الله يسعدك دنيا واخره
تصدقي انا كل ماشغلت النت اترقب الرسائل اقول اكيد فرحة القلب حترسلي رساله على الخاص الحمدلله القلوب عند بعضها الله يجمعنا تحت ظله يوم لاظل الا ظله
سابقى في انتظارك

أخت البتول العذراء

تسلمين جزاك الله الف خير

:26:

*حاملة القران*

القلوب عند بعضها اختي
والله يجمعنا على الخير يا رب

فرحة القلب



رائعه كعادتك ماشاء الله تبارك الله ...

وأن كان موضوعك ..بالنسبه لي ..يؤنبني
كيف؟؟

بالنسبه لي احيانا اكون مثاليه مافي مثلي
واحيانا اكون سلبيه

وبصراحه في الحاله الثانيه
أزعل من نفسي..واندم واستغفر ربي( اسأل الله ان يعفو عنا وان يدخلنا برحمته )

نأتي للمثاليه ..
أحيانا يفرضون علي اولادي اراء غلط..اناقشهم..واحاول فيهم ..في النهاية وبصراحه اقول لهم
بكيفكم ...لكن حاسه أن هالشئ هو الصح لكم
بعدها بكم ساعه أجدهم يتجابون معي...
وفي نفس الوقت
اسألهم ليه غيرتوا رأيكم ؟؟
فتقول لي مثلا ابنتي الكبيره..او ابني اللي بعدها..
حسينا كلامك صح ؟؟؟

احيانا افرح..واحيانا اخاف انهم يجاملوني في انفسهم ...

النقطه الايجابيه ...اللي أذكر ها في هالموقف مع ابنتي
بنتي 12 سنة وكم شهر الان رفضت تلبس ( تنورة شانيل فوق الكعب بقليل ...لم تكن قصيره ) واصريت عليها ..وقلت لها..ما احد غريب عند خالتك ...
وبحكم أنها الى الان لم تظهر عليها علامات البلوغ تقريبا..
بعدها قلت بكيفك
وجدتها لبست التنورة...مع شراريب..
ورحنا...كانت حالتها حاله...ومتضايقه من التنوره..وفي النهاية ارخت حزام التنوره ..علشان تنزل التنورة شوي
لاحظتها متضايقه...وفي نفس الوقت علقت خالتها عندي بأنها مرخية التنورة علشان تطول

تركتها ما كلمتها

وفي البيت قلت لها
شفي من بعد اليوم حبيبتي..الشئ اللي مقتنعه فيه سويه أن كان صح ..ولا يهمك انا أو غيري
حشمتك وسترك ...هذا شئ راجع لك..وان شاء الله لن أفرض عليك شئ...
واعترفت انها صح..وانا غلط هالمره ...

فرحت وابتسمت...واخوها طبعا علق...وتفلسف ( طبعا هي ما تقبل ولا كلمه منه) لكن مو مشكله عندي
احبه يهتم ويحرص على اخواته..ولكن بحدود ....

أدري طولت...
لكن معاناتي مع اولادي..ومواقفي معهم ..تحتاج مني كتب ...

واقول جزاك الله خير يا فرحة القلب...ونسال الله ان يزيدك فرحا وطمأنينه على طاعته ورضاه

واخيرا
نسال الله العلي العظيم ان يحفظ ابناؤنا وان يصلحهم وأن يجعلهم قرة اعيننا في الدنيا والاخره

اشكرك عزيزتي على الاسلوب الراقي في الطرح الجميل...............ولكن خطر ببالي سؤال

اراد الأب اخذ طفله معه لجدته (والدة الأب ) لكن الطفل اصر على مرافقة الأم لوالدتها
لكن يتفاجأ الصغير ان بيت جدته لأمه مافيه صغار يلعب معهم ماجاء احد غيره ويطلب الإتصال على ابوه حتى يرجع له ويأخذه معه --
( المفروض في هذه الحالة نتركه --حتى لو جاه النوم من الملل ) <<< هذا قراره يتحمله
من غير تذكيره كل شوي انت قلت خلاص هو فاهم الوضع وبعدها بيفكر قبل ما يلزق في امه ههههههه

هل ممكن أن الطفل يشعر بطريقة تصرفه اذا كانت خاطئة بدون ما اعلق عالموضوع؟؟!!!

عذرا على التأخير كان جهازي معطل


حياك الله اختي
لاوسي



و الله هاذي حالتنا كلنا مع اطفالنا بس نحاول قد ما نقدر اننا ما نغلط
وهاذي الفايده من جمعتنا ومواضيعنا اننا نستفيد من بعض ونحاول نحسن من ادائنا معهم لأنهم هم راس المال



هذا كلام جميل اختي لاوسي
ولكن هل تدرين انه سلاح ذو حدين
انت الآن اعترفتي لبنتك انك كنت خطأ وهي الصح طبعا هذا في موقف واحد
طلبت منها ان تفعل الصح اذا اقتنعت انه صح بدون ان تهتم بك او بغيرك وهذا خطأ
طيب في هالموقف كانت هي الصح
لكن في موقف آخر قد تكون هي الخطأ وانت الصح المشكله انها لن تعترف انها على خطأ
وراح تحس في نفسها اني انا الصح وامي اخطأت لكن من باب الاحترام يمكن ما راح تعبر لك عن هالشيء
لكن راح يكون في داخلها وتحس فيه
مع انك في موقفك معاها ما كنتي خطأ
لا كلاكما على صواب
هي كانت حابه شيء وانت حبيتي شيء ثاني كان ممكن تتركين لها من البدايه اكثر من خيار
مثلا تحددين لها اكثر من لبسه ، وفي نفس الوقت ترغبينها في الشيء اللي انت تبغينه
مثلا التنوره هاذي ليه ما تعجبك ؟ انت رغبيها فيها :
مثلا : انا ودي انك تلبسينها لأنها جديده ما قد شافوها عليك ؟
أو احسها مرررررره حلوه ونعومه عليك ؟
أو ودي بنوتي تكشخ وتلبس حاجه حلوه في جمعتنا عند اختي .

اذا كان مررره ما ودها فيها اختاري معها شيء ثاني يعني وجهيها انت



هذا شيء مهم جدا في تربية الأطفال
اننا نشكر الطفل و نشيد به اذا احسن التصرف هالشيء راح يعطيه دافع كبير انه يحسن التصرف
ويحسن اتخاذ القرارت في المرات القادمه حتى لا تتغير نظرتنا له
لكن بشرط الا يشعر انه هو على صواب و والديه على خطأ
خاصة اذا كانوا صغار السن لأنهم يصعب عليهم التمييز في كل المواقف
واذا اهتزت الصورة في موقف قد تبقى في ذهنه مهزوزه في مواقف اخرى





اللهم آميـــــــــــــــــن