ساعــــــــــدوني في صبغ بيتي

انا ما اخذ الا الجزيره ها المره جربت جوتن بس ما عجبتني زي الجزيره وعلى فكره انا صابغه ثلاث ارباع بييتي ما استنى زوجي ولا استنى العمال اهم شي لا تحطين تنر عشان ما تنكتمين واذا تبين شي راسليني

شوفي حبيبتي
انا ماجربت بس شفت بنات وايد مجربين يصبغون بنفسهم
وزوجه اخوي منهم

اول شي لو انتي حامل او عندج اطفال صغار بيلصقون فيج وانتي تصبغين هالشي ماينفع كلش كلش كلش

اول شي لازم بتحتاجين الادوات التاليه
لازم تشترين صنفره للجدار خصوصا لو كان لونه غامج
وبرايمر والصبغ نفسه باللون اللي تحبين مع الفراشي
وكل هاي تقدرين تشترينهم من جوتن ولا اصباغ الجزيره

وانصحج سوي صبغ عادي لاني اكثر من وحده اجوفها تبي تسوي اخطوط وتطلع عويه خخخخخخخخخخخ
وسوي سيرج وجوفي التجارب

اتمنى اني قدرت افيدج

تحياتي

انا صبغت الوان يغني كل غرفه لون والحين ما اتحمل بيتي نهائي احسه يجيب الاكتاب الشديد مع ان كل من شافه انهبل من الالوان هاديه بس لو يرجع الزمن لاحط لون واحد وانصح الكل لون واااااااااحد يا ابيض بفلفته او بيج والله ماتندم اللي تيعني لانه انظف واحسن واريح والله على ما اقوله شهيد انااااااااااااا ندماااااااااانه مره وما ابي احد يصيرله مثلي اتكنى تقبل نصيحتي والدعاء لي بالسلامه لانه بسب البيت والتفكير جاتني جرثومه المعده وضيقه ولله الحمد

ماشاء الله عليكم الله يعطيكم العافيه

ومنكم نستفيد

سبحان الله وبحمده سبحان الله العظيييم

ايه ممكن تصبغين بس يبي له صبر ودقه
البويات فيه النوع العادي المطفي الجالون ب 50-55 ريال وماله ريح ويروح بسهوله من الملابس وعيبه انه ما يتنظف ابدا
والالوان العلبه ب 5 ريال تخلط مع البويه
وفيه البويه نص لمعه القابله للمسح والتنظيف الجالون ب 150 ريال بس ريحته تكتم الصدر ولازم تكون فيه تهويه