والله يمكن تغذيتي زفت ودائم اذا صحيت من النوم احس بدوخه بحلل وأشوف
الله يسعدددددددك يا قلبي نبهتني ع شي ماتوقعته

وعليكم السلام

يختي ردي لك بيكون طويل بس لا تطنشينه ركزي الله يجزاك الجنة ﻷني أحس البنات يستهينون باﻷكل

العناية الداخلية تغنيك عن الزيوت وعن كل شي خارجي والله العظيم عن تجربه السنة اللي راحت واللي قبلها طلع لي شعر وأنا ما قد حطيت خلطه على راسي كنت بس أشرب حلبه وآكل خيار وبيض وقمح كامل (بر) وحليب وباقي آكلي عادي خرابيط بس هذولا أهم شي كنت أداوم عليهم وطبعاً ما كنت آكل فواكهة إلا الليمون فقط، لكن من شهرين طمعت و بديت ألطخ على راسي ﻷول مره في حياتي والله لا يوريك راح نص شعري، فقررت أكثف نظامي الغذائي واختار اﻷشياء اللي يحبها الشعر لحد ما جمعتهم بطبخه وحده، يعني مو كل خلطه خارجيه للشعر ممكن تناسبنا (صاحبات الشعر الدهني)، يعني لو بتجربين خلطات اختاري وحده بس لا تغشين وتضيفين بالأسبوع خلطتين انتبهي :08: فيه بنات شعرهم يتحمل خلطات وبنات لا خاصه اللي شعرها قليل لا تغامر إلا بالخروع أو الحلبه هم معروفين بتكثيف الشعر.

بعطيك أول شي نصيحة الدكتورة سمر العمريطي في لقاء لها مرفوع على اليوتيوب اسمه (أسرار الجمال) قالت في الدقيقة 16:
"أكثر حاجه لتغذية الشعر الزنك من المواد الهايله للشعر، فيتامين هـ (E)، الكالسيوم، المغنزيوم، واﻷوميغا-3 ناس كتير مش عارفين إنها بفضل الله للبشرة والشعر وللمفاصل وللأمراض المناعية، كل ده داخل في الشعره، معنى كده إني بطلعها من جوّا بفضل الله ! وأشوف نسبة اﻷنيميا قد إيه وأشوف نسبة الحديد لو كانت ناقصه".


ثاني شي شوفي هالفيتامينات وش فايدتهم عشان تجمعينها بطبخه وحده:

أي شي يحتوي على البيوتين ﻷنه يكثف الشعر ونقصه يسبب ضعفه وبالتالي يتساقط وهو موجود في البيض والفول السوداني والقرنبيط، وأيضاً عندك حمض البانتوثينيك (ب5) مهم لصحة الشعر ويحفز نموه ويقوي بصيلات الشعر فيمنع تساقطه وهو موجود نفس الشي في البيض والتمر والبقوليات والمكسرات. واكلي أي شي فيه فيتامين (أ) والكبريت والبروتين.

وهنا برنامج متكامل لوجبات الشعر امشي عليها زيي هالفتره:

1- الوجبة الذهبية للشعر اللي راح اعتمدها من الداخل وهي وجبة على وقت العشاء: شكشوكة بالجزر وفصين ثوم وبصله وشريحة زنجيبل صغيرة وبيض ورشة كركم

فوائدها: 1- البيض يحتوي على البيوتين وحمض البانتوثينيك اللذان يزيدان بإذن الله من كثافة الشعر ونقصهما يؤدي لتساقط الشعر وضعفه. 2- الجزر يقوي الشعر ويمنع تكسره وتساقطه وغني بمحتواه من فيتامين ج و فيتامين هـ, وهما يعملان على زيادة نمو الشعر وصلابته وتحسين الدورة الدموية بالرأس وانتاج الزيوت التي ترطب فروة الرأس. 3- البصل والثوم يحتوي على الكبريت فيحافظ على جمال الشعر. 4- الطماطم يحتوي على فيتامين K الذي يقوي الشعر ويحفز نموه وعلى الحديد وفيتامين ب. 5- الزنجبيل للنكهة وللشتاء.

الطريقة : احمس البصل والثوم والجزر والطماط وشريحة زنجبيل مع بعض وإذا ذبلوا افرمه بالخلاطه بعدين ارجعه للنار واكسر فوقها بيضتين وبالعافيه ويا سلام لو حطيتي معه فلفل رومي أخضر.



2- الوجبة الثانية وجبة فطور: تمر مع القرص (قرص مفتت اللي زي الكيكه) وصلصة ككاو بني مع زيت الزيتون ورشة هيل و أربع حبات جوز (عين الجمل)

فوائدها: 1- التمر يحتوي على حمض البانتوثينيك الذي يحفز نمو الشعر ويعمل على تقوية بصيلات الشعر مما يمنع تساقطه. 2- طحين البُر الكامل يحتوي على السيليكون والكالسيوم والبروتين فيقوي الشعر وأيضاً يحتوي على الزنك الذي يعطي بريق للشعر الذي يساعد أيضا في تغذية شعرك وجعله في مأمن من الأضرار الناجمة عن البيئة والعوامل الأخرى المرتبطة بالصحة. 3- زيت الزيتون ما يحتاج شجرة مباركة. 4- الككاو والهيل عشان يضيعون طعم الزيتون مع إني قلقانه من الكافيين اللي بالكاكاو أخاف يخرب علي الفيتامينات بس بستقر عليه لين ألقى طعم بديل يضيع طعمه :icon36: 5- الجوز يحتوي على نسبة مرتفعه من أوميغا-3 والكالسيوم والحديد والمغنيزيوم والمنغنيز والزنك وفيتامينات A-B1-B2-B3-B5-B6-B12-C-D-E-K :hearts:.

المشروبات:
- مغلي الحلبه مع اليانسون (اليانسون فيه زنك وحديد وكبريت وكالسيوم وفيتامين ب كذلك الحلبه تحتوي على الحديد وكالسيوم وفيتامين ب وفيتامين E ) اشربيه بشكل متقطع في الأسبوع

- حليب مع اﻷفوكادو والموز مره في اﻷسبوع

- منقوع الزبيب اﻷسود أو إذا حابه اكليه حب لو كنتي تستسيغينه لحاله مجفف زين لفقر الدم.



بالنسبة لخلطات الشعر اعجبني الخروع مره من وادي النحل بس قعدت عليه شهر وقررت اسحبه من برنامجي ﻷن الشعر الدهني ما يناسبه الزيوت، تقول سميره الكيلاني أن زيت الخروع يحافظ على ما تبقى من الشعر في حالة تساقطه، والبنات يقولون أخذوا الخروع حق الشراب اللي لون قزازته أسود أحسن ويكثف الشعر بس بصراحه ما جربت إلا وادي النحل وللحين ما شفت شعر جديد من يوم استعملته، البنات يخلطون معه زيت جوز الهند، بس نصيحه إذا بتستعملين زيوت لا يطول على شعرك انتبهي بس ساعة واغسليه ﻷني قد سمعت وحده مصريه على اليوتيوب تقول أي مادة تنحط على البشره خلال 30 ثانية يدخل الدم يعني ما يحتاج تخلين أي خلطه تطول براسك يكفي ساعتين عشان ما توسع لك مسامات الفروة فتطيح الشعر وحنا صاحبات الشعر الدهني موب ناقصين ننقع بدهون فترة طويله ولا بنروح فيها.


وبس آسفه على اﻹطالة بس والله من حرّ ما فيني كتبت لك كل شي حافظته عندي وماشيه عليه كل صبح افتح الملف وأشوف وش ما اكلته اليوم بالجدول وعلى فكره أنا عندي فقر دم، ادعيلي ربي يحسن من شعري عقب ما اعدمته بالخلطات والزيوت الله يعوض علي وعليك يا رب

عندي حبوب مجربه توقف التساقط وتقوي الشعر وطوله ةتقوي الاظافر