ساكنه مع الهندي السواق

السلام عليكم
اترجاكم واحب على روسكم تدعولي
يااخوات أنا بحزن كبير على نفسي
سالفتي طويله جداً بس بأختصرها
أنا ساكنه بشقه أنا زوجي وولدي صغيره فوق ماتتصورون يعني جناح فقط
ورب الكعبه مايدخلها شمس كل مافيها اشباكين على منور يعني ولله الحمد كل أيامنا ليل
ضيقه مكتومه كريهه لانفس صحي ولاشمس ولا وسع وولدي يقطع القلب يتمنى انه يلعب بالسيكل ولا كوره وطبعا هذ مستحيل
والمصيبه أنا اللي اخترت الشقه بعد الملكه كان يوم اسود يوم غلطت هالغلطه الشنيعه كنت معميه ماشفت عيوبها
المهم بعد ماخلصنا من السنه الاولى أجار اترجى زوجي نطلع وتعذر باعذار تضحك وترا على فكره لاتفسرونها بخل لا وربي يشهد اصلا الشقه ذي اقصد الجناح ذا مامن رخص بخمسه وعشرين الف بس كله كسل وخمول ولا مبالاه واستهار
وانا لي فيها الان ثلاث سنين باقي ثلاث شهور وتنتهي وطبعا بعد تدخل اهلي ومشاكل وزعل رضي يطلعني بعد ماينتهي الاجار
وعلى فكره راتبه 15الف ريال والحمدلله صافي وليته كله ديون كان هانت علي
بس الحمدلله
المصيبة العظمى ان صاحب العماره قرر يفتح سوبر ماركت تحت العماره بالضبط بالدور الاول وانا طبعا بالدور الاول وبيني بين السوبر ماركت جدار واحد
والمصيبه الاكبر ان غرفة السواق حقه كانت تحت بعد بالدور الاول وقرر يشيل غرفته علشان يوسع في البقالة
المهم وين قرر يبني غرفته عند شباك غرفة نومي بالضبط والله العضيم
لان عند الشباك منور صغير وفعلا بناله هنجر يعني بين شباك غرفتي وغرفة الهندي حاجز هنجر
وطبعا الشلل الهنود عنده اسمع التلفزيون أشم الطبخ اقسم بالله أني اسمعه لاتقلب بالسرير قريب مره واسمع سيفون الحمام الله يكرمكم
وجتني حاله نفسيه سيئه جداً اكل بنفسي اكل مقهورة قلت ليش وش ناقصني أنا علشان اسكن مع السواق مايكفيني بلى الشقه كمل علي
لها الدرجه وضعنا سئ زوجي راتبه 15الف ريال وابوي مقتدر
وساكنه بالمكان هذا
لا والاسبوع الجاي بيفتح السوبر ماركت تخيلو الازعاج وكيف اقدر اطلع وادخل على راحتي من دون خوف من العماله والشباب الفاسدين عند البقالات
صح ان باقي ثلاث شهور ونطلع بس وش يصبرني الثلاث شهور ماعاد قدرت أتحمل حسو فيني وزوجي اترجاه نطلع اخر الشهر ورافض يقول والله مااملك حق الاجار الثلاث شهور يجمع فيها حق الاجار السنه الجديدة ولا هو وده نطلع بس بارد وانا محترقه
رحت لابوي امس اتطلبه تكفى عطني 15 الف نستاجر وأعطيك بعد ثلاث شهور ماعطاني وجه مره قال وزوجك وينه راتبه فوق 15 الف
حزت بخاطري نفسي
واصلا زوجي مايدري أني طلبته ولا كان ذبحني
الله لايحد مسلم ومسلمه على احد
حتى على زوجها
تمنيت بلحظتها لو املك اي قطعه ابيعها وأحل مشكلتي من غير تفكير اشري راحت نفسي
لكن الشكوى لغير الله مذله
الشكوى لغير الله مذله