مواقفكم رووعة ...

هلا اخواتي موضوع جميل جدا مشكوره اختي خماسيه ومواقفكم تجنن وانا باحكي لكم موقف صار باليابان كنا بالعيد نتنزه مع بعض كم اسره من العرب والمسلمين المهم رحنا السوق عشان الاطفال يلعبوا ويشتروا لعب لكن اللي صار انه كل الاطفال اشتروا مسدسات مثل الرشاش واحنا معهم طبعا صار الاهالي يبعدوا عن عيالهم ويضحكوا لانهم اصلا عنصريين علينا ههههههههه المهم هذا بالنهار بعدين بالليل راحت عائله عندهم ولدين وطبعا معاهم مسدسين راحوا المطعم والاولاد يعرفوا ياباني المهم صوبوا على الناس بيلعبوا ههههههههه الناس خافت واللي شرد واللي هرب تحت الطاوله طبعا هذا بعد ماترددوا بالاول بعدين سمعوا الولد يتكلم بلغتهم امه تقله بالعربي لاتلعب خلاص قال انا ما العب انا راح اموتهم ووو--- الخ من التهديدات طبعا بالياباني الين مابقي الا هم بالمطعم ومع انه صاحب المطعم عارف هذولا المسلمين كل مره يروحوله كان يهدي بالناس مافي فايده ههههههههه اتمنى يعجبكم ولسه عندي مواقف بارجع باذن الله

مواقف حلو كثير

هلا اخواتى المواقف كثيره الى مرت على منها المخيف ومنها
المضحك الموقف المخيف انى هالشتاء كنت بببانكوك للفحوص
وكانت رايحه اخذ نتائج فحوصاتى كنت ميته خوف لانى شاكه بشىء
المهم كنت طول الوقت اقراء قراءن وادعيه عشان ربى ايصبرنى
ويقنعنى بالى ايقوله الطبيب المهم انا وزوجى مرعوبين خذنا تاكسى عشان ياخذنا للمستشفى مع انه
المستشفى قريب اخذ السائق ايلف ويدور وانا غارقه بقراءه ما احفضه من ادعيه وقراءان
و فجاه على صوت بالدعاء فانتبه السائق لمحته مرتبك ويعمل اشاره الصليب وعلى طول غير الطريق عمل يوتيرن ولا لفه اصغيره واحنا جدام المستشفى الى دار فى بالى ان الرجل
كان ناوى ايلففنا كثير وياخذ مبلغ كبير لانه شرط ما يشغل العداد لانه خربان وانا زوجى بالنا مشغول وافقنا وسبحان الله انا كنت اقراء قراءن وادعى ربى فالله سبحانه وتعالى رمى فى قلبه الرعب
فعدل عن خطته ووصلنا المستشفى
اما الموقف المضحك
كنت بالمانيا بالصيف وكان معاى الاودى الله ايحفضهم
وكنت اما م محل للعطور وشفت زجاجه عطر زوجى ايقولى غاليه وايد
وما تستاهل الا حرمه كبيره تسالنى هؤلاء اولادك قلت نعم قالت كلهم قلت نعم
قالت جايبتهم طبيعى قلت نعم قالت لزوجى انت زوج سىء جايب 5 ابناء
ومستخسر فيها عطر قمت ضحكت قلت ايوه زوج سىء وانا اضحك
علبالها المسكينه انى مغلوب على امرى ما تدرى انه المراءه الحين
منشفه روح زوجها بالمشارى :)
والموقف المضحك الاخر كنا باستراليا من فتره
فقال زوجى بيطلب هم بورجر قمت قتله لا اناا مابى لحم مش مذبوح حلال
ابى دجاج احسن والله من يومها ايعايرنى ويضحك :)
موقف مضحك اخر
كنا رايحين ايطاليا وفيه محطات عبور بين ايطاليا والنمسا
ولاول مره نعبر من هده البوابات وورانا سير كبير من السيارات
وقام زوجى ايدوس الفصوص ما فيه فايده حط مبلغ مافيه فايده
قام ايحط الباطقه تبع الصراف الالى والسيارت ورانا عامله زحمه وانا فاطسه من الضحك
على زوجى وبعدين عرف انه لازم نسحب ورقه بس وعند الرجوع ندفع ثمن البطاقه
ومن يومه اعايره بهالموقف :)
طولت عليكم السموحه

فوووووووووووووق