خذي من كل الي ذكرتيه بس عينااااات

يعني من كل شي اثنين ثلاثه حسب السعر سواء عطور او ملابس فخمة او شنط وجزم

والماكياج الضرووووري بس وصدقيني لاحقه على التقضية بعد الزواج ومع زوجها

يعني لا تكثر ترى اغلب مشترواتنا حقة الزواج بعضها مايستخدم من كثرها والملابس ممكن تسمن اوتحمل

والذهب الشي البسيط من الاساسيات وقمصان قليلة والحمد لله

اعرف ناس مهرهم مثلها واقل وكفى واذا هي عندا استطاعة تزود من عنها لو هي موظفة وان ماعندها

برضه يكفيها

اتمنى اكون افدتك ولا تشيلون هم وتوكلو على الله

يالله نبي دعوه حلوه بالتوفيق والجنة

حبيبتي انا اعرف وحده مهرها 20 بس وكفاها
اهم شي ما تحطين في بالك انه ما يجيب لك شي الله يطرح فيه البركه
وبالعكس احس انه طيب لانك تكونين حريصه انك ما تضيعينه في اشياء ما لها لزمه
واكيد سمعتي ناس مهورهم 200 الف وزياده بعد لكن صدقيني انهم يضيعونها في اشياء مالها اي قيمه بعدين
وترى الانسان طماع يا اختي ودايما يقول لو كان عندي زياده كان احسن
عموما اسالي من الله التوفيق والسداد
والله يطرح في مهرك البركه
وموفقه ان شاء الله :26: :26:

:26:

مرحبا حبيبتي
مهرك معقول ويفي بالحاجة وهي انك تستعدي لزوجك
اول شي اذا انتي بتسافرين على طول انصحك ماتكثري شنط وسبورات لانك راح تشتري انا عن نفسي ماشريت بشهر العسل لاني كنت مره مستحيه من زوجي بس الحين اعض اصابع الندم

شوفي حبيبتي اول شي تشتريه فستان الزواج روحي للمتنبي بتلقين مشاغل نسائية قولي ابسوي فستان للملكة او الشبكة علشان مايلخمونك بالسعر سويه بدون طرحة صدقيني بيخيطونه لك بحدود 1500الى2000بالكثير انا كذا سويت وسوي الطرحه عنداي خياط مايبي لها شي
على فكره الخياطة تجيب كل شي من عندها يعني القماش والشك

بعدين الذهب روحي لطيبة وشوفي الذهب المستخدم لان الذهب حاليا نااااااااار
بعدين اذا شبكتك حلوه البسيها يوم زواجك واشتري بس خواتم هي الي بتحللينها وتعليقة اوثنتين
لان بيجيك اطقم هدايا
غير كذا بتلبسين اكسسوارات


اذا تبين ملابس نوم وبيت روحي لسنا فيه بشارع الثلاثين وفيه بطريق الاميرعبدالله عندهم اشياء مره حلوه ورخيصه
قشي لك منها وترى احيانا تلقين عندهم ايتام وبعض الماركات وبصراحة الزوج مايعرف الغالي من الرخيص في هالاشياء
وخذي لك بجامه منلاسنزا وثانية من ايتام والباقي بعدالزواج وانتي مع زوجك

الفساتين فصلي بس واحد فخم هذا اذا بيسوون لك حفلة واذا مافيه مايحتاج اشتري من رارا عندهم فساتين نعومة ورخيصه او شوفي المحلات الي ورا في صحارى

وبالنسبه للجينزات والتنانير لاتستخسرين فيها لانها هي الي بتنكرف بس لاتكثرين لانك راح تنزلين السوق
وعلى فكره اذا انتي بتسكنين في الرياض ترى اغلب طلعاتك انتي وزوجك بتكون للأسواق ماعندناغيرها

امممممممممم وش بعد
ايه العطورات والمكياج اياني وياك تروحين للسواني وجوه اوباريس قالري اوقزاز
عندك حبيتي شارع السويلم اتمنى انك تعرفينه ترى قزاز والمحلات الكبيره ياخذون منه ويدبلون لك السعر
عندهم عطورات روعه وجديده يكفيك3 عطورات والمكياج اهم لانك عروس بس لاتكثرين يعني الاشياء الاساسيه
وخذي من عندهم بالمره الكريمات المرطبه واغراض الحمام
وش بعد
ايه المفارش فيه مفارش حلوه وعمليه لاتاخذين من الي بالألوف لانك بتغيرينه بتملين منه خذي شي عملي وبسعر معقول فيه مفارش روعة ب500ريال وفيه اقل بعدين اذا زوجك بيشتري مو ضروري تشترين

بعدين اذا بتسكنين في بيت بلحالك ترى مولازم جلابيات مراح تحتاجينها

شوفي العبايات عندك محلات في طيبة زي الماركات بس ارخص
واذا عن الجزم لاتكثرين وخلي جزمة الزواج مثلا فضيه علشان تستفيدين منها مع اي لبس وحاولي تقتصرين عالاشياء المهمه وللبيت خذي شباشب من السدحان الي بعشره فيه اشكال مره حلوه ورخيصه

وحاولي يصير معاك مبلغ لان ليلة الزواج بتطلع لك مصاريف ماتدرين عنها
واذا عن الكوافير خذي وحده حلوه ورخيصه البنات كل يوم ينزلون ارقامهم بالمنتدى ان شالله مايقصرون معاك


اتمنى اكون افدتك واهم شي تتوكلين على الله ولاترخين اذنك للكلام اذا احد قال اشتري واشتري ترى تسمعين يقولون بس كذا وقولي في نفسك على قد لحافك مد رجولك


وسلامتك حبيبتي اذا عندك اسئلة ترى انا في الخدمة بس ادعي لي ربي يهون علي ولادتي ويقومني بالسلامة انا والبيبي ومبروك مقدما

ما شاء الله البنات ما قصروا.. كفوا و وفوا.

أهم شئ حبيبتي أنها تحط ببالها أن ذوقها راح يتغير بعد الزواج. سواء كان بسبب زوجها أو بسبب ذوق حمولتها لابد يتغير. و أحسن شئ تشتري كم تايير أو فستان سهره عشان لو صادفت سهره مهمه بعد زواجها على طول (مو معقول راح تنزل أبو الشباب للسوق من أولها). و الباقي تخلي كل شئ لوقته حتى عشان ما تصير شرت ملابس و راحت موضتهم.

الله يوفقها و يوفقك ويوفق بنات المنتدى كلهم :26: