الله يسعد و يوفق كل وحده تساعدني يااااااااااااارب
انا عضوه جديده على المنتدى والله ثم والله ثم والله اني اول ما خطر على بالي انتووو
انا مخطوبه ليا سنه و سته شهور تقريبا
كنت دايما اتردد على منتداكم استفيد منو كيف اتعامل مع ابو الشباب
احس الدنيا ضايقه عليا ومني عارفه من فين ابدأ كلامي :06:
خطيبي يدرس برة المملكه وبحكم انو برا نتكلم في الاغلب على المسن او سكايب بعض الاحيان وازا كنت مسافره يكلمني جوال بس مو دايما
هوا يحبني و انا متاكده من دا الشي مليووووون في الميه الحمدلله >>قولو ماشاءالله:p
وانا نفس الشي احبوو مرره الحمدلله يارب >>الله لا يغير علينا قولو اميين !!
تسير بيننا خلافات وهادا شي طبيعي اكيد بس فين المشكله
لمن نختلف حتى لمن يكون الغلط منو مو مني يحور الموضوع و يقلبو لصالحو
ويطلعني انا الغلطانه:angry2:
هادا الشي ينرفزني في مرررررررره مني عارفه كيف اتصرف معاه وللعلم لمن يسير
بيننا خلاف ويبدا يحط الغلط عليا احاول اتبع معاه كزا اسلوووب للاقناع
ولكن لا جدوى الغلط عليا يعني عليا
تاني شي او ما بدينا نتكلم كان دايما يتكلم معايا بالساعات دحين اتغير :06:
ممكن يمر 3 ولا 4 ايام ما نتكلم عاادي ما اشوف منو اي مبادره انو يكلمني
و اقول حراام مشغول بدراستوو ومضغووط لانو تخصصو صعب
كنت اعزر كتيييييييير بس بما انو عودني من البدايه بالاهتمام و السؤال الدايم عليه
سرت مني قادره اتحمل انشغالو
و سرت ادقق على الموضوع دا >> اريد حلا ؟؟
دحين هوا خلص الحمدلله بحث التخرج حقوو ( قلي انو اخلص ان شاءالله لبحث واتفرغلك )
سارت مشكله بيننا يوم الخميس سافرت على مكه وانا في الطريق رسلت رساله
على الجوال انو انا في الطريق على مكه
رد عليا وقلي ادعيلي وادعي ربي يجمعنا على خير وكداا
انا طبعا قولتلو ايوا ان شاءالله من غير ما توصلي
<< لاحظوو حتى ما قال توصلي بالسلامه
المهم احنا وصلنا وخلصت العمره و رجعنا في نفس اليوم ما شوفت منو ولا رساله يطمن بيها عليا ولااااااشي << تخيلو بالله
ماارضيت ارسل ولا شي استنيت اشوف متى راح يفتكرني
رسلي رساله الجمعه الساعه 3 الفجر
يسأل فيني << رديت عليه
تخيلو حتى ما رجع رد وقلي طيب الحمدلله على السلامه
وهادي ابسط الامور بين المخطوبين ولا انا غلطانه ؟؟
المهم
انا كنت برة البيت عشان كدا ما دخلت مسن لمن رجعت ودخلت لقيتو فاتح
استنيت يكلمني كتييير ولا حياة لمن تنادي (( هوا داخل من الجوال ))
قومت انا ناديتو يا فلان . . رد عليا بعد فتره شويه
وقال الحمدلله على السلامه
قومت انا قولتلو كنت راح ازعل لو ما قولتها معنها جات متأخره
ورديت الله يسلمك
قام قلي ليش متأخره ازا انا ما عرفت انك وصلتي الا لمنم انا رسلت اسألك
انا كان دمي فاااااير من حركتوو ما حبيت الموضوع يكبر قلتلو طيب
كلامك صح >> حطيت فيس ابو سسته ع الفم عرفتوه؟؟
وسكتنا شويه
هوا كان تسليم البحث حقو يوم الجمعه
قومت سألتو سلمتو قلي يب الحمدلله
لسه ابغا اباركلوو
الا لقيت على طوووووووول تصبحي على خير
انا هنا ولعت معايا بزيااده:angry2:
قولتلو كمان
طيب وانتا من اهلوو وخرجت من المسن على طوووول
قام رسلي على الجوال ايش كمان؟؟
رسلتلو ما اتوقعت منك عدم الاهتمام زي كدا
قام خسرني مده بعدين رسل (( شكرا حبيبتي )) >>طبعا هادا اسلوب انو زعل
ما رديت ونومت السبت مرره ما دخلت معنو كان فاتح بس انا ابغا احسسو اني زعلت ما دخلت
جا الاحد امس
دخلت و لقيتو فاتح:32:
قولت استغل الفرصه كتبت في البرسونال حقي
(( ادري البعد اثر فيك .. وتدري البعد ذابحني .. حبيبي الله يخليك .. ابي ترجع تريحني )) وحطيت صوره هوا اهداني هيا >> ابغا قلبو يحن عليا
هوا كان حاطط بالخارج لمن شافني دخلت وكاتبه كدا حط مشغول <<عشان يبينلي انو موجود حركاتو واعرفها
بس انا ما كلمتو واضطريت اخرج لاني كنت برة البيت بس اخده معايا الاب توب
لمن رجعت البيت دخلت لقيتو خرج :06:
بعد فتره دخل تاني >> فرحت انااا
لقيتوو مطنشني مررررررررره وحده ما كلمي جلست افكر كيف راح اكلمو عشان ما ابغا الزعله تطول
قولت السلام عليكم << وقعدت فتره ما رد
قومت قولت
استنيتك كتير عشان تكلمني ما كلمتني لو تحبني من جد كان حبك ليا خلاك تسامحني لو انا الي غلطانه ؟؟
انا كنت حابه اكلمك واطمن عليك ومو حابه اليوم يعدي واحنا ما كلمنا بعض
عشان لا نتعود على غياب بعضنا
بعدين قولتلو كلام حلو ومن دا الشي عشان الين قلبو بس
وما خرجت من المسن قعدت
بعد فتره در عليا وقلي
لو من جد ما تبغي يوم يعدي ما كلمنا بعض كان دخلتي امس
انا انحشت >> قولتلو امس من اول ما صحيت لوقت ما جيت انا وانا مشغوله
قام على طول غير الموضوع وقلي انتي تعرفي اني سلمت البحث؟؟
قولتلو ايوا قولتلي
قلي متى ؟؟
قلتلو وقت ما كلمتك على المسن قلي يعني ما اهتميتي سلمتو ولا لا ايش سار فيا
قلتلو سالتك على المسن ورديت عليا حتى جيت اباركلك لقيت تصبحي على خير
اضطريت اسكت واقول وانتا من اهلوو
قلي ايوا ما قدرتي اني كنت نعسان يومها ؟
قلتلو لا >> بدلع تبغا تحل المشكله ما تبغا تكبرها
قولت لا انا كنت اخده في خاطري عليك << وفيس زعلان
قلي وليش ان شاءالله
قولتلو عشان ما حسيت بالاهتمام منك ما سألت عني وصلت ولالا رجعت ولالا ايش سار فيا
حتى لمن قولتلك اني في الطريق على مكه ما قولت توصلي بالسلامه <<وفيس زعلان
كلووو بالدلع
قام ايش رد عليا انا كنت مشغول الخميس والجمعه في البحث وحايس
انا بهمي وانتي بسفرك
وبالعربي (( انا ما كنت فاضيلك )) <<انا هنا انصدمت اول مره يكلمني كداا ما اتوقعتها منوو دايما يقولي لو مو فاضي افضالك لكن طلع كددددب ااه يارب
المهم انا جلست فتره من الصدمه مني عارفه ايش ارد ايش اقول
قولتلو خلصت كلامك ؟؟
لقيتو هوا قلي كمان في شي حابه تضيفيه كمان؟؟
انا سكتتتتت
قولت انا ايش سويتلك عشان تعاملني بالاسلوب دا
قام رسل (؟) << انو ايش في اسلوبي
قلتلو لمن منتا فاضيلي ومو طايق تتكلم معايا ومو فارقه معاك سلامتي
ايش بقي؟؟
قلي انا ما قولت مو طايقك ولا قولت مو فارقه معايا سلامتك لا تقولي شي ما قولتو
قلتلو انتا ما قولت لكن اسلوبك الي قال
ساكت ما يرد
انا شويه وابكي احس اني بتعامل مع شخص تاني مو خطيبي الي ليا سنه وسته شهور معاه >> وربي فكرت اني اسيبووو خلاص
المهم _ سألتو قد ايش تحبني ومتعلق فيا وما تبغا تسيبني ؟؟
قلي ما راح اجاوب <<انا من جد وصلت معايا
قولتلو لمن مو فاضيلي و مو طايقني وما تبغا ترد على سؤالي انا ايش افهم؟؟
يقوم يقولي انا ما قولت مني طايقك لا تقولي شي من عندك
قولت طيب سيب مو طايقني على جنب وقولي انا ايش افهم ؟؟
ما يرد استنيت ورجعت كررت السؤال خاسرني ناديتو يا فلان خاسرني
خرجت من المسن ورسلت على الجوال اسلوب انك تطنشني وما ترد انا ما احبو طيب
وحأرجع اعيد السؤال وعيدتو قلت انا ايش افهم؟؟
يرد ما را اجاوب تصبحي على خير
رجعت رسلت لا تجبرني افهم غلط كلمة ما راح اجاوب لها ابواب كتير لا تخلي الشيطان يلعب براسي انا مني حابه اكبر الموضع
يرد عليا انتي ونيتك
