ساقط سقف الحلق أبغى اسألكم كيف نرفعه؟.. أو دلوني على وحده ترفعه لها

بنات الله يسعدكم ساعدوني

سؤالي صعب والا ما فهمتوا عليه

ايش تسون اذا الطفل مسقط؟

ياقلبي حنا نحط خلطة او صبخة ع الراس

تجيبين كسرة مرة صغيرونة وتدقينها وتحطين معها ذرة زعفران وشوووووي موية وتخلينها تطبخ بتصير زي العجينة

اصبخيها على راسه وهي دافية شووي مو حارة عاد انتي شوفيها

تصبخينها على منطقة اليافوخ بالضبط خليها 3 ايام وشيليها

تنظفينها بحثالة القهوة المبردة تفركينها وبعدها بالمشط تمشطين بالعكس وبتطلع بسرعه

جربيها وان نفعت ادعي لولدي بالشفاء :)

ما ادري ايش الحل..
بس ابغى اسالك كيف اعرف واتاكد ان الحلق ساقط..لاني شاكة في بنتي

يكون عادي وشهيته كانت جيدة وفجأة يتعب وتضعف بشكل كبير .

وينحف مع الأيام بسبب قلة الأكل او الشرب .. ويبكي وقت الرضعة ويشرب شوي ويفك بسرعه يبغى يشرب لكن متردد بسبب الألم .

اذا جاء يشرب تحسي ان معه مثل الغصه .. ويستفرغ بعض او كل اللي يشربه .. وتكون اطرافه يديه ورجليه حارة او دافيه بشكل غريب .. وتشوفيه دايم متضايق .

هذي الأعراض اللي قالت لي عنها امي لما سألتها .. تأكدي من النت عن اعراض العظيم او السقاط .

علاجها اذا خفيفه اما بكريم يبرد بالثلاجه ويحط على اليافوخ 3 ايام ,, او ينفخ بوجه الطفل حتى يشهق وترتفع من نفسها .

وتغير حلمة الرضعه لمقاس اكبرعشان مايضطر يمص بقوة ويتسبب في ظهور هالمشكلة .

وبعض الحريم يحطو مع الحليب بالرضعه سيريلاك ,, يصير الحليب ثقيل ويضطر يمص بقوة خصوصا لو الحلمه ميديم او لارج لكن تعتبر صغيرة من تصنيع الشركة ويطلع له عظيم او السقاط خصوصا لو الطفل صغير وضعيف بحجة انها تبغى تسمنه .

الله يسهل عليكم .

الله يسعدكم ويسهل أموركم ويوفقكم جميعا
ويشفي ولدك بمبونة

بس بسألكم هذي الخلطة أو الكريم نحطها كل يوم ونشيلها في نفس اليوم لمدة ثلاث أيام
والا أحطها اليوم الأول وأخليها ثلاث أيام وبعدين أشيلها.