سالتكم بالله ادخلوا واسوني

السلام عليكم ورحمة الله وبركاته
خواتي بالله
انا متضايقة مرررررررررررة وربي اني شايلة جبااااااال على صدري من الهم والحزن
بقولكم قصتي باختصار
انا عمري 36 سنة
ماتزوجت مع اني حلوة وموظفة وماناقصني شي ابدا والكل يبيني
لكن ماكتبلي ربي حظ
طبعا وحدة وصلت هالسن وهي شايفة نفسها تستاهل واحد يناسبها بتكون محطمة طبعا
لجات للنت واندمجت بالمنتديات والكتابة
وقدر الله اني اتعرف على واحد باحد منتديات الاسهم والمشاريع
المهم تكلمنا كثير عن الاسهم والمشاريع بحكم انه خبرة
وطبعا كنا نتكلم بالمسن بشكل شبه يومي وعن العمل
لكن بحكم طول فترة العشرة صار لازم نتطرق لاشياء خاصة شوي
والبداية كانت منه طبعا
حكى لي ظروفة الشخصية وكان شخص متزوج ومعه 3 اطفال ورجل اعمال كبير
ومن هالكلام
انا طبعا كنت متحفظة نوعا ما
حتى لما اعطيه اي شي خاص فيني احاول اني اغير بالتفاصيل شوي
بس الاكيد اني ذكرتله عمري ووظيفتي وحالتي الاجتماعية اللي كان تقريبا عارفها من وقت ماكنا نتكلم عن الاسهم والقروض وهالاشياء هذي
بعدين سالني ليش ماتزوجتي؟؟ وانتي ذكية وموظفة وملتزمة؟؟
طبعا بما انه شخص كبير وعاقل وحسيت بنضوجه وحكمته من خلال نقاشاتنا الكثيرة
حسيت اني محتاجله افضفض لناس من هالنوع خصوصا انه مايعرفني ولا راح يعرفني
فقلتله تقريبا قصتي كلها
تعاطف معي وكان كلامه بلسم لروحي
صرت اشتاق كثييييييييير لدخوله المسن
المهم
باختصار مابي اطول عليكم لانها قصة طوييلة
خلاصتها اني تعديت المسن وكلمته وصارحته بكل شي يخصني حتى اسمي وعملي واهلي ووووو
كان لي الحبيب والاخ والزوج والاب وكل شي
صار هو كمان مايستغنى عني
ولمح الى انه يبي يتقدملي لكني كنت اقولة انتظر لان ابوي مستحيل يوافق عليه
لانه مو منا ولانه متزوج وعنده اطفال
نسيت اقولكم
هو كان يشكيلي من جفاف كبير بينه وبين زوجته بسبب فارق العمر اللي بينهم لانها اصغر منه بكثيييير تقريبا 8 او 9 سنوات مع انها جميلة وذكيه وقريبته بس بسبب كثرة الخلافات اللي تصير بينها وبين اهله بعد عنها عاطفيا شوي
وهذا اللي قربني منه اكثر واكثر
ولو اني بالفترة الاخيرة اكتشفت انه معجب فيها ولايقدر يستغني عنها , كان واضح هالشي من كلامه بدون مايقصد
مع اني والله العظيم كنت داااااااايم اختلق المشاكل عشان ابعد عنه لما اتذكر انه متزوج
لكن غصب عني ارجع لاشعوريا
وانهبل اذا ماكلمني
لدرجة اني مرة ترجيته انه مايرد علي اذا رجعتله وعارف السبب
لكن حتى هو ماقدر
المهم اكتشفت اني يمووت لو بعدت عنه
وقبل كم يوم
جاني عريس لقطة يعني يعتبر قنبلة لي ولاهلي
ولا كنت احلم يجيني واحد بهالمواصفات
واهم شي انه اكبر مني ومو متزوج
يعني لو برفضه اهلي بيشكون فيني مية بالمية يا اني عاشقة أو مسحورة
لما جاني هالعريس لقيتها فرصة اني ابعد عن حبيبي وافتعل معه اي مشكلة واحاول اصبر نفسي
وفعلا تهاوشت معه بس هالمرة كان بسبب قوي الحمدلله
وتركته اسبوع كامل ماكلمته
لكنه رجع يرسلي ويتوسلي انه يبيني وانه ماهو قادر لا ياكل ولا ينام ولا يمشي مع اللناس
ارسلتله لازم يتعود لاني ما اصلح له ابداااااااااااااااااا
واني ماني قادرة انسى انه مرتبط بغيري وعنده اطفال يموت فيهم
انا امراة ومهما كان ماقدر اصير مثالية واقول مايهم
هذا غير ان ابوي مستحيل يوافق عليه
لكنه اتصل وقعد يبكيوقعدت ابكي انا كمان
وقفلت الخط
ومن البارح لحد الان وانا بعذااااااااااااااااااااااااااااااااب
تكفون يابنات واسوني وهونوها علي
لاحد يقولي انتي غلطانة من الاول
انا عارفه اني غلطانة بس انا بشر ومريت بظروف من الياس والاحباط والتحطيم من عاءلتي ومن مجتمعي اجبرتني امشي هالخطوة عالاقل اقدر اطنشهم واعيش لان في احد ثاني مالي علي دنيتي
تكفون يابنات افهموني....
لاتبخلون علي بالنصيحة