وانا مافيني امساك بس ولدي يجلس خمس ست ايام

يالغاليه الامساك يصير وراثي من احد بالعيله وامعاءه لسى كسوله يبيلها وقت مع الوقت راح يتغير ويتعدل


انا بنتي الكبيره كانت بعمر ولدك امساك فضيع سويت زيك وصرت اعطيها دانيت وصار يمشي بطنها
البرتقال لا طبعا توها صغيره على حموضته
بعد ماكبرت وصار عمرها سنه اعطيها عصير برتقال مخفق بس مافاد وعطيتها عصير برتقال الربيع اللي كرتونه اسود وبرتقالي تقولون صناعي وهالهرج
بس تصدقين انه بنفس اليوم مشى بطنها لي فعتمدته اذا صار معها امساك اعطيها هالعصير
وكل من قلته كبير ولا صغير يسويها وتضبط معه
بنتي على عماتها هم يقولون حنا زيها متعبنا الامساك
اما زوجي لا
انا عادي مرات كذا ومرات كذا
وولدي الحمدلله مو زي اخته
بنتي الثانيه زي اختها الحين امساك بس
شفتي الرز والمكرونه والخبز الابيض يزيد الامساك
هذا اللي لاحظته بنتي اذا اكلت الرز يسبب لها
فاعطيها عصير او ااكلها فواكهه
مره بنتي الكبيره يوم كانت بالاشهر يعني فوق الست شهور عمت بنتي عطت عصير اناناس مع برتقالي طازج فرش وخففته بمويه وانا كنت رافضه اعطيها بس ابوها هو اللي نشب لي الا ارضعها اياه واني موسوسه


المهم شربتها بنتي من هناك نص النانا


وبكرا اول ماصحت جاها اسهال واستمر معها وتندم ابوها انه ماسمع كلامي ووديناها للدكتور وعطانا علاج يوقف الاسهال
صدمنا معدتها بخلطة عصيرين انا ارفض العصري بعمر الاشهر لان معدتها حساسيه ولا مزيج عصيرين قوي عليها وشلون واحد


بنتي الثانيه ابوها عطاها شوية موز وانا رافضه كانت بالاشهر والله جاها اسهال قال خلاص مانب معطي بناتك شي قلتله اصبري عليها تتعطيها موز ذوقها مره بس مرتين مو تعطيها ربع الموزه


لذا عطي ولدك حتى اكلك اللي تاكلينه انا تراني اعطي عيالي حتى الكيك اذوقهم تذويق مقدار ملعقه صغيره كميه صغيره عشان اعمد معدته على اكلات غريبه بكمية مررره صغيره


تطمني ولدك طبيعي بس هو وراثه على عمانه او خواله كذا
بعدين يكبر وتقوى امعاءه بس اخرصي على الالياف


تذكرت لي قريبه بنتها والله من قوة الامساك يعطونها حقن شرجيه حتى وهي بعمرادثلاث والاربع والخمس سنين متعبتهم من ناحية الامساك جدتها تتشكى يعطونها ادويه وحقن والبنت صارت تخاف تسوي
قال الدكتور عندها الامعاء بطيئه الحركه عشان مذا يصير معها امساك سبحان الله كب ماكيرت كل ماتعدلت والحمدلله راحت المشكله والحين كبيره البنت بالابتدائي ولا تشتكي منه لانها تاكل عادي