رجعت رسلت لا تقولي انتي ونيتك ترا الكلام الي بتقولو مهو سهل حاول تراجع نفسك وتحط نفسك مكاني وقولي لو رديت عليك زي ردك ايش راح تسوي ؟؟
ازا متردد واحد بالميه من ناحيتي قولي هادا لي كلام تاني
يرد عليا الا انتي ونيتك
رجعت قولتلو ازا راح تخليني انا وانا زعلانه اليوم كدا راح اعرف ردك على سؤالي و دحين اسيب القرار لك
يرد عليا لا تحاولي
رجعت قولتلو ممكن اعرف سبب رفضك الرد على سؤالي ؟؟
ما سالتك شي صعب ما تقدر تجاوبو هادا ابسط سؤال ازا كنت تحبني من جد وجوابك راح يريحني سواء عجبني اولا
رد عليا انا ما ابغا اجاوب
لاحظو انتي جريت واره كتيييييييييييييييييييييييير وهنت نفسي من جد اني ندماانه
رسلتلو الي يريحك وخلصنا
انا سرت ابكي وافكر تفكير جدي انو نترك بعض مني عارفه اقدر اتاقلم مع حركاتو وتعاملو ولا لا
قومت صليت صلاة الاستخاره وقريت قرآن ونومت
بس والله يابنات اني كنت وانا نايمه مبسوووطه و صحيت وانا مبسوطه وكل نومتي كانت على جنبي اليمين ولا اتقلبت ابداا
دحين الله يسعدكم دنيا واخره ياااااااااااااااااااااااااااارب
ساعدوني قولولي انا الي سويتو صح ولا غلط وايش رايكم في اسلوبو مين الغلطان مني عارفه اكلم مييييين واشكي لمين ساعدووني الله يريح قلوبكم يارب
انا ايش اسوي اليوم معاه مني عارفه خايفه لو كلمتو اليوم يحس اني راميه نفسي عليه وما عندي كرامه وفي نفس الوقت ما ابغا الامور تكبر
الله يخليكم سامحوني طولت فب الكلام بس والله مالي احد غيركم اشكيلو ابغاكم تكونو معايا بالصوره عشان تنصحوووني
الله يوفقها ويسعدها ويدخلها الجنه الي تساااعدني قولولي ايش اسوي
حلفتكم بالله لا تتركوني
leelO_o @leelo_o
عضوة جديدة
يلزم عليك تسجيل الدخول أولًا لكتابة تعليق.
لا تكلميه
اثــــــــــــــــــــقـــــــــــلـــــــــــــــــــــي
والجئي لربك واذا كان لك خيره ربي يكتبه ان شاء الله واذا كان شر ربي يصرفه عنك..
انتي ببدايه طريقك .. اذا هاذا اسلوبه دحين كيف راح يكون اسلوبه بعد الزواج
طيب انتــــي مخطوبه ؟؟ كيف تكلميه ؟؟ ولا قصدك مملكه ؟؟
واذا كنتي مخطوبه ترى مايجوووز تكلميه لانه مو محرمك
نرررجع للموضووع
بصراحه انتي طولتيها معاه وسألتيه كثيييييييييير وذليتي نفسك والرجال اصلا ما يحبوا الاسئله الكثيرة
انتي استغفري وصلي استخاااره مرة اثنيين ان شاء الله عشر مرات
اهم شي راحتك
ومستقبلك
وع العموم اذا ربي كاتب لك خير معاه ربي ييسره لك
واذا كان مافيه خير ربي يصررفه عنك..
اثــــــــــــــــــــقـــــــــــلـــــــــــــــــــــي
والجئي لربك واذا كان لك خيره ربي يكتبه ان شاء الله واذا كان شر ربي يصرفه عنك..
انتي ببدايه طريقك .. اذا هاذا اسلوبه دحين كيف راح يكون اسلوبه بعد الزواج
طيب انتــــي مخطوبه ؟؟ كيف تكلميه ؟؟ ولا قصدك مملكه ؟؟
واذا كنتي مخطوبه ترى مايجوووز تكلميه لانه مو محرمك
نرررجع للموضووع
بصراحه انتي طولتيها معاه وسألتيه كثيييييييييير وذليتي نفسك والرجال اصلا ما يحبوا الاسئله الكثيرة
انتي استغفري وصلي استخاااره مرة اثنيين ان شاء الله عشر مرات
اهم شي راحتك
ومستقبلك
وع العموم اذا ربي كاتب لك خير معاه ربي ييسره لك
واذا كان مافيه خير ربي يصررفه عنك..
زي ماقالو البنات خليك ثقيله وكل الكلام اللي قلتيه مايوصل لحد قولك نترك بعض
بالتوفييييييييييييييييق
بالتوفييييييييييييييييق
الصفحة الأخيرة
السبب منك خليك ثقيله وشوفي كيف يجرئ وراك
وحاولي ماتكلمينه يوميا عشان ماتملون من بعض وكمان فترة الخطوبه ماهي حلوه اذا طولت تجيب الملل