ساكنه في بيتي ومأمنتها ع عيالي واخرتها تخوني مع زوجي!!

السلام عليكم

المشكله هاذي لاختي مو لي . .

توني مكلمتها وماقدرت الا اهديها

تقول خذت جوال زوجها وقعدت تشوف الرسايل <~ طفشانه

ولقت رساله مكتوب فيها

سلام . . بابا ابغا لابتوب اذا ممكن . . شكرا

تقول استغربت من الرساله !

ايش بابا !!!!!!

وطالعت في اسم المرسل الا مكتوب اسم شغالتي !!!!!

من وين جا لشغالتي جوال . . وكيف جا عندها رقم زوجي !!! وش هالميانه الي ترسله ابغا لابتوب!!

راحت للرسايل المرسله مالقت شي

وحفظت رقم الشغاله بجوالها . .

الحين تخلي عيالها اطفال عندها الصباح حتى مفتاح البيت معاها يعني مستأمنتها ع البيت وتسوي كذا

هي تقول ابغا اواجهه واواجهها انا من زمان ملاحظه ميانه بالكلام معاها ومطنشه ماتوقعت من زوجي ابدااا

وانا قلت لها لا تواجهينه الا لما تتاكدين عشان ما يمسح اي دليل !!

بس كيف نتأكد . . ؟!

قلت لها تدق ع الرقم بجوالها وتشوف . . طلع مقفل !

قالت لي بفتش اغراضها واطلع الجوال ! <~ بس كيف تفتش والشغاله موجوده

يوووه حوسه حوسه وكلامي ملخبط

ابغا خطه استراتيجيه نتاكد انها الشغاله ونعرف بالظبط العلاقه بينهم بدون ماينكر المحروس <~ مالت عليه

لا تثقون بالخدم ابدا ابدا ابدا خاينات خاينات يمه منهم


على فكره اسم شغالتها عربي عربي يتسما عندنا <~ عشان كذا اقول تاكدي انها الشغاله

والرساله كانت بالانجليزي بس انا ترجمتها