مرحبا اخباركم ,,كيف صحتكم ,,,:26:
مدري كيف ابداء بالموضوع بس هو واضح ,,,
يعني اذا انتي ساكنه بيت اهل زوجك بشقة او بجناح ويحاسبونك بالطلعه والدخله او بلأحرى يحسابونك تجلسين معهم او لا تزورينهم او لا وخاااااااااصه اذا معك سلايف بالبيت(زوجات اخو زوجك)ويقاارنون بينك وبينها من اكثر جلسه معهم
<<انتظر سواليفكم
وراح اشارك معكم بالرأي واقول لكم سالفتي وان شاءالله تستفيدون لاني كثير تألمت وتعبت وتعلمت
بالنسبه لي بداية زواجي كنت اتحسس كثييير من هالموضوع وكنت الاحظ زوجة حماي تغاااار كثير لما تشوفني موجوده او تشوفني سهرت معهم او تغديت معهم والطااااااااامه انها (انقلت لي العدوى) وصرت اغار منها اذا هي موجوده قبلي واذا سمعت اصواتهم وضحكهم
او اذا جلست معهم يطرون لي انهم سهروا ,,,,بس هاااااااااه مااوضح لهم اني غيرانه بالعكس اقول ليتني معكم وناسه ربي يسعدكم زود ومن هالكلام(وخااصه ان وحده من حمياتي تحاول تسبب الغيره والمنافسه بيني وبينها لكن الحمدالله اني كنت منتبه لهذا الشيئ )وتنبسط زوجة حماااي لما يتشرهون ربي يهديها فيها الحسد اللهم ياكـــــافي مير ماهي بعارفه انهم يقصون فيها قص ويطلعون عليها كلام الله المستعان
(وانا اعتبر اللي كنت افكر فيه غباء وغيره مش في مكانها,, الحمدالله ربي نورني)
المهم انا طالبه ادرس الماجستير ودوام زوجي يرجع 6 المغرب ولا يطلع بيتوتي<<وش يطلع يادوبه يتروش وياكل لقمه >> يعني ابد ماافضى تشطيب البيت ومقابل زوجي وعشى وواجبات الدنيااا تكون عندي يادوب ساعه باليوم اظغط ع نفسي علشان انزل تحت لهم
بعكس زوجة حماي طوال الوقت فاضيه وزوجها مايجلس بالبيت وهي ماتدرس ولا موظفه المهم مالكم بالطووويله اني ضليت فتره اتعب من هالموضوع ومأأأأأأأرقني كثير كثير اني ماانزل وهي تنزل وكانوا يحرجوني لو اني زرتهم بأاجتماع
يتشرهون علي ويعاتبون قدام الكل كأني مقصره بواجب من واجباتي الاساسيه ,,,وانا انسانه هاديه وفي حالي ولا احب التشره والعتاب الا لما يكون لبق ومحترم
رغم اني انزل لهم هاااذيك الفتره شبه يومي بس ساعه ساعتين او اطبخ العشا وضحك وفله ووناسه واطلع لشقتي
المهم ,,,,مع الوقت والايام الحمدالله عرفت نفسي وعرفت لهم ,,,
اولاً انا متزوجه ولدهم مش متزوجتهم هم
ثانياً المفروض أأدي الواجبات اللمفروضه علي مثل اجتماع رسمي او عزومه وزياره ع الاقل مرتين بلأسبوع<<لان بيتك له حق وزوجك له حق ايضاً وعيالك
ثالثاً كثرة الزيارات والسهرات والجمعات مع اهل الزوج سبحان الله تخلينهم يمنون عليك واللي يمون عليك مع الايام مايحترمك<<(وطعباً هالقاعده اعتبرها لناس وناس لان البعض بالعكس يمون عليك بوجود الاحترام بس انا شفت العكس مع اهل زوجي)
رابعاً بالنسبه لحياتي والله يابنات لما اجلس بوسط ام زوجي وبناتها يحشون وياكلون في زوجة ولدهم الكبير رغم انها تكون متواجده طوال اليوم معهم وام زوجي الله يهديها تحش فيها في العزايم ممكن تكون زوجة حماي انسانه مقصره ببيتها وطويلة اللسان بس المفروض مااتتكلم عنها ولو ام احفادها وانا لك الحمد والمنه تمدحني وتقول في حالها وقايمه بولدنا وحبوبه وماعليها وهذا انا مااكون متواجده ع طول معهم يعني الفكره تتواجد(بلأخلاق مش بالمقااااااااااااااابل والسهر والقيل والقال)
