السلام عليكم
انا ساكنه مع اهل زوجي بس مدخلي لحال
والعلاقه معهم سيئه تقريبا بسبب عده مشاكل سابقه
وانا بس ادخل عليها من عيد لعيد اسلم واطلع فقط
انا عندي دوام الى العصر
وعندي بنتي ترجع من المدرسه وتروح لجدتها تحت
وانا اذا جيت ترسلها لي حتى دخول ماادخل كذا لازم موعد او عيد
المهم زوجي عنده اجازه اخذ اسبوع وقال بروح اسافر دبي اتمشى مع ابوه
وتحت فيه خالتي وبناتها
المهم سافر زوجي مع ابوه
وتخيلوا يوم السبت الماضي فجاءة وبدون سابق انذار ارسلت رساله نصها يقول
"" بكرا خوذي بنتك وديها حضانه لان احنا مشغولين"""
تخيلوا يعني كيف اوديها عند مين والحضانه لازم اتفق معها وانا عندي دوام والى العصر ودوامي صعب الاستئذان بطلعه الروح
المهم زعلت كثير بنفسي
واهلي مو عندي اهلي بالشرقيه
ففكرت فيها قلت كلها اسبوع وراجع زوجي ليه مااطلع اجازه اقولكم ليه فكرت كذا لان دوامي صعب استأذن واروح اطلع بنتي واوديها حضانه كل يوم ؟؟
فقلت ارسل لمديرتي انه عندي ظرف وبغيب اسبوع اروح لامي
سبحان الله ردت على طول وقالت تروحين وترجعين بالسلامه
المهم حجزت اول طياره لامي ورحت الصباح وانا الان عند امي ولا احد يدري اني سافرت وحجزت الرجعه مع نفس طياره زوجي لان زوجي ترانزيت طيارته وبنرجع نفس الطياره
طبعا هو مايدري ابدا ابدا ويوم اتصل زعل ليه امه ترسل انها ماتبي تاخذ بنتي
وقلت له خلاص انا لقيت وحده تمسك بنتي
بس ماقلت له اني مسافره
وش رايكم ساعدوني انا تايهه
اقول له اني رحت لامي
اولا
وامي تقول ماقلتي له انك جيتي قلت لها لا
قالت اتصلي على امه وعلميها انك سافرتي
وانا الصراحه العلاقه مؤخرا سيئة للغايه مافي احترام تغلط علي برسايل تسبني وكلامها معي سيئ وانا قطعتها عشان اسلوبها معي
وامي ماتدري ان العلاقه سيئه
ولا اقول لزوجي بس مابي اقوله اخاف يتنكد ودي يشوفنا فجاءة وانا اقول له كل السالفه ان احنا مالنا احد هناك الا اهله واهله من اول ماسافر تخلوا عن البنت ووهقوني وانا عندي دوام ؟؟؟
وش رايكم
fatoome @fatoome
محررة
يلزم عليك تسجيل الدخول أولًا لكتابة تعليق.
شوفي حبيبتي امه لا ترسلي له شي يا ويلك و الله تاخذها نقطه عليك و تتصل ع زوجك و تسوي فضيحة
امك لو تدري انه بينكم مشاكل ما كان اقترحت عليك كذا بالعكس هي شايفة اهون الام يكون عندها علم من تعلمين زوجك ما درت انها تبغى لك الشر
مالك حل الا تكلمين زوجك شوفي وش يقول دوري اسلوب حلو تكلمينه فيه مع انه سفرته بتتنكد لو هو من النوع اللي يقلق و ممكن بالبداية تاخذين رايه شوفي وش يقول ع اساس انك تسافرين بكرة مو انك سافرتي اذا قال زين خلاص سوي نفسك فعلا مسافرة بكرة قال لا قوليله انك سافرتي
امك لو تدري انه بينكم مشاكل ما كان اقترحت عليك كذا بالعكس هي شايفة اهون الام يكون عندها علم من تعلمين زوجك ما درت انها تبغى لك الشر
مالك حل الا تكلمين زوجك شوفي وش يقول دوري اسلوب حلو تكلمينه فيه مع انه سفرته بتتنكد لو هو من النوع اللي يقلق و ممكن بالبداية تاخذين رايه شوفي وش يقول ع اساس انك تسافرين بكرة مو انك سافرتي اذا قال زين خلاص سوي نفسك فعلا مسافرة بكرة قال لا قوليله انك سافرتي
تولان
•
المفروض قلتي لزوجك أمه مالها دخل لكن كلميه و قولي انا رحت عند امي بس مابغيت اقلقك الين أوصل بالسلامة
eerr
•
ابد مالك حق تسافرين بغير اذن زوجك وهذا مو كلامي هذا دينا يأمرنا به
كان علمتي زوجك ورحتي وين المشكله !
وبعدين اهل زوجك ما قصروا يمسكون البنت طول الفتره اللي فاتت وما لك حق تزعلين زي ما انتي لك ظروف حتي هم جاهم ظرف واعتذروا منك قبلها بوقت عشان تلحقين تتصرفين
الحين الله يعينك علي حل المشكله اللي حطيتي نفسك فيها
كان علمتي زوجك ورحتي وين المشكله !
وبعدين اهل زوجك ما قصروا يمسكون البنت طول الفتره اللي فاتت وما لك حق تزعلين زي ما انتي لك ظروف حتي هم جاهم ظرف واعتذروا منك قبلها بوقت عشان تلحقين تتصرفين
الحين الله يعينك علي حل المشكله اللي حطيتي نفسك فيها
الصفحة الأخيرة
حسيت انك انسانه قويه
وصعبه لا مع اهله ولا زوجك
اعوذ بالله