ساعدو عروسكم .. مالها بعد الله غيركم

السلام عليكم ورحمه الله وبركاته

خواتي بارك الله فيكم .. وربي أني بحاجتكم .. بحاجة خواتي بعالم حواء

محتاجه أحد يكون لي أخت ويساعدني في حاجتي

أنا عروس زواجي في نهايه شهر ثلاثه ..

أمي مره كبيره تعطيني شغلات وحركات يقولونها لها الحريم ماتكون مناسبتني

وخواتي متزوجات خارج الرياض .. مالي أحد غيركم يساعدني واستشيره

أحتاج أحد يقول لي أفضل مكان أقدر أستأجر فيه فستاني .. "الحريم قالو لامي عن قصر الفخر والمتنبي واسواق مكه .. تنصحوني فيهم ولا بشو .؟؟؟"

وأفضل وحده تسوي لي مكياج بسعر حلو مين تدلوني عليه .. وأفضل أستيديو أصور فيه

بنات تكفون دلوني بأسعار حلوه مو مره غاليه


ماني عارفه شي بالزواج اللهم شراء الملابس والأشياء المتعارف عليها ..

حتى أكسسورات الزواج مو عارفه شو ألبس .. أمي تقول ألبسي التاج ... بنات مو قديم ؟.؟؟؟؟

والتسريحه كيف شكلها .. والألون المكياج ؟؟؟؟

شغله ثانيه إذا رحت أستأجر الفستان كيف يكون شكله .. ماني عارفه موضة الفساتين

أذكر القديم ملون يعني مع الأبيض يكون فوشي أو وردي

حتى بعد ماني عارفه موديل قصه الصدر والأكمام كيف ؟؟

بنات وربي مو عارفه شي .. ليت أحد يساعدني وله دعوه وربي .. مايحتاج أحلف لها أني بدعي لها

يكفي فرجت عن مسلمه كربتها .. قسم بالله شوي وابكي مو عارفه كيف العروس تتجهز بليله زواجها

أعرف تجهيز العرس بس شريت كل شي يوم جيت بجهز ليوم العرس ماعرفت


تكفون ساعدوني