السلام عليكم ورحمة الله وبركاته
هذا اول موضوع اكتبه في منتداكم بصراحه كنت متردده بس بعد ماشفت ان عضوات كلماتهم تنحط على الجرح يبرى
أتشجعت
مشكلتي يمكن غيري مايحس فيها بس انا حموت وتعبانه وحاسه بتأنيب ضمير كمان
انا يتيمه وابوي متوفي الله يرحمه يارب وامي نذرت حياتها لنا علشان تربينا لغاية ماكلنا الحمدلله اتخرجنا
وربي وفقنا بالنجاح
امي ربي يطول بعمرها ماعندها الا اخت وحده ومتزوجه وعايشه برا المملكه مع زوجها واولادها وماتجي الا في السنه مره
واعمامي وعماتي طلعو انذااااااااال بمعنى الكلمه يمكن اخر مره شفتهم فيه يوم مااندفن ابويا الله يرحمه
ربونا امي وسيدي ابو أمي انا واخواني تعبو معانا وصرفو علينا وماقصرو وماحسينا ابدا اننا ايتام الحمدلله وماشاءالله تبارك الله
مشكلتي اني اتخرجت من الجامعه واتوظفت الحمدلله وقدمت على البعثه وانقبلت وهنا بداية المشكلة
والله انا عارفه انو كثير بنات ممكن يحسدوني على البعثه بس انا مااقدر اسافر
نسيت اقولكم ان عندي اخ واحد واختين كلهم في الجامعه لسى واخويا متخرج من الجامعه بس مالقي شغل لسى
المهم جاتني البعثه وانا ظروفي زي الزفت الحمدلله والشكر يارب
وحقولكم ظروفي بالضبط
سيدي اللي تعب عليا ورباني بين الحياة والموت
امي وحيده وماعندها غيرنا في هذي الدنيا وفي ستي اللي هي ام امي الله يطول بعمرها وكمان هذي متعلقه فيها مره
شغلي صح انه مو مره حلو بس معايا بنات كانهم اخواتي مره احبهم ومرتاحه فيه هذا الشغل
وكمان خايفه عمري يضيع في الدراسة عمري 25سنه وارجع مالاقي شيء يستاهل
متى حضبط وضعي في الشغل ومتى حتزوج واخلف بعد ماارجع اكون في ابواب الثلاثينات
وربي ملخبطه وحالتي صعبه
وحاسه بتأنيب الضمير لان اخويا فرصتو في الدراسة حتكون انه يروح معايا محرم
وامي كل يوم تخاصمني وتبغاني اروح البعثه وقالتلي مو راضيه عليكِ ومن الكلام اللي يعور القلب
وقالتلي هذي فرصتكم تدرسو وتعملو مستقبل لكم
ايش اسوي وربي مخي حينفجر من التفكير
مني عارفه اختار واقرر حموت خوف من فكره اني اتغرب واعيش بعيد عن سيدي اللي من يوم مافتحت عيوني وانا ماشفت غيره خايفه يسير فيه شيء لاقدر الله وانا بعيده عارفه انه قضاء وقدر بس على الاقل اشوفه واملي عيوني منه
امي ضعيفه وتغصبني على السفر من ورا قلبها كل همها تبغى عيالها يكون معاهم ماجستير من برا وتفتخر فيهم
ستي ام امي تعبانه من فكرة الفراق وربي كل يوم ابكي انا وياها من دا الموضوع
تعبااااااااااااااااااااااانه مو عارفه اشتغل ولا ليا نفس اكل ولا اشرب ولا ليا نفس في شيء
قولولي انا صح ولا غلط
موقادره اتخيل والله العظيم اني ابعد عن امي لانها لم تتعب ماتعتمد الا عليا انا واخويا في كل شيء
اخواتي ضعاف مايقدرو يعملو شيء
يعني لو سافرنا انا واخويا امي ماحيكون عندها ولا احد غير 2 اخواتي وستي وسيدي المريض اللي حالته مايعرف عنها الا ربنا
لاتسألوني عن اهلنا سيدي اصلا وحيد وماعنده اخوان ولاقرايب الا واحد ومات السنه اللي فاتت
وستي اصلا يتيمه
يعني مافي احد بعد الله لهم غيرنا
والله اني اكتب ودموعي على خدي وعارفه ان نص الكلام ملخبط بس التفكير قاتلني
الله يخليكم ساعدوني ربي يفرج همومكم
وسامحوني على بعثرة الكلام واللي اني افضفض ابغى ارتاح
شركة تغذية @shrk_tghthy
محررة
يلزم عليك تسجيل الدخول أولًا لكتابة تعليق.
غيساء
•
استخيري وصح كلام مامتك طالما اخوكي مالقي وظيفه روحي عشانه ولانه سندكم الوحيد فخليه يجيب شهادة تشغله وظيفه حلوه عشان يوقف في جنبكم ان شاء الله طول العمر :)
جزاكم الله خير وانا استخرتجزاكم الله خير وانا استخرت
حبيبتى استخيرى واستشيرى والله يكتب الى فيه الخير
حطى مميزات وعيوب كل فكرة وشوفى الافضل لك ولعايلتك وقررى
حطى مميزات وعيوب كل فكرة وشوفى الافضل لك ولعايلتك وقررى
الصفحة الأخيرة
الله يفرج همك وينور دربك :26::26::26: