سافرت واهل زوجي احتلوا بيتي حتى غرفة نومي

السلام عليكم حبيباتي بنات حواء
احب انقل لكم قصة اختي باختصار علاقتها مضطربه مع زوجها لدرجة كل شوي نتوقع يحصل الطلاق بينها وبين زوجها ومن زواجها منه وهم يحصل بينهم خلاف يومي تقريبا يعني الوضع مضطرب حتى انها طلبت الطلاق عدة مرات وكل مره يجي ويتعهد انه مايصير شئ بينهم لكن ترجع الخلافات مره ثانيه يعني الوضع حوسه من اوله لاخره
المهم اختي هذي جات مسافره لنا وبتجلس مدة اسبوعين وفجاءه لما وصلت بعدها بكم يوم علمها زوجها ان اهله جابو ملابسهم وسكنوا في بيتها وقالو البيت فاضي بنجلس فيه لانهم بيرممون بيتهم مع العلم ان اهله لهم شقه فاضيه بجنب بيتهم اللي يرممونه لكنهم قالو نبي بيت فلانه :confused- لانه فاضي... وياحرام اختي بيتها جديد ماكملت فيه اسبوعين وهو مو بيت شقه او دور مثل مانسميه
الى هنا المسأله عادي ماقالت شئ اختي قالت الله يحيهم والبيت بيتهم لكن المصيبه انه بعدها بيوم كلم زوجها وقال اهلي يبون غرفة نومك بينامون فيها مع العلم ان البيت فيه غرف تكفيهم بزياده
وهنا اختبصت اختي وضاق صدرها :( لانها تقول غرفة نومي فيها اشياء تخصني مثل ماانتو عارفين من قمصان نوم وكلتوتات وسنتيانان واشياء جدا خاصه الواحده تستحي ان احد يشوفها ومع ذلك عطاهم المفتاح وهي من وقتها ضايق صدرها :44: لان معهم شباب ومراهقين وبنات مراهقات اكيد عندهم فضول وبيفتحون الدروج ويتفرجون وهي مسكينه مررره متضايقه وتقول عطوني حل وحنا في البيت احترنا مالقينا لها حل فقلت ابكتب لبنات حواء حبيباتي اكيد عندهم حل يريحك وهي معي الحين وودها تقرا حلول منكم واشكركم مقدمااا حبيباتي