شوفي اختي :
كثير من الزوجات بحكم انهم امهات لاول مرة يخلوا الطفل شغلهم الشاغل وهذا غلط
يعني من خبرتي اذا كانت بنتك شبعانه ونظيفه خليها تبكي شوي ما يضرها ان شاء الله
استعملي المصاصه ( اللهايه ) للطفله يمكن تسكت عليها .
بعدين الاهتمام بالجسم بعد الولاده : ممكن تحددي لك ثلاث ايام بالاسبوع لك انتي وزوجك تتمشون في مكان
واسع ومريح واعتبريها تسليه ورياضه في نفس الوقت .
واهم شي التنظيييم ............نظمي وقتك : وخاصة نوم البنوته .....نظمي شغلك يعني الغسيل مثلا لا يكون يوميا
حددي ايام معينه للغسيل ...... الوجبات سوي لك جدول يومي للاكلات الخفيفه ويوم في الاسبوع طبخه مرتبه .
ولا تتضايقين ترى الزينه ما هي صعبه تتروشين + لبس بيت مرتب + ريحه حلوة + مزاااااااااج رايق وبس .

ان شاء الله اني نفعتك .

وطمنينا عنك ..............لا تتاخرين

والله يعينك .

انا ماحس ان عندك مشكلة..اولا بنتك لين الحين صغيرة..يعني ماتتحرك وتمشي يادوبك تتقلب صح؟؟
عيل لو تمشي وتبدي تكسر وتحط بفمها الاشياء شو بتسوين؟؟
واكيد الشقة صغيرة يعني مافيها شغل وايد خصوصا ان مافي الا انت وزوجك..يعني مافي غسيل وكوي وتنظيف كثير
انا من رايي الصبح تغسلين وتنظفين البيت وتطبخين والظهر بعد هذا كله تتحممين وتلبسين لبس حلو مرتب
وتعطرين البيت سواء بالعطور او بالفواحات مالت الزيوت..ولما يجي زوجك بتكونين مرتبة والبيت ريحته حلوة
وبعدين البنت لازم راح تنام شوي الصبح وشوي بعد الغداء وشوي المغرب..حتى لو ماتنام ادخلي وظلمي المكان ونيميها غصب..
وممكن مثل ماقالت الاخت انكم تروحون تمشون مع بعض منها رياضة ومنها تسولفون مع بعض وتتقربون من بعض ومنها ان بنتك راح تتفرج على الناس وتنام بالعربة..

الله يخلي لك البنوته ابو البنوته

فيه سرير للبيبي وفيه اللعاب تباع في محلات ملابس المولود من اللعاب للبيبي وشغلي لها الموسيقى الي في السرير
وتدور عليها حيوانات راح تسكت لما تشوفها لانها بالشهر الخامس تميز وتفهم وتحب الالعاب

وابعدي عنها اي شئ بالسرير خطر من لفه او مخده علشان ماتكتم عمرها وكل شوي طلي عليها علشان ماتكون
منبطحه ومنكتمه لا سمح الله

وقومي باعمال البيت ولو تسحبين معكٍ السرير للصاله وانتي ترتبين علشان تكون عينك عليها وتشوفك

ومافي شغل كثير

واظن الاخووات ماقصروا بالنصايح الله يعطيهم العافيه :26: :26:

أختي شهربان ..

لازم ترتبي نفسك . وإلا لا تلومي زوجك بعدين لو حط نظره على غيرك ..

حبيبتي نصيحه من أخت لأخته ..

لا زم تهتمي وتحاولي تعودي بنتك على النوم .. بعدين هي طفله لازم تاخذ كفايتها من النوم ..

واللبس ما يبغى شيء .. يعني بدل ما تلبسي قميص .. غلبسي له فستان عاري .. أو بنطلون ..

أو تنانير قصيره مع بديهات .. ومشطي شعرك .. بدل ما ترفعي كله بشكل مو زين رتبيه بس ..

وحطي رشة عطر .. ولمسة مكياج .. أو حتى بس مسكره وروج ..

الأمر بسيط جدا .. والوقت معك .. بعدين قولي له عبارات حلوه .. وكلام جميل ..

وبعدين لا تصعبين الشيء ولا يكون صعب ..

أوكي حبيبتي .. طمنينا عليك ..




أختك .. المثقفه .

مشعله
ياسمينه الاموره
حب الرمان
أم علاوي
وجه الخير
المثقفه
ترى لا تفكرون اني جالسه شعشبونه في البيت عاد.....هههههههههه
بس صراحه استفدت منكم ىاااااايد واشكركم على اهتمامكم
ولكم جميعا مني هذه :26: