طلعيه في شمس بذاات في صباح بدري وشوفي كيف تلاحظين تغير سريع

تراه مو شرط لازم يحبي الطفل عشان يكون سليم
ولد اختي ماحبا ورجوله لاتقوس ولا شي
مشى وهو مامر بمرحلة الحبي دايم بالمشايه
ولدي مشى يوم كمل سنه وحبى شهر قبل المشي يعني حبى وعمره 10-11 شهر حبيه زحف
بعدها صار يتمسك بالاشياء يبي يقوم
وقوفه ومحاولت المشي بدت معه بعمر 12 شهر
يعني ولدي ل وقته بالمشايه

والتقوس مو شرط مشكله يمكن انتي ماتمهدينه كويس بالنفاس
اختي فيها تقوس برجولها وحرمه وام ماضرها ولا عندها بسم الله عليها مشاكل
بنتي بكري يوم اجيبها كانت مررررره عطامتها خفيفه ووزنها خفيف
ورجولها مرررررره متقوسين وكانت امي تقول لازم اذا جيتي تمهدينها تشدين رجولها وتربطينعم عشان يتشكلون ويصيرون مستقيمات
والحمدلله تعدلت رجولها كان التقوس عندها شديد
تقوس اللي وعي ببطني عرفتي كيف تشكل رجولها عليه
وبرضو المشي تاخرت بعد ماكملت سنه بدت تمشي بس كثيييير تطيح

وعطاني الدكتور لها فيتامين عشان عظامها واسنانها
والحمدلله الحين بسم الله عليها حرمه يارب تخليها لي


لذا لازم تعطينه فيتامينات عشان اسنانه تطلع بسرعه
وعشان يمشي بسرعه
وعرضيه هالحزه للشمس لاتخافين
ولد اختي عمره الحين 11 شهر وحبيه زحف على بطنه يبي يكمل سنه بشعبان وماله الا هالشهر بادي الزحف يزحف لحد مايروح للي يبيه
وماشاءالله رجوله مستقيمه ودايم بالمشايه والحين اذا كان جالس يتمسك باللي جنبه لحد مايوقف
وهو يزحف مو يحبي

انا ولدي عمره عشر شهور ولا حبى لكن مساله التقوس هي المهمه
هذا نقص في فيتامين دال لازم تعرضينه للشمس البارده كل يوم
يعني الساعه سبع الصباح تقريبا بعد الشروق بشوي
او قبل الغروب العصريه حسب توقيت البلد
واعطيه الكميه الي قالك عنها الدكتور هو اعرف ولو متشككه اسالي دكتور ثاني

الله يعافي ولدك ويمتعه بالصحه و العافيه

من قالك خطير فيتامين د واللي تقول زياده جرعه عن اربعه موفاهمه

عزيرتي فيتامين د يصرف من الولاده ماشكلك كنتي تعطينه اياه
عموما فيتامين دل من الشهر الاول نقطه الشهر الثاني نقطيتن والثالث ع حسب عمر الطفل كل شهر زيديه نقطه
ودام عمره ثمان شهور يعني ثمان نقط غير كذا اذا كان عنده تقوس يعني عنده نقص فيتامين د وهشاشة عظام

اعطي ولدك كل صبح 8 نقط بالرضاعه لانه مرررررررررررر
وجيبي زيت كبد الحوت ريحته عفففففن بس ماعليه لاجل العافيه يهون كل شي
دهني رجوله ويديه وعرضيه للشمس بالبامبرز بسسسسس لاتقولين زيت وشمس اخاف يسمر لالا
كل صبح او كل عصريه لما تكون الشمس بارده
وانتظمي عليها يومياً اقل شيي شهرين
شفت اطفال مقووووووسه رجولهم لدرجة صرفو لهم حذاء خاص لتعديل الرجل بس بعد هالطريقه ماشاءالله
ودايم دهنيه بزيت زيتون وعملي له مساج
والله يعينك ويكتب اجرك

مين اللي قالك مو فاهمه الله يعافيك ؟ انا اللي ابي اعرف مين اللي قال لك كل شهر تزاد للطفل نقطه ؟

واضح وضوح الشمس في النشرة وفي كل مقال ومقطع اقراه واسمعه عن فيتامين د انه الى 18 سنه الجرعه المناسبه هي 400 وحده دوليه .




يعني اذا الطفل صار عمره سنه تعطيه 12 نقطه ؟ وكل شهر زياده برضو ؟ وش بقيتي في العلبه الصغيرة 15 ملم للأيام الجايه والمفروض تخلص العلبه خلال 3 شهور .

كلام الاطباء مو كله صحيح ومو كله نمشي عليه .. احيانا الاحساس اللي يجي للأم مع مشكلة ولدها هو الصح لأن قلبها معه ووالله اني شفت كثير كثير مواقف مثل كذا يشخصو الطفل بشي وترفض الام هالتشخيص لأنها حاسه انه غلط ويكون احساسها صح .

امي تستخدم فيتامين د جرعة القارورة في اسبوع قسم بالله تطيح علينا تعبانه ماتقدر تتحرك وعظامها وعضلاتها تألمها وغير الحاله النفسية .. والسبب هو زيادة الجرعه بشكل مفاجئ وسريع على الجسم من هالفيتامين .. فمابالك بطفل لايتكلم ولايعبر الا بالبكاء على مثل هالتعب ؟

التسمم مو من الاكل بس , ماسمعتي عن الشي اذا زاد عن حده انقلب ضدة ؟ حتى من العلاجات اللي نستفيد منها .

هذا اقتباس من مقال عن مخاطر الجرعه الزائده من فيتامين د :


السموحه على كلامي لكن حبيت انبهك عن نقاط وعن اتهامك للغير بعدم الفهم وماتشوفي الامور من منظور واحد .

الاخت السائله لاتعطيه هالزيادة الا اذا الطبيب محلل له دم وعنده نقص حاد بفيتامين د ولازم له هالجرعه لفترة محدده فقط ويتعدل مستواه في الجسم , والمره القادمه مع اطفالك استخدمي الفيتامين لهم بعد الولاده نقطتين وعرضي نفسك للشمس وانتي حامل بهم .

وحاولي تعوضيه بفيتامين د بشكل صحي اكثر من العلاجات بالغذاء وبالتشميس مثل ماذكرت الاخت انثى مسكينه .. ومثل ماذكرت الاخت بائعة المسك الانحناء ماله دخل بقدرة الطفل على الحبو والمشي حنا منتشر بعائلتنا القدم والساق المنحنية والحمدلله يكبرون ويتعافون منها .

الله يشفيه ويخليه لك .