ساعدووووني مالي غيركم خوات..

هلا ياقلبي
اول شي الف مبروك والله يوفقج

شوفي انا استخدم للسبوح

(ملعقه كبيره طحينيه + نص ليمونه + ملعقة كبيره سنفره + ملعقه كبيره حليب بودره)

بعد ما اغسل شعري احط الخلطه على كل جسمي وبعد ربع ساعه اجيب ليفه ناعمه مو خشنه وافرك فيها جسمي وشوفي النعومه والتبييض

بس كل اسبوع استخدميها

واستخدمي حمامات البخار والله حيل تنظف الجسم حتى تعطيه لمعه ونعومه وبياض بعد

واي شي يالغاليه تبينه ان شاءالله مانبخل فيه:26: :26:

لي رجعه انشالله

يا بنات مــو حرام حليب واشياء زى كذا نستخدمها للحمام

مرحبا اختي اسيرة الكويت .. اول شي مبروك الف مبروك .. بالنسبة للخلطات وادوات الاهتمام بالبشرة و الجسم .. عندك صنفرة رااائعه اسمها فينوس تحطينها على ويهج وهي موجودة بمحلات نزيه .. مادري اذا موجودة بالكويت او لا .. لا تنسي حبيبتي الحمام المغربي سوي كل شهر لانك عروس الحين و راح تتزوجي .. روحي لصالون عندكم مضمون و سوي تقشير للبشرة .. أو تنظيف حسب رغبتك .. بس افضل التقشير عشان ازالة الخلايا الميتة .. استخدمي الحجرة لرجولك وسوي باديكير و مناكير بين فترة و فترة .. عشان لما تسوي قبل العرس بكم يوم مع بتكون رجولك و ايديكي ناعمين ومافيهم خلايا ميتة .. عندك بعد محل البودي شوب .. عندهم سوالف الصنفرة و غير ذلك .. بالنسبة لشعرك لازم تهتمي فيه .. انا صراحة احط مزيج من زيت الخروع و اللوز .. وبصراحه روعه كثف شعري .. ولا تنسي بعد حمام الزيت المناسب لك .. اذا تبغي خلطة تبييض للوجه .. ممكن تستخدمي الزبادي مع الليمون او مع البرتقال .. رهيبة في تنظيف الوجه و تبييضه .. واذا تحبي كمان تحطي نشا وماي ورد بعد زينة .. ولا تنسي قبل النوم تمرري قطعة من الثلج على ويهج عشان تسكر المسامات وما تطلعلك حبوب او زيوان .. اذا كنتي تعاني من بثور على انفك سوي حمام بخار مرة اسبوعيا .. وبس هذا كل اللي عندي .. صدقيني انا تزوجت قبل 7 شهور .. واتبعت اللي قتلج عليه .. والحمدلله لقيت نتيجه مرضية .. مب لازم تسوين كل هالاشيا مرة وحدة .. لا ممكن تسوين كل شهر شي .. بس الحمام المغربي شهريا .. أوكي حبيبتي .. انشالله اكون افدتك .. وهاذي لك :26:

أسيرة الكويت
هلا وغلا فيك حبيبتي وألف مبروووك الزواج
عزيزتي 10 شهور مده أكثر من كافيه للعنايه وهاذا شيئ حلو واللي أبيه منك تجاوبيني على الأسئله التاليه عشان أقدر أحط لك برنامج متكامل إلى يوم زواجك بإذن الله بس عفيا كوني دقيقه في الإجابه
نوع بشرتك ( عاديه , جافه ,مختلطه تميل للدهنيه, مختلطه تميل للجافه , دهنيه , دهنيه مع ظهور حبوب )؟
لو في حبوب ( حبوب شباب كبيره, حبوب صغيره رأسها أبيض , زيوان )؟
لون البشره ( صافي , باهت , متبقع )؟
مشاكل البشره ( مسامات ظاهره , هالات سوداء)؟
جسمك (جاف , جاف جداً , بشرته مترهله , في حبوب )؟
هل تعانين من التبقعات والفروقات اللونيه؟
ميزانيتك .. عشان أعرف نوع الماركه اللي أنصحك فيها وعموماً إبي أعرف بالظبط منتجاتك الحاليه من إي ماركه
هل تفضلين المنتجات الطبيعيه وإلا الكريمات الجاهزه ؟
هل عندك زياده في الوزن وإلا إنتي في حدود الوزن المثالي ..
كل الأسئله السابقه مهم إني أعرفها قبل إني أنصحك بشيئ ياليت تجاوبيني عشان أقدر أفيدك
ومبرروك على الزواج مره ثانيه ياعروسه
:24: :26: