ساعديني يادكتورة بنتي ماتنام لا ليل ولا نهار وانا تعبت

السلام عليكم ...

دكتورة انا جدا جدا تعبانة بيحوشني انهيار عصبي مادري شسوي مع هالبنت ..
جربت كل الحلول التربوية وغير التربوية ..

وترا مو بيبي ... عمرها سنتيييييييييييييين وشهر ..
يعني تفهم احسن مني ..
وصارلي تقريبا شهر ونص امطلعتها تنام بغرفتها ...
وفوق هذا مدخلتها حضانة (وحضانتها ممتازة وتعاملهم حلو مع الاطفال يعني السبب مو من الحضانة) بالاضافة الى انها تحب حضانتها ومندمجة مع الاطفال جدا..

اقومها الصبح من الساعة 6 وما تنام الظهر ..
ما تصير الساعة 8 الا واهي خااااااالصة ونعسانة وتنام وهي واقفة .. ومرات اخليها لي الساعة 9 يعني اعذبها ..
تتوقعون شكثر تنام ؟
سااااااااااااااااااااااااااااااااااااااعة ...
وتقوم تبجي .. طبعا تبجي وهي نايمة ..
اذا حاولت أهديها تنام ..
وان طنشتها ومارديت عليها قامت وصحصحت واتصرخ بصوت أعلى وأحيانا تستفرغ برضه ما أرد عليها عندها قابلية تبكي لساعاااات ومستحيل ترجع تنام مرة ثانية إلا بعد فترة ...
وتقوم بعد نص ساعة او بالكثير ساعة ...
والله ان بيبي النفاس يهون عنها !!!
ولي متى وانا كل ساعة بقوم انومها ؟ خلاص كبرت !!
وتظل على هالحالة لي الساعة 4 الفجر بعدين اتقولي خلاص ماما مابي أنام ابي العب ...
ولي الساعة 7 طبعا وقت حضانتها الا اهي نعسانة وتبي تنام ..
ما انومها .. واكمل معاها على نفس الوضع ..
ولا اشوف في أي تحسن ....

جربت انومها الظهر شوي نص ساعة يمكن تنام بالليل حتى لو متأخر بس على الاقل تنام متواصل ..
بعد ماكو فايدة ..

البنت مثل ماقلت عمرها سنتين وشهر ..
طولها ووزنها ممتاز .. بس الحين نحفت شوي لكنها مو نحيفة .. متوسطة ..
ما تعاني من امراض ومثل ما قلت هي طول عمرها نومها بهذا الشكل وليست حالة مؤقتة بس انا اللي تعبت..
طبعا من قلة النوم صارت عصبية ودائما تصرخ مع العلم ان ماعندنا احد يصرخ بالبيت ولا عندنا صوت عالي أبدا ..
انا حازمة معاها لكن بدون عصبية وضرب ..

وترى هالحالة معاها من يبتها .. ما اذكر انها نامت عدل الا جم يوم مفرقين ..
وفعلا محتاجة احد يساعدني ...