مره واحنا راجعين من السفر كان ٩ ساعات بالطياره وفي الطياره قدموا لنا وجبات زوجي اختار وجبة لحم وللأسف بمجرد مااكل كم لقمه منه صار بطنه يعوره وبدأت أعراض النزله المعويه مغص مع غثيان ودوخه وكانت طيارتنا بمدينه تبعد عن مدينتنا الاساسيه ساعتين ونزلنا من الطياره وزوجي داااايخ وركبنا سيارتنا وزوجي مو عاجبني تعبان مررا والساعه كانت١٢ بالليل ومع مشينا مع الخط السريع وزوجي يغفى ويتألم بس يغسل وجهه و عيوونه بموويا وانا بمووووت من الخوف لما شاف انه مايقدر يتحمل وقف السياره جنب الطريق ونزل فرشته ونام🤷🏻‍♂️وانا واولادي جالسين جنبه وميته خوووف اناظر خلفنا ظلاااااام دامس و خلا وافكر في العقارب والثعابين 😭ارجع اناظر قدامنا خط سريع شاحنات وسيارات طايرره جلس نايم تقريباً ساعه الاربع وصحي قال يلا ومشينا مع الخط السريع وهو نفس وضعه يتألم ويغفى وكلم أخوه يجينا وعاد الحمدلله ربي سلمنا إلين قطعنا نص المسافه ووصلنا أخوه ركبنا كلنا معاه وتركنا سيارتنا وحيده😆
الموقف الثاني
كان بشهر العسل اخذنا شاليه خاص على الشاطىء المهم اني كنت خووووافه مرررا ومنطقة الشاليه بعيده شوي عن الخدمات وماكان فيها زحمه وجننت زوجي اقوله خايفه والمنطقه مافيها احد ومستحيل ننام هنا المهم زوجي طلع يجيب سلاحه من السياره ويقابل موكب وحرااس إلا وهو أمير مستاجر الشاليه اللي جنبنا والحراس تبعه حولنا ويسأل المسؤلين عن الشاليه قالوا عادي الوضع أمان وبالذات الليله جنبكم أمير ماعندكم خووف ابدا صراحه انبسطت بالأمير اللي سكن جنبنا ودعيت له لأن من اول كنت رافضه اخرج من الشاليه على الشاطىء بس لما جاء سمو الأمير خرجت واستمتعت الحمدلله 😀❤️

الموضوع جمييييبيبيل

رحنا قبل سنتين لصلاله المهم جلسنا في في مكان كلله عشب يجنن ذاك المكان ورانا انحدار كبير بس بعيد ششووي مننا
المهم ان حن جلسنا لين قبل المغرب تقهوينا واستانسنا ثم قمنا لفينا عزبتنا وركبنا السيارة ونبغا نمشي مامشت السيارة تزحلق من الطين لانه امطاار ورذاذ والشجر يزحلق بها اكثر عاد انا جاتني ام الركب وجاني خووف ونفظة وصرنا مغرب والناس نازلين لان المكان الي حن فيه جبلي ومحد يجيه مع الليل كللله ضباب ومطر خلاااص انا شوي وابكي وزوجي ارتبك واطفالي خافوا😭 وزوجي دق الفلشر
المهم وقفت عندنا سيارات كثير يوم يشوفون الفلشر وجا واحد وساعدنا من اهل عمان الطيبين نسم كفرات السيارة عشان تطلع وطلعنا الحمد لله
بس موقف ماانسااااه ابد

صار لي موقفين بسفرتين بس كلهن حزينات جدا ماابي اذكرهن

موقفي ما انساء مسافرين بمنطقه ساحليه وسكنا بفندق على البحر والصبح نزلت انا واهلي للفطور وبناتي الا يبغوا يسبحوا بمسبح المنتجع واهلي قالو بنطلع على البحر ومعاهم بطاقه الغرفه وانا الوحيده فيً المنتجع الا بعبايه وشيله وغطوه نزلوا بناتي وانا اراقبهمً الا الصغيره دفتها طفله وطاحت بوجهها على المويه وبحركه لا اراديه قمت ونطيت بالمسبح بعبايتي مرره شكلي يضحكً واللي حول المسبح وقفوا يطالعوا فيني ومن جد شكلي يحزن طلعت كلي مويه اقطر وطلعت بنتي واهلي معاهم البطاقه حقت الفندق ولادقيتًً عليهم قلت بجلس بالشمس انشف قبل يجون ويجوني الاجانب يبون يساعدوني واقولهم مافيه شي واللي يتطمن على البنت وكثيرجًوني يسألوني ليش لابسه كذا وانتي بمسبح وانا اصرفهم خايفه يجون اهلي وهم مجتمعين عندي