ساعدوووووووني في مشكلتييي هذه

السلام عليكم
اول شي الحمدلله عالسلامه
وعادي كلنا اول ماسقنا ولين اليوم نسوي هالحوادث البسيطه سواء الغلط منا او من الغير
انتى اهم شي لاتسرعين وانتبهي لان بعد ما تضمنين اللي فالشارع كيف سواقتهم.
ماعلينا ندخل فالموضوع
انتى احينه بعدج تكونين نفسج وتدرسين..وتوج باديه السواقه يعنى مب متعوده عليها
الأستيشن كبيره عليج وثجيله..ما تنفعج ..من وجهة نظري
خذي لج سيارة حلوة صغنونه عقدج تمشين فيها حالج لين ما تخلصين الدراسه ويزيدون معاشج وهاك الوقت بتكون نزلت سيارات يديده وفخمه تناسب ميزانيتج وبتكونين اتقنتي السواقه لحد ما وعرفتي الشوارع.

اقترح عليج السويفت من وكاله السوزوكي وااايد حلوة واعرف ناس من اهلنا شباب وبنات عندهم سياير راقيه بي ام ورنج وغيره وماخذين هالسياره حق طلعاتهم الخفيفه ومشاويرهم اليوميه
عمليه وشكلها سبورتي واقتصاديه مابتعقين عالبترول 100 كل مره ..وهي كلها يمكن سعرها 50,000 ألف وقسطها الشهري 500 بس يعنى ابوج حتى ممكن يدفع لج وتكون سيارتج روحج ولا حد يحاسبج ويتمنن عليج مع احترامي لجميع الاهالي بس انا عندي اسوق اي سيارة ملكي انا ولا انى ايلس اتذلل فالبيت حق حد يوصلني ولا يعطوني سياييرهم وصارت كم مره وقلت توبه اطلب منهم بعد.

عندج عدة خيارات: السويفت من السوزوكي _ تيدا من النيسان_يارس من تويوتا _ألتيما من النيسان
بنجوف اراء البقيه وخبرينا شو قررتي.

امك موراضيه ليش تعااااندينها ؟!

الصراحه مااعرف شي في السيارات

اذا قابلت اخوي اسئله ^ـــــ^

تقبلي مروري ياعسل

عيوني
اول شي لمن تشترين سياره لازم تشوفين قطع الغيار ما تكون مكلفه
يعني لا تيسير صوب السيارات الالمانيه مرسيدس مع انها تكد ولا الامريكيه فورد ولنكولن ولومينا وهالخرابيط ولا فولفو ولا تاخذين فوكس وايجن لنفس السبب انها تخرب كثير ومشكلة قطع الغيار مع انها شكلها غاوي ولا بيجو ولا يغرج شكلها خخخخخخخخخخخخ شكلي ما خليت شي
عليج بالياباني و بالسوني sunny بالتحديد ادري بتقولين رخيصه شو ها انا اركب سوني صدقيني بس بتعيش وياج حتى لو حبيتي تبيعينها بتيب قيمتها لو شويه نازله
بس لو بغيتي سياره اكبر شوي ... لا تروحين صوب الكامري ... ما احبها ... في شي طالع احسن منها
هاي السياره الصراحه واااايد اوكيه ما ادري نسيت اسمها روعه قوم تويوتا اعتقد صالون يوم بذكر بخبرج لو تبين
لا تسيرين صوب الهوندا والله سمانها غالي مع انها تكد بعد بس الهوندا قطع غيارها شوي غالي مب شرات المرسيدس بس بعد غالي

وان شاء استفدتي خخخخخخخ

شكرا يا الغاليات على ها الردود

أمس على الساعة 8 سرت ويا أبوي وكالة الدوج لكن لقيناه مبند لأن عندهم سيارة بحدود 60 ألف درهم و عقب غيرت رايي قلت باخذ التيدا لكن ربيع أبوي ما مدحها لأن هو يشتغل في ورشة النيسان أكيد بيعرف عنها و أخيرا قلت يمكن آخذ التوسان أو السوناتا من وكالة الهوينداي بحدود 56 ألف درهم يعني في الشهر 1110 درهم أدفعلهم لمدة 5 سنوات شو رايكم ......
بس ما خبرت أههلي على ها القرار قلت أخبر حبابي الحلوات قبل......

لا حول و لا قوة إلا بالله

لا كله ولا الهايونداي
اقل ضربه او دعمه تأثر
اولا واخيرا الراي يعود لج بس لو عنى انا ما باخذها فليش انصحج بشي نهائيا ما افكر فيه وغير جي تخترب الهايونداي ..جوفي فوكاله التويوتا اول شو عندهم