اتمرمطوا و لا شي على طول ما شاء الله تبارك الله اشتغلو معيدات

النقطه الرابعه بعد ما تفكري فكل اللي ذكرته حددي طريق و استشيري اللي حولك و صلي صلاة استخاره و اعزمي على امرك و توكلي على الله سبحانه
فإذا عزمت فتوكل على الله

و طبعا كل شي اولا و اخيرا بفضل الله و بركاته و رزقه للعبد و التوكل على الله اساس كل شي لكن الواحد يعمل بالاسباب
و اسأل الله ان يكتب لك اللي فيه خير و ينفعك باللي راح تدرسيه و لا يضيع لك تعب اللهم آمين

و اخيرا اذا كنت افدك ادعيلي حبيبتي و الله اني محتاجه الدعاء و الله يرحمنا جميعا برحمته ادعيلي ان الله يرزقني و اصير مدربه في المعهد التقني هذي الوظيفه اللي نفسي فيها و اتمناها كل يوم ياربي ارزقني اياها يارب يارب يا كريم

الله يووووووووفقك دنيآ وآخرره

اشكر كل من رد علي ..
ويعطيكم الف عافيه ....