والله يابنات ان لما يرحون الشاليه او البحر يتصلون علي انا مايتصلون عليها بلأول مايعجبني لان لو عملوها معي اكيد بزعل اسئل عنها واطلبهم يعزمونها معنا (حب لاخيك ماتحب لنفسك) بس مع الايام اكتشفت انهم مايتحملونها بالرحلات ماتحترم المكان ولا تحترم الهدوء ربي يهديها
فحالياً اانا مرتاحه كثير وواثقه من اللي جالسه اسويه ولا ازعل لو عرفت انهم سهرانين او انهم مجتمعين ابد مايزعلني هالشيئ لاني مقتنعه بأني ازورهم مرتين بلأسبوع والاجتماع الرسمي احضره وهذا يكفي والحمدالله مرتاااحه ومحترميني ويفقدوني ومن اللي مقتنعه منه اني انا مااسوي حاجه خطأ بالعكس انا اادي الواجب اللي علي واعطي الهدايا لو توفرت مناسبه وبعض الاحيان من دون مناسبه ولبقه في الحديث معهم ومحترمتهم وهذا اهم شيئ مش ضروري المقااااااااااااابل صدقوني وربي مايفيد غير وجع الراس والقيل والقال والحش
وانا اطاااااالبهم بلأحترام ماااابغى الحب وخاااصه مع اهل الزوج ويحترمونك اذا انتي محترمتهم
ويابنات الدعااااااااااااااء والاستغفار له دوووور كبير في حسن علاقتي مع اهل زوجي
والسهو عن التفاهات
وغض البصر عن اخطأهم والعفو والسماح وربي له دور كبير بأحترام من حولك يكفي اجرك عند ربك
ولا تنسون اصحاب العقوووول في راحة واللي كنت افكر فيه بداية زواجي واهوجس به ومتعبني اعتبره ضعف شخصيه وعدم ثقه وغباااء والحمدالله ربي نورني بالطريق الصواب
اعذروني طولت عليكم بس كان الموضوع كثييييير مأرقني بس الحمدالله تعدلت اوضاعي والهدف من الموضوع الافاده والتوضيح بزيارة اهل الزوج(انها تأدية واجب وذوق وادب ومش ترزرز ومقابل ع قل سنع)
وانتظر سواليفكم
مناير ونورا @mnayr_onora
عضوة جديدة
يلزم عليك تسجيل الدخول أولًا لكتابة تعليق.
سما الواثقه
•
مشكوره وهذى طريقتى
فعلا كلامك درر
و في مكانه بالفعل
انا نفس مشكلتك وفعلا اعتزلتهم وشفت انهم الحين يفضلوني اكثر وحده من حريم عيالهم الاربعه
ربي يوفقك يارب
ماشاء الله عليك الله ينور بصيرتك ويرزقك صراحه وانا اقرا موضوعك حسيت ان عقلك يوزن بلد بسم الله ماشاء الله ومحترمه معاك بكل كلمه قلتيها الله يوفقك
خلك بعيد حبك يزيد
خلك بعيد حبك يزيد
حبيبتي انا نفس الشي عايشه ببيت لحالي بس فوق اهل زوجي وكلنا فوق بعض ساكنين ، نفس الشي كنت اتعب بالبدايه بعدين اقتنعت انو ارضاء الناس غايه لا تدرك فسرت اعمل الي بريحني انا ، يعني كل يوم الصبح وانا نازله ع الدوام بشوفهم بصبح بالخير عليهم وبطلع ع شغلي وخلص ، لنهايه الاسبوع بنزل عندهم مش اكثر من ساعتين وبعدها ع بيتي
انا متجوزه ابنهم مش متجوزيتهم ، وابنهم مو حارميتوا منهم يروح متل ما بدوا بس انا في حدود وحدود جدا حمراء للموضوع
انا متجوزه ابنهم مش متجوزيتهم ، وابنهم مو حارميتوا منهم يروح متل ما بدوا بس انا في حدود وحدود جدا حمراء للموضوع
الصفحة الأخيرة