ساعدووووووني بروح الحج

نسيت اسألكم هل تآخذون معاكم لبس للعيد:27:

والله متوهقه:06:

هلا اختي خوذي معك للبس للعيد يكون بسيط تنوره وبلوزه او جلابيه وهذا رابط حلو فيه وش تاخذين معك وان شاءالله تستفيدين منه ادعيلي http://forum.hawaaworld.com/showthread.php?t=1960522

شوفي اختي شباصتن غانمه انا حجيت السنه الماضيه وراح اقولك عن الحاجات اللي اخذتها معي

وحتجتها واللي تمنيت انها تكون معي..

الحقيبه اليدويه..

1-اهم شيء يكون فيها المصحف وكتيب الاذكار وكتيب ادعيه راح تحتاجينه بكثر يوم عرفه

2-مناديل

3-مرطب ومعقم بدون رائحه يعني غير معطر

4-فلوس وتكون مصروفه ريالات وخمسات حتى تسهل عليك الشراء وحتى تتصدقين منها

5-فوط صحيه للاستعمال اليومي

6-علك

7- بنادول ومسكنات وخافظ الحراره يمكن تحتاجينها

8- فرشات شعر

9-مقص

الحقيبه الكبيره..

1-ملابس داخليه وحاولي تكثرينها حتى لاتظطرين الى غسلها
واخذي كيس معاك عشان تجمعين فيه الملابس المستعمله

2-قمصان لانك راح تستخدمينها بكثره وللمعلوميه الجو هناك حر واخذي معك تنوره او جلابيه عشان العيد
لانهم يعيدون ويكشخون يوم العيد

3-اخذي معاك استشوار راح تحتاجينه يوم العيد

4-وادوات المكياج لاتنسينها

5-اخذي شربات كثيره عشان كل مارحتي للحرم تستخدمينها ولرجعتي قطيها بزباله لاتستخدمينا مره ثانيه

6-فوط صحيه احتياط[

7-جزمات سبورت وشبشب

9-سجاده وشرشف صلاه

10-شال (تلبسينه على راسك اذا صحيتي من النوم وشوشتك طايره وكل الحريم يطلعونك ونتي قامزه للحمام
هنا يجي دور الشال) خخخخخ تفسير صح

11-لحاف خفيف صراحه نفعني كثير في النوم

12-فرشات اسنان ومعجون اسنان

13-صابونة يدين

14-شورت للسعي والرمي الجمرات هذا راح تحتاجينه اذا كنتي سمينه او مليانه

هذا اللي في بالي هالحين واذا ذكرت شي راح ارجع وكتبه لكي..

واتمنى لكي ولجميع المسلمين حج مبرور وسعي مشكور وذنب مغفور..

ولاتنسي الدعاء لنا ..

بحور الامل


نووف

الله يعافيكم

وجزاكم الله خير

بدعيلكم بإذن الله....