ساعوني يا بنات مشكله حل الواجبات لعيالنا

اولا السلام عليكم يا احلى تجمع بهالدنيا عسى ربي يوفقكم كلكم ويجزاء اللى قايم على المنتدى كل الخير

ثانيا يا امهات يا مربيات يا فاضلات عندي مشكله عويصه تعبت في حلها والله تعبت وقلت مالي الا الله ثم خواتي في عالم حواء
طولت عليكم المشكله هي ولدي في ثاني ابتدائي متعبني في حل الواجبات خصوصا القراءه والله يابنات ما خليت عليه شي اذا انا على راسه حل واذا رحت عنه والله ما يحل حرف واحد طبعا المشكله هذي من اول لكن يوم دخل ثاني زاد الواجب عليه والاستاذ يخليهم يحلون القطعه كامله عاد الاولاد اصدقاءه يحلونها في يوم هو يحل القطعه السبت ما يخلص الا الاربعاء يعني كل يوم يحل سطر او سطرين

هو شاطر بالحفظ ومودب لكن ملول جدا ما تتخيلون وحركي مره مستحيل يجلس يحل كلمه واحده لازم يحل سطر ويرتاح وما يسوي الا اللي براسه ويخاف من زعلي لكن اذا زعلت قام يكلم اخته الصغيره ويقول يا ناس يا حريم ويش اسوي بهاالام احبها او احبها عاد انا اخذه بحضني وانسى الواجب الله يهديه ويهدي عيال المسلمين

بنات بوه يقول عادي اتركيه والله صعبه عليه لانه ملول والتعليم عندنا فاشل والله فاشل وتقليدي ويعني اذا انا استخدمت وسايل تعليميه علشان يحفظ بيمشي معي لكن في مدرسته كل شي تقليدي وقديم
يمكن تقولون المشكله بسيطه لكن عندي والله صعبه يا بنات

قولوا لي ويش اسوي معه هل احرمه من اشياء يحبها مع اني جربت هذا الشي ومانفع معه طبعا اضربه لا لانه رجال كبير وانا مقدره حالته لكن قولوا لي ويش اسوي معه يمكن في احد منكم مثل حالتي

والله يخلي لكم عيالكم ويوفق من يرد علي ولو برفع