اول شيء روحي محلات ابو خمسه اللي بالشفاء<<< الظاهر اسمه مركز التوفير بأسواق السقاف..أو أي محل تعرفينه مثل الباسم بالقصيم ..
_خوذي منه الملاعق و السكاكين بأنواعهن(ملاعق خشب - سكين لحم - طقم الملاعق الكبار اللي لهن حامل ويكونن انواع وحده للرز(ملاسه)-وللقلي - وشوكه كبيره-ووو)حلو تحطينها على الدولاب ويكون شكله حلو واستيل موبلاستيك.-وخوذي فتاحة العلب ووالعجله والفراده ..
_لوح التقطيع الزجاجي حلو ونظيف ورخيص الكبير ب10,خوذي 2 واحد للخضار والثاني للحم .. عشان مايسبب تسمم اذا استخدمتي واحد لكل شيء.
_علب البهارات ,شفت اشكال حلوه عند ابو خمسه اللي بالقصيم ,
_الصفايات الاستيل والبلاستيك خوذي من الطقم اللي عند ابو خمسه البلاستيك يكونن 3 مقاسات بخمسه,والاستيل الظاهر وحده ب 5,انتي خوذي وحده وسط تكفي.
_علب الطعام فيه أنواع وأشكال ومقاسات عند ابو خمسه, خوذي منها اللي تجيك مجموعه ازين لك , وللثلاجه خوذي الزجاج انا اخذت منهم 5 بخمسه .. وفيه عند ستي ماكس علب بلاستيك زينات 3 نفس الحجم ب 7ريال, بعد الخصم , اخذتهم للفريزر.
_فناجيل وبيلات وكاسات وجيك ماء<< للبيت..وبصراحه نصيحه لوجه الله الكاسات حقات البيت اللي للماء والعصير لاتاخذين زجاج يتكسرن على طول,فيه بلاستيك شكله كأنه زجاج ولا ينكسر اسمه اكريليك,تلاقينه عند محلات الاواني العاديه 6 كاسات أخذتهن من يابلاش 36 ريال يعني الواحد ب 6,,وفيه منهن شركات أرخص, بس اللي انا اخذت عريضات ولا ينكسرن بسرعه,تخيلي الحين لهن 3 سنوات مانشرب بالبيت لال بهن وشكلهن حلوو وانكسر واحد بس(بس تراهن مايغسلن بماء حار ولا بليفه)طبعا فيه نفسهن جيك.
_الصياني التيفال حقات الفرن فيه عند ابو خمسه خوذي لو ثنتين.جربيهن,أنا أخذت منهم التيفال الاشكال وحلوات والله.
......................
وبالنسبه لصواني البيت احسن لك تاخذين اما الخشبيات خوذي لك طقم نفس الشكل احلى ولا يضيعن يكونن معروفات لك ويتحملن,أنا اخذت 6 ب80 ,بس والله كأنهن جدد.بس اخذتهن بالحبه من نفس المحل لكن مو مع بعض ,اتوقع تلقينهن بالمحلات الكبيره يمكن رامز,,واذا مالقيتيهن خوذي الاستيل المنقشات لونهن فضي وفيهن نقش كأنه مربعات ,صراحة يكدن ولا ينكسرن يمكن يصيرن غاليات شوي ويقعدن لك طول العمر... وخليك من الصياني البلاستيك يتكسرن بسرعه ومواعينك تصير مشكله.(والله تعذبت من الصياني والحمد لله شريت طقم خشبي وقعد لي)
..........
وبالنسبه للترامس خوذي لك 3 صغار اللي لهن نقطه حمراء بس دوري أشكال جديده من نفس الشركه(روت بيونك)يصيرن حلوات ولا تملين من شكلهن << طبعا للبيت وحقات الضيوف بعدين.
........
وبالنسبه لسفرة الاكل حقت البيت خوذي طقم زين اللي يصير نصف درزن بس تأكدي من القطع بعضهن يصير معهن قطع ماله داعي,مثل الابريق ماله داعي ,دوري اللي يكون معهن حقت الشوربه أزين.
...........
وباقي أغراض البيت خوذي لك الاشياء الخفيفه وسهلة الحمله والي تطوى ازين لك,,
وبالتوفيق
اول شيء روحي محلات ابو خمسه اللي بالشفاء<<< الظاهر اسمه مركز التوفير بأسواق السقاف..أو...
ماراح تكلفك اغراض المطبخ اللي ذكرتهن فوق الا 1000 ريال أو أقل..
واواني الضيافه يمكن 1500 اذا اخذتي سفرة القهوة والشاي والعصير ب 500 تقريبا, شنطة الملاعق والسكاكين ب 300,سفرة العشاء ب700,الترامس ب200 والصياني 150,هذا تقريب حسب خبرتي,,
وأنصحك تروحين محلات الجمله عشان عندهم اشياء ارخص شوي انا شفت عندهم ترامس ارخص من السوق والصياني والاطقم.
................
والقدور خوذي استيل بس احسن شيء ابحثي بالنت عن الشركات الحلوه ولاتكثرين لانهن غاليات,,وممكن بعدين تاخذين احجام كبيره..